Sanchezek agindu du ez duela "zentimo bat ere" murriztuko gizarte politiketan, gastu militarrera bideratzeko
Pedro Sanchez Espainiako Gobernuko presidenteak gastu militarrean BPGren % 2ra iristeko epeak zehaztea saihestu du, eta NATOren ekaineko goi-bilerara itxarotea eskatu du. Bestalde, gastu militarraren igoera horrek gizarte politiketan "euro zentimo bat ere" murriztuko ez duela agindu du agintariak.
Moncloan egindako agerraldian, egunean zehar Alberto Nuñez Feijoo oposizioko buruarekin eta gainerako talde parlamentarioetako bozeramaileekin, Vox kenduta, bildu ostean, Sanchezek berretsi du gastu militarra handitzeko Gobernuaren konpromisoa "irmoa" dela, baina nola eta noiz egingo duen argitzea saihestu du.
Baztertu egin du gaia Kongresuan eztabaidatzea
Hala, gastuaren igoera hori Diputatuen Kongresuan bozkatu behar ote den galdetu diotenean, Sanchezek esan du: "Parlamentutik pasatu behar diren gauza guztiak Parlamentutik pasatuko dira. Eta Espainiako Gobernuaren kudeaketarekin zerikusi handiagoa duten beste gauza batzuk, Espainiako Gobernuak bizkortu eta kudeatu beharko ditu. Gai honetan ez dago eztabaida gehiagorik", adierazi du.
Sanchezek modu horretan erantzun du, Nestor Rego BNGko bozeramaileak gaurko bileran Sanchezek defentsan gastua handitzea "ziurrenik" Behe Ganberatik igaro behar ez izatea onartu ostean.
Hala, NATOk ekainean Hagan egingo duen goi-bileran, "% 2 horren betetze-maila zein izango den zehaztuko da", adierazi du.
"Diplomaziaren" aldeko apustua egin du EH Bilduk
Bestalde, nazioarteko testuinguru berriari aurre egiteko "diplomaziaren" aldeko apustua helarazi dio EH Bilduk Espainiako Gobernuko presidenteari.
Sanchezekin izandako batzarraren ostean, Mertxe Aizpurua Kongresuko bozeramailearen eta Espainiako gobernuburuaren arteko bilera "giro eraikitzailean, adeitsuan eta errespetuz" egin dutela jakinarazi du koalizioak.
Koalizioak "diplomazia, negoziazioa eta akordioa" aldarrikatu ditu, testuinguru geopolitiko honetan bakea bermatzeko "formularik onena" delako, eta horregatik, EH Bilduk lanean jarraituko du "euskal gizartearen eskubideak, askatasunak eta ongizatea bermatzeko baldintzarik onenak bilatu eta ziurtatzeko".
EAJk uste du gastu militarra handitzearekin batera industrian inbertitu behar dela
Aitor Esteban EAJk Kongresuan duen bozeramailea, aldiz, gastu militarra handitzearen alde agertu da, baina uste du horrekin batera industrian inbertitu beharko litzatekeela. Sanchezen Gobernuaren eta EBren egitasmoa "gehiago definitu" behar dela onartu arren, gai horrek Kongresuan eztabaida bat behar duela uste du Estebanek.
Espainiako gobernuburuarekin bildu ostean Moncloan emandako prentsaurrekoan, Estebanek argi utzi du bere alderdiak bat egiten duela Europak "babesgabetasunari" eta nazioarteko "paradigma berriari" aurre egin behar dionaren ideiarekin, Donald Trump Etxe Zurira itzuli ondoren, arlo geoestrategikoan egiten ari den norabide aldaketekin.
"EBk garrantzitsua izan eta jarrera autonomoa izan nahi badu, Amerkietako Estatu Batuak alde batera utzita birkokatu eta indartu behar du bere burua", azpimarratu du, baina ez du uste hori "bat-batean" egin behar denik, eta "aspaldi egin behar zela" erantsi du.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.