Errege emerituak Kantabriako presidente ohia salatu du haren kontra "irainak" botatzeagatik
Juan Carlos Borboikoa errege emerituak iragarri du Miguel Angel Revilla Kantabriako presidente ohiaren aurka salaketa jarriko duela, 2022ko maiatzetik 2025eko urtarrilera hainbat komunikabidetan bere aurka egin dituen "adierazpen iraingarriengatik".
Guadalupe Sanchez errege emerituaren abokatuak —Isabel Diaz Ayuso Madrilgo presidentearen mutil-laguna ere ordezkatzen du Espainiako Gobernuko kideen kontra arlo zibilean jarri dituen salaketetan— Revillari eskatzen dio adierazpen horiek publikoki eta modu berean zuzentzea eta 50.000 euroko kalte-ordaina ematea eragindako kalte moralengatik. Kalte-ordain horiek ordainduz gero, Caritasi emango zaizkiola azaldu dute.
Salaketa jarri aurretik, abokatuak adiskidetze-ekitaldi bat egitea eskatu du, Santanderreko Lehen Auzialdiko Epaitegietan auzia saihesteko, Novalex abokatuen bulegoak prentsa-ohar batean azaldu duenez.
Oharrak dioenez, emeritoak neurri judizialak abiatu ditu Revillak 2022ko maiatzetik 2025eko urtarrilera jendaurrean egindako adierazpenak direla eta.
Besteak beste, "zerga iheslari", "ustel" eta "herrigabe fiskal" deitu, eta "gehiegikeriak" egitea egotzi dio Revillak errege emerituari, Kantabriako presidente ohiak telebistan eta komunikabideei egindako adierazpenetan.
Zarzuelako iturriek jakinarazi dutenez, errege emerituaren ekimen pertsonala da salaketa, abokatu pribatuen bitartez, eta Errege Etxeari ez diote horri buruzko kontsultarik egin.
Bestalde, Kantabriako presidente ohiak esan du "lasai" dagoela, errege emerituak iragarritako salaketa jasotzeko zain. Revillaren ingurukoek adierazi dutenez, Kantabriako Alderdi Erregionalistaren (PCR) buruak bihar aterako da komunikabideen aurrera. "Kontzientzia lasai daukat", ziurtatu du Revillak El Correo egunkarian, Gasteizen pelikula bat filmatzen ari zela.
Salaketaren iragarpena PRCren barne-prozesu betean iritsi da, 2027ko hauteskundeei begira Miguel Angel Revillaren ondorengoa aukeratzeko, baina aurreikusita dago idazkari nagusi izaten jarraituko duela agintaldia agortu arte gutxienez, 2026ko amaierara arte.
Zure interesekoa izan daiteke
Eusko Legebiltzarrak eskatu du Lan Agintaritzak enplegua erregulatzeko espedienteak baimentzeko eskumena berreskura dezala
EAJk, PSE-EEk, EH Bilduk eta Sumarrek babestu egin dute Espainiako Gobernuari eskatzea kaleratze kolektiboen baliozkotze administratiboa berriro derrigorrezkoa izan dadila; PPk eta Voxek, berriz, aurka bozkatu dute.
Melgosak Espainiako Gobernuari ohartarazi dio erregularizazio prozesuaren ondorioak bere gain har ditzala
Radio Euskadin egindako elkarrizketa batean, Nerea Melgosa sailburuak Sanchezen Gobernua kritikatu du, ez dituelako aintzat hartu Eusko Jaurlaritzak erregularizazio-prozesuari egindako alegazioak; besteak beste, euskara ikasten duten migratzaileen ahalegina aitortzea.
Sidenorren inguruko erabakiak ez du Otegi harritu, baina Israelekiko harremana mahai gainean jartzearen alde agertu da
Auzitegi Nazionalak Jose Antoni Jainaga eta Sidenorren zuzendaritzako beste bi kide genozidiogatik ez ikertzeko hartutako erabakiak ez du Arnaldo Otegi EH Bilduren idazkari nagusia harritu. Dena den, haren ustez, fokua Ameriketako Estatu Batuekiko eta Israelekiko harremanetan jarri behar da.
81 biktima politiko gehiago aitortu ditu Nafarroak
Foru Gobernuak biktimei errekonozimendua eta erreparazioa emateko hirugarren ekitaldia egin du, eta, guztira, 122 biktima aitortu ditu. Ana Ollok "giza eskubideen errespetuaren eta defentsaren" alde egin du, "zoru etikoa" hor dagoela aldarrikatuz.
Pardo de Verak deklaratu du Aldama Garraio Ministerioan noiznahi ikusten zuela atzera eta aurrera
Auzitegi Gorenean egin duen deklarazioan, Adifeko presidente ohiak ukatu egin du inolako presiorik jasan izana musukoak erosteko edo inor entxufatzeko.
Asironek esan du Aranzadiko etxegabetuei Udalak "behin behineko" irtenbidea eman ahal diela
Joseba Asiron Iruñeko alkateak Aranzadiko eraikina hustea beharrezkoa zela defendatu du, arrazoi humanitarioak eta segurtasun arrazoiak direla eta. Ziurtatu du aterperik gabe geratu diren 98 lagunen kasuak banan-banan aztertzen ari direla, behin-behineko irtenbidea emateko. Udalak behin betiko irtenbiderik ezin duela eskaini esan du, ez duelako horretarako eskumenik. "Irtenbidea erregularizazioa da".
Marlaskak esan du espazio publikoetan arma zurien erabilerari aurre egiteko neurriak "ahalik eta lasterren" hartuko dituela
Pasa den martxoaren 27an aldebiko batzordean arma zuriak eramateari buruzko zigor araubidea zorroztea eta indartzea adostu zuten Espainiako Gobernuak eta Eusko Jaurlaritzak. Ildo horretan, arazoari "modu egoki eta koordinatuan" heltzeko lege erreformak egitearen eta gizartea sentsibilizatzearen beharra azpimarratu du Fernando Grande-Marlaska Barne ministroak.
Voxen diputatu bat Kongresuko Osoko Bilkuratik kanporatu egin dute, Presidentetzako kideei aurre egiteagatik
Voxen Konstituzio Batzordearen bozeramaileak, José María Sánchez Garcíak, Kongresuko presidenteordeari eta letratu bati aurre egin die astearte honetan. Hainbat aldiz abisu eman diote, eta, azkenean, kanporatu egin dute. Sánchez García kexu zen ERCren diputatu batek, Jordi Salvadorrek, irain larriak egin zizkiola, hala nola “hiltzailea”, “ezjakina” eta “kriminala” esanez.
Torresek iragarri du Parte hartze Instituzionalari buruzko euskal Legean "parte hartu" nahi ez duten sindikatuen aurrean "diskriminazioak" ezarriko dituztela
Lehendakariordeak adierazi duenez, etorkizuneko legeak "eragile sozialen parte-hartze faltaren ondorioak" arautuko ditu, "derrigor" parte har dezaten.
Espainiako Gobernuak migratzaileen erregularizazioa onartu du, baldintza gisa jarririk aurrekari penalik ez edukitzea
Erregularizazioak milioi erdi migratzaile ingururi eragingo die, eta apirilaren 16tik aurrera eskatu ahal izango dute. Testuak baldintza gisa ezartzen du aurrekari penalik ez edukitzea, bai eta "ez izatea ordena zein segurtasun publikorako mehatxu" ere.