Imanol Pradales: "Europak irmoki, inteligentziaz eta proportzioz erantzun behar du"
Donald Trumpek iragarritako muga-zerga orokorren aurrean, Europak erantzun "irmo" eta "bakarra" eman behar duela defendatu du Imanol Pradales lehendakariak. Gainera, iragarri du Ameriketako Estatu Batuetara gehien esportatzen duten EAEko enpresak premiaz bilera batera deituko dituela, industria defendatzeko sortutako taldearen aterkipean. Lehen kalkuluen arabera, 1.040 enpresa kaltetuko ditu eta 400 milioi euroko gainkostua ekarriko die.
Horrela mintzatu da Imanol Pradales lehendakaria kazetarien aurrean egin duen lehen balorazioan, Bilbon. Donald Trump AEBko presidenteak % 10eko muga-zerga globalak ezarriko dituela iragarri du, herrialde guztietatik inportatutako produktuen gainean; % 20koak Europar Batasuneko produktuen gainean, eta % 34koa, Txinatik esportatukoen gainean.
Lehendakariaren arabera, "Europak irmoki, inteligentziaz eta proportzioz erantzun behar du" Trumpek abiatu duen gerra komertzialaren aurrean. "Erantzun behar dugu gure ekonomia babesteko, gure enpresak babesteko eta gure enplegua babesteko, eta horrek eskatzen du Europaren erantzun bat, eta bakarra. Inportantea da Europan batasuna mantentzea atzo Trumpek iragarritakoaren ostean", gaineratu du. Halaber, Euskadi Bruselarekin elkarlanean arituko dela azpimarratu du, enplegua, enpresak eta lehiakortasuna defendatzeko.
Imanol Pradales lehendakariak ziurtatu du Eusko Jaurlaritzak beharrezkoak diren neurriak hartuko dituela, Europaren eskutik. Trumpek defendatzen duen politika protekzionistaren aurrean, merkataritza are eta gehiago zabaltzea defendatu du. "Batzuek eskatzen dute oztopoak eta eragozpenak sortzea munduko merkataritza globalean, guk guztiz kontrakoa defendatzen dugu", gehitu du.
Testuinguru horretan, Ameriketako Estatu Batuetara gehien esportatzen duten EAEko enpresak premiaz biltzera deituko ditu Imanol Pradales lehendakariak, industria defendatzeko taldearen aterkipean.
Eusko Jaurlaritzak egindako eta lehendakariak zabaldutako lehen estimazioen arabera, 400 milioi euroko gainkostua ekarriko diete muga-zerga horiek Euskadiko enpresei. Gaineratu duenez, gutxi gorabehera, 1.040 enpresak 2.000 milioi euroko balioa duten esportazioak egiten dituzte AEBra. Gehien kaltetutako produktuak eta sektoreak hauek dira: petrolioaren deribatuak, makina-erraminta, automozioko piezak eta nekazaritzako elikagaiak (Arabako Errioxako ardoak, batez ere).
Amaitzeko, gerra komertziala "atzerapauso" bat dela azpimarratu ondoren, merkatua beste herrialde batzuetara zabaltzeko aukerak daudela adierazi du eta Hego Amerika, Asia eta Afrika jarri ditu adibide gisa.
Sanchezek Trumpen muga-zergei erantzuteko neurrien berri emango du
Pedro Sanchez Espainiako Gobernuko presidenteak agerraldia egingo du ostegun honetan Moncloa jauregian, Donald Trump AEBko presidenteak ezarriko dituen muga-zergen aurrean prestatutako neurri-sorta aletzeko.
Moncloak jakitera eman duenez, Sanchezek eguerdian hitz egingo du, eta Espainiako Gobernuaren kontingentzia plana muga-zergek kaltetutako sektore ekonomikoei zuzenduta egongo da nagusiki.
Gaur arte zuhurtzia eta Bruselarekin koordinazioa aldarrikatu ditu Espainiako gobernuburuak Ameriketako Estatu Batuek ezarritako muga-zergen aurrean. Pasa den astean Diputatuen Kongresuan aurreratu zuen bere gobernua kontingentzia plana prestatzen ari zela, eta horri buruzko xehetasunak emango ditu biharko agerraldian.
Aurretik, asteazken arratsaldean, Sanchez UGT eta CCOO sindikatuen buruzagiekin eta CEOE eta Cepyme patronalen presidenteekin elkartu da Moncloan, gerra komertzialak eragindako abagunea aztertzeko.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.