Bruselak uste du amnistia legea "autoamnistia" dela, baina ez diela kalterik egiten EBren interesei
Pedro Sanchezen Gobernuaren iritziz, Bruselak onartu egin du amnistia diru publikoa bidegabe erabiltzea egotzi dieten kargudunen kasuan ere ezartzea.
Europako Batzordeak uste du Espainiako amnistia legeak ez duela helburu interes orokorra, eta "autoaministia itxura" duela gaineratu du, Pedro Sanchezen inbestidura ziurtatzeko "akordio politiko" baten ondorio izan zelako. Dena dela, Bruselak argitu du amnistiak ez diela kalterik egiten Batasunaren interesei.
Batzordeak amnistiaren inguruko iritzia helarazi dio Europar Batasuneko Justizia Auzitegiari, eta teorian argudio horiek publikoak ez diren arren, Espainiako hainbat hedabidetan eta informazio agentzietan filtratu dira gaur.
Erreferendum independentista antolatzean funts desbideraketa izan zen Espainian abiatutako ikerketa judizialari dagokionez, Europar Batasuneko Gobernuak uste du ez dagoela "lotura nahikorik" Kataluniaren independentzia helburu zuten "legez kanpoko jardueren" eta "Batasunaren finantza-interesen" artean.
Orain arte, Europako Batzordeak saihestu egin du Legeari buruz iritzia ematea, nahiz eta aurreko legegintzaldian Justizia komisario Didier Reyndersek irizpen bat emateko konpromisoa hartu zuen, oposizioaren, epaileen elkarteen eta gizarte zibilaren "kezkaren" berri eman ondoren.
Orduan, Batzordeak ez zuen espaziorik ikusten esku hartzeko, amnistian Europako funtsak ukitzen ez zirelako eta 'lawfare'a kanpoan utzi zelako.
Bere aldetik, Europako Justizia bozeramaileak deitoratu egin du Batzordearen argudioak hedabideetara filtratu izana, eta hori auzitegiaren legeen "urraketa" dela azaldu du.
Bestalde, Pilar Alegria Espainiako Gobernuko bozeramaileak txalotu egin du Europako Batzordeak EBren finantza-interesak kaltetu ez zirela ebatzi izana.
Pedro Sanchezen Gobernuaren iritziz, Bruselak onartu egin du amnistia diru publikoa bidegabe erabiltzea egotzi dieten kargudunen kasuan ere ezartzea.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.