Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bidean" lagunduko du.
Argazkia: Europa Press
Ana Redondo Berdintasun ministroak asteazken honetan aurreratu duenez, bera buru duen Ministerioa "prostituzioa debekatuko duen neurri sorta bat" prestatzen ari da. Hurrengo lanurtearen hasieran, irailean, lege proposamena Ministroen Kontseilura eramateko konpromisoa hartu du.
Ministroa Berdintasun Ministerioan izan da Sexu Berekoen arteko Ezkontza Legearen 20. urteurrenaren aldeko kanpainaren aurkezpenean. Bertan, kazetariek Jose Luis Abalos ministro ohiak eta Koldo Garcia Izagirre aholkulari ohiak emakumeak trukatzeari buruz izandako elkarrizketak direla eta galdetu diote. Publiko egin diren Koldo Garciaren grabazioetan prostituzioan aritzen diren emakumeekin gaua pasatzeaz hitz egiten zuten.
Horren aurrean, Redondok esan du "erreakzionatzeko unea" dela, "zentzu guztietan, irmotasun handienarekin erreakzionatzekoa ere". "Ezagutzen ari garen egoerak eta audio horiek emakumeak iraintzen gaituzte, gizatasuna kentzen digute eta kontsumorako objektu bihurtzen gaituzte", adierazi du.
Bere ustez, prestatzen ari diren neurriek lagundu egingo dute "prostituzioa eta matxismoa desagerrarazteko bide horretan". Ziurtatu duenez, prostituzioa indargabetzeko legea "Espainiako gizartea eraldatuko duen legea izango da, jarrera eta iruzkin maltzur eta matxista horiek desagerrarazteko".
Era berean, gogorarazi du PSOE bi aldiz saiatu dela prostituzioa debekatzen: bat, joan den legegintzaldian, eta, bestea, iaz, lege proposamen batekin. "Berriro ekingo diogu, beharra bertute bihurtu behar dela uste baitut. Benetan, unea dela uste dut", adierazi du.
Politikari buruzko albiste gehiago
Albaresek "geroratze-taktikak" ikusten ditu EBn euskararen ofizialtasunari buruzko erabakia berriro atzeratzean
"Hori eragotz dezakeen argudio teknikorik ez dagoela jakinda, atzean arrazoi politikoak ez ote diren galdetzen hasi naiz, baina lehenago edo geroago, inolako zalantzarik gabe, gaindituko ditugu", adierazi du Atzerri ministroak Radio Euskadin egindako elkarrizketan.
Tortura delituaren definizioa nazioarteko estandarretara egokitzeko eskatu dio NBEko Giza Eskubideen Batzordeak Espainiako Estatuari
Alde horretatik, Batzordeak mekanismo independente bat eratzea eskatu du, segurtasun-indarren tortura- eta tratu txar-salaketa guztiak ikertzeko, eta deitoratu du delitu horrek 15 urterekin preskribatzea.
Busturialdea-Urdaibai eskualdeak 303,4 milioi euroko inbertsioa jasoko du
Eskualdeko ekonomia-, gizarte- eta hiri-garapena sustatzen duten hainbat proiektu garatuko dira. Autzagane-Muxika errepidea hobetzea eta Bermeoren eta Muxikaren arteko bidegorri-sarea handitzea dira horietako batzuk.
Ibone Bengoetxea: "Europa ezin da eraiki bere aniztasuna ukatuz"
Ibone Bengoetxea lehendakariorde eta Kultura eta Hizkuntza Politikako sailburuak azpimarratu du euskara hizkuntza bizia dela, euskal herritarrena eta Europako ondarearen zati bat, eta gogorarazi du Europa ezin dela eraiki bere aniztasuna ukatuz. Hala, berretsi du Europan euskararen ofizialtasuna lortzeko Jaurlaritzak esparru guztietan lan egiten jarraitzeko borondate irmoa duela, eta inplikatutako erakunde guztien ahalegin diplomatikoa eskertu du.
Europar Batasuneko herrialdeek katalanaren, euskararen eta galizieraren ofizialtasunari buruzko bozketa atzeratu dute
Hainbat herrialdek adierazi dutenez, "oraindik ez da une egokia" hizkuntzen ofizialtasuna onartzeko, eta alderdi politiko, ekonomiko eta juridikoei buruzko zehaztasun gehiago eskatu dute.
Burgos-Gasteiz abiadura handiko trenaren aurreneko zatiaren eraikuntza esleitu dute
Azpiegitura horrek abiadura handiko sarearekin eta Atlantikoko korridorearekin lotuko du Euskal Autonomia Erkidegoa (EAE). Halaber, Arkauteko lotunea eraikitzeko proiektuaren idazketa esleitu da ere bai.
Ultraeskuinaren gorakadak eskatzen du “erreakzio nazional handi bat” eta agenda kontrajarria mahai gainean jartzea, Otxandianoren arabera
Pello Otxandiano EH Bilduko Legebiltzarreko bozeramailearen iritziz, ultraeskuina borroka kulturala irabazten ari da eta horren aurrean "erreakzionatu" egin behar da, eta "agenda erreakzionario" horri agenda "demokratizatzailea, ezkerrekoa" kontrajarri.
Cristobal Montoro inputatuta dagoen ustelkeria sarearen gakoak: komisioak gas-enpresei laguntzeko legeen truke
Orduko Ogasun ministroak sortutako abokatu bulegoak "influentzia sare" bat sortu zuen, ustez, dirua biltzeko, gutxienez bost konpainiaren interesen aldeko legeak egitearen truke.
Albiste izango dira: Euskararen ofizialtasuna Europan, indarkeria matxistaren erradiografia eta Donostiako Jazzaldia
Gaurkoan albiste izango direnen laburpena, bi hitzetan.
EBko ministroak euskararen, katalanaren eta galizieraren ofizialtasuna aztertzen ari dira
Luxenburgok, Poloniak eta Frantziak diote oraindik ez dela "une egokia" hizkuntzen ofizialtasuna onartzeko, eta zehaztasun gehiago eskatzen dituzte arlo politiko, ekonomiko eta juridikoei buruz.