Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Presoei ongietorriak antolatzeagatik auzipetutako ezker abertzaleko sei kideak ez dira espetxera joango, Fiskaltzarekin eta akusazioekin akordioa erdietsi ondoren, astelehen honetan Auzitegi Nazionalean abiatu den epaiketan. Ostegunera arte zen luzatzekoa, baina saioa hasi orduko epaileak akordioa irakurri eta auzipetuek banan-banan onartu dute bertan jasotakoa. Antolatu zituzten ekitaldiekin "biktimak umiliatu" eta horiei "kalte psikologikoa" eragin zietela aitortu dute.
Oihana Garmendia, Aimar Altuna, Oihana San Vicente, Carlos Saez de Egilaz, Jose Antonio Lopez eta Felipe San Epifanio ‘Kalera Kalera’ ekimenaren barruan 2016 eta 2020 urteen artean 120 ongietorri ekitaldi antolatzeagatik epaitu dituzte. Urte eta erdiko espetxea ezarri diete talde kriminal bateko kide izateagatik, eta 6 hilabetekoa, terrorismoa goratu eta biktimak modu jarraituan umiliatzeagatik. 1.800 euroko kalteordaina ere ordaindu beharko dute.
Halaber, presoen omenaldietarako erabilitako materiala konfiskatzea ere agintzen du epaiak, eta baita ere, horien berri emateko erabilitako komunikazio kanalak ixtea. Hala, Kalera Info aldizkaria, kalerakalera.eus ataria eta Facebook, Twitter zein Youtube sare-sozialetako kontu guztiak itxi beharko dituzte.
Horrez gain, Hezkuntzarekin lotutako jarduera profesional batean aritzeko 3 urteko inhabilitazio berezia ere ezarri zaie guztiei.
Akordioaren aurretiko idatzian, Ministerio Publikoak 3 urte 6 hilabeteko espetxea eskatzen zuen akusatuentzat talde kriminaleko kide izateagatik, eta 2 urte eta erdikoa, terrorismoaren biktimak umiliatzeagatik.
Saioa amaituta, Aimar Altuna eta Oihana San Vicente auzipetuek —biak Sortuko kideak— hitz egin du hedabideen aurrean. Akordioarekin "bake-prozesua blindatu" eta "aurrera egiteko bidea irekita" geratu dela esan dute. "Guztiz garaiz kanpo egon den epaiketa" honen atzean eskubide zibil eta politikoetan eta printzipio demokratikoetan "atzera egiteko saiakera" egon dela uste dute, "Euskal Herria iraganera eramateko nahiean". Akordioarekin hori saihestea lortu dela azaldu dute.
Altunaren hitzetan, agerian geratu da ezkerreko independentismoaren konpromiso irmoa, biktima guztien mina aitortzeko.
Gaur kaleratutako epaia irmoa da, eta, beraz, behin betiko itxi da auzia.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.