Eusko Jaurlaritzaren eta EH Bilduren ordezkaritzak AEBra abiatu dira Boiseko Jaialdian parte hartzeko
Imanol Pradales lehendakaria izango da Eusko Jaurlaritzaren ordezkaritzaren buru. Bestalde, EH Bilduren ordezkaritza Jon Iñarritu Kongresuko diputatuak eta Edurne Benito del Valle Eusko legebiltzarkideak osatuko dute.
Boiseko azken Jaialdia (Idaho, AEB). Irudia: EH Bildu
Imanol Pradales lehendakaria, Ibone Bengoetxea lehen lehendakariorde eta Kultura eta Hizkuntza Politikako sailburuarekin, Ander Caballero Kanpo Harremanetarako idazkari nagusiarekin eta Ziortza Olano Atzerriko Euskal Komunitate zuzendariarekin batera, Ameriketako Estatu Batuetara joango dira Boiseko (Idaho, AEB) Jaialdian parte hartzeko. Jaialdi hori, hamarkada batean ospatu barik egon ondoren, berriro egingo da.
Lehendakariaren bidaia ofizialak agenda politikoa eta kulturala uztartuko ditu. Hala, lehendakariaren agenda astearte honetan, uztailaren 29an, hasiko da, Jaialdiaren Batzorde Antolatzaileak egingo dion harrerarekin.
Asteazkenean, uztailak 30, Imanol Pradalesek Boiseko Basque Block bisitatuko du, Boise State Universityn antolatutako BSU Gala for Basque Institutions ekitaldian parte hartuko du, euskal erakundeen eta diasporaren arteko loturaren erakusgarri.
Uztailaren 31n, osteguna, eduki politiko handiko jardunaldia izango da. Brad Little Idahoko gobernadorearekin Estatuko Kapitolioan bilduko da lehendakaria, eta Lauren McLean Boiseko alkatearekin ere batzartuko da.
Egunean zehar lehendakariak 'ZORTZIAK BAT' mintegian ere parte hartuko du Boise State Universityn; gauean Sports Night eta Street Dance ekitaldietan izango da.
Abuztuaren 1ean, ostirala, lehendakariak bilera bat izango du North American Basque Organization (NABO) erakundeko ordezkariekin, Ameriketako Estatu Batuetako euskal elkarte sare nagusiarekin duen lotura sendotuz. Gainera, sokadantza nortasun kolektiboaren adierazgarri gisa aitortzeko ekitaldi batean parte hartuko du, eta Eusko Jaurlaritza diaspora berriari zuzendutako harrera ofizialean izango da.
Bestalde, Jon Iñarritu Kongresuko diputatuak eta Edurne Benito del Valle legebiltzarkideak EH Bildu ordezkatuko dute 2025eko Boiseko Jaialdian. Iñarrituk eta Benito del Vallek parte-hartze aktiboa izango dute Euskal Kulturaren Nazioarteko Jaialdian.
EH Bilduk ohar batean gogorarazi du aurten Jaialdia berriro ospatuko dela hamar urteren ondoren, 2020ko edizioa (5 urtean behin egiten da) ezin izan baitzen ospatu pandemiagatik.
Iñarrituk eta Benitok hitzordua baliatuko dute "datozen egunetan Idahoko hiriburuan bilduko den euskal diaspora ugariarekin gogoeta eta esperientziak partekatzeko".
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.