EH Bilduk "elkarrizketa nazionala" bultzatuko du "herri proiektu sendo bat eraikitzeko eta erronkei anbizioz erantzuteko"
"Euskal herritarrak entzun, erronkak partekatu eta adostu nahi dugu, guztion artean bakarrik eraiki ahal izango dugulako herri proiektu sendo bat eta aurrean ditugun erronka handiei erantzun", azpimarratu du Otegik.
"Elkarrizketa nazionala" bultzatzeko ekimen bat jarriko du martxan EH Bilduk, "herrialdearen indarguneei eta ahuleziei" buruzko diagnostiko partekatu bat egiteko, "proiektu sendo bat altxatzeko eta, anbizioz, erronka handiei erantzuteko helburuarekin", Arnaldo Otegi EH Bilduko idazkari nagusiak adierazi duenez.
Koalizio abertzaleak Donostian eman du ekimen horren berri, larunbat honetan egindako Konferentzia Politikoaren baitan, bere kargudun eta militanteen ordezkaritza zabal baten aurrean. Bertan, datozen hilabeteetan alderdiak izango duen lan-ardatz estrategikoa azaldu du Otegik.
Batzarraren aurrean egindako hitzaldian, Otegik esan du "une historikoa" dela, arlo ekonomikoan, teknologikoan, ekologikoan zein gizartean emandako eraldaketa sakonek baldintzatuta, eta autogobernuaren egungo esparruen "agorpenak" eraginda.
Otegik azpimarratu duenez, "koiuntura horrek izaera historikoa duen erronka nazionala planteatzen du, eta eskala handiko erantzuna, bultzada berria eta eraldaketa nazional berria eskatzen ditu". Horixe da, hain zuzen ere, elkarrizketa nazionalaren helburua: "diagnostiko partekatu bat adostea eta herri-proiektu komun bat eraikitzea".
Otegiren hitzetan, "herri honek egoera zailetan aurrera egiten jakin du, eta berriro egingo du", baina, horretarako, "lehenik eta behin, egungo egoera ondo ulertu behar dugu, eta herria nola dagoen zorrotz aztertu".
EH Bilduren arabera, "elkarrizketa nazionala hiru dimentsio osagarritan hedatuko da", funtzio ezberdinekin. Alde batetik, tokiko dimentsioa, eragile sozialekin, erreferentzialekin eta herritarrekin batera, zein gizarte mota osatzen ari den ezagutzera zuzenduta dago. Bestetik, nazio dimentsioan, "erronka nazionalari aurre egiteko" herriak behar duen jauzia proiektatzea planteatzen da, "eragile eta pertsona esanguratsuen eskutik".
Azkenik, "adituen eta erakundeen dimentsioan, jauzi horrek eskatzen dituen politika publiko estrategikoak identifikatu eta diseinatu nahi dira, jasotako ekarpenak sistematizatuz".
"Elkarrizketa nazionala irismen handiko ariketa demokratikoa da, gure herriaren inteligentzia kolektiboa aktibatzea bilatzen duena", Otegiren hitzetan. "Entzun, partekatu eta adostu nahi dugu, guztion artean bakarrik eraiki ahal izango dugulako herri proiektu sendo bat eta aurrean ditugun erronka handiei anbizioz erantzun ahal izango diegulako", azaldu du.
Zure interesekoa izan daiteke
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak, legegintzaldia ekainean amaitzea aurreikusita baitzegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da Lehendakaria ULMA enpresara egin duen bisitan. Datozen asteak eta hilabeteak ez direla errazak izango onartu badu ere, nabarmendu du Europako berrindustrializazioari ekarpen handia egiteko ahalmena dutela euskal enpresek.
PPk zer egingo duen jakitearen zain, Gobernua Juntsen menpe egongo da Irango gerraren harira proposatutako beherapen fiskalen dekretua aurrera ateratzeko
Podemosek nabarmendu du ez duela neurri sorta berriaren aurka egingo, baina uste du ezin duela aldeko botorik eman, "zergen beherapenak ez direlako prezioen igoerari aurre egiteko bidea". Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.
'Anboto' ETAko buruzagi ohiari erdi-askatasuna eman izana salatu du Covitek, kartzelan "denbora gutxi" eman duelakoan
Erakunde terrorista "sostengatu eta legitimatu zuen sare politiko eta sozialetik banaezina" izaten jarraitzen duela ohartarazi du terrorismoaren biktimen kolektiboak.
"Biktimak birbiktimizatzea" saihesteko eskatu dio Chivitek Korrikaren antolatzaileei
Covitek salatu zuenez, lekukoa zeraman ume batek Patxi Ruizen omenezko elastikoa zuen jantzita, Tomas Caballeroren hilketagatik zigortutako etakidea.
Poliziaren torturaren zazpi biktimak ekimen judizial bateratu bat abiatu dute, Espainiako Justiziari eskatzeko haien kasuak ikertu ditzala
Espainiako Estatua zazpi kasu horiek ez ikertzeagatik zigortu zuen Estrasburgoko Giza Eskubideen Europako Auzitegiak. Horietako bat Martxelo Otamendi da, Egunkariaren auzian atxilotu zuten, eta torturak salatu zituen kazetariak.
Alkatetzak argituta, Euskal Hirigune Elkargorako lehia irekitzen da orain
Apirilean erabakiko da zein izango den Ipar Euskal Herriko erakunde administratiboaren lehendakari berria. Jean Rene Etchegaray Baionako alkatea izan da 2017tik karguan, baina Iriart zein Etxeleku ere hautagai izan daitezke.
Baionako auzapez izaten jarraituko du Etchegarayk, Blanco estreinatuko da Biarritzen, Etxeleku Kanbon, eta EH Baik babesten duen Horn, Bokalen
Orain arteko auzapezek errepikatuko dute Hendaian, Donibane Lohizunen, Azkainen, Maulen eta Beskoitzen. EH Baik Urruña galdu du.
Chivitek, UPNk eta PPk gogor gaitzetsi dute Korrikan ETAren aldeko ikurrak atera izana
Korrika Txantreatik (Iruñea) igaro denean, lekukoa zeramaten bi lagunek ETAko bi presoren argazkiak erakutsi dituzte, eta horrek UPN, PP eta Maria Chivite Nafarroako presidentea haserretzea eragin du.