Alderdiek "onartezintzat" jo dituzte Gasteizko istiluak, eta Erne sindikatuak Ertzaintzako buruak "berehala kargugabetzeko" eskatu du
Igande honetan Falange Españolak Gasteizen eragindako istiluei aurre egiteko dispositiboa "eskasa" izan zela kritikatu du Ernek. EH Bilduk erantzukizunak eskatu dizkio Eusko Jaurlaritzari, "inoiz egin behar ez zen" ekitaldia egitea baimentzeagatik. EAJk, berriz, gogor kritikatu du ezker abertzaleko koalizioaren jarrera, eta "begirada desbideratzea" eta "indarkeria gaitzesteari uko egitea" leporatu dizkio.
Falange Españolako kideak, igande honetan, Gasteizen. Argazkia: Orain
Gasteizen izandako istiluen harira, EAEko alderdi politikoek gaitzetsi egin dute atzo gertatutakoa. Falange Españolaren elkarretaratzean eta kontramanifestazioan parte hartu zutenen arteko liskarrak izan ziren igande honetan. Istilu bortitz horietan 20 ertzain zauritu ziren eta 19 pertsona atxilotu zituzten, desordena publikoa eragitea egotzita.
EAJ
Arratsaldean zabaldutako ohar batean, EAJren Euzkadi Buru Batzarrak esan du "onartezinak eta oso kezkagarriak" izan zirela atzoko gertakariak, eta "erantzule bakarrak" Gasteizko kaleetan indarkeria erabili zutenak direla gehitu du: "Falangea eta elkarretaratzeak deitu zituzten talde erradikalak".
EH Bilduri ere zuzendu zaio EAJ, eta gogor kritikatu du koalizioaren jarrera. "Beste behin, begirada desbideratu nahian aritu da, Gasteizko kaleetan bizi izandako indarkeria gaitzesteari uko eginez", gaitzetsi dute jeltzaleek. "EBBk jakin nahiko luke EH Bilduk atzo eta gaur goizean kaleratutako bi komunikatuetatik zeinek erantzuten dion bere jarrera ofizialari, batak eta besteak gertatutakoaren irakurketa bana eta elkarren artean ezberdina egiten dutela ikusita".
EBBren hitzetan, Espainiako Falangearen "ideologia herri honen gehiengoaren borondate demokratikoaren aurkakoa" da, baina, era berean, uste du "kontrako muturretik eta indarkeriazko forma berberak erabiliz, indarkeriazko sorgin gurpila" baino ez dela elikatzen.
Azkenik, EAJk berretsi du "indarkeria bere forma guztietan, edonondik datorrela ere" gaitzesten duela, eta" politika egiteko eta jarrera desberdinak errespetutik eta modu eraikitzailean adierazteko modu bat" aldarrikatu du.
PSE-EE
Jose Ignacio Asensio Gipuzkoako PSEren idazkari nagusiak esan duenez, istiluak "onartezinak" dira eta horrelako manifestazioak "kontrolatu" egin behar dira. Euskadi Irratian elkarrizketatu dute, eta adierazi du hori dela "ultraeskuinaren mezuek dakartena".
Gipuzkoako sozialisten burua kezkatuta agertu da Ertzaintza "hainbat unetan gehiago egin ezinean" ikusi zuelako, eta "egoera kontrolaezina" zelako.
"Ez dakit akatsik izan den, baina hausnarketa egin egin behar da, manifestariak makilekin joan baitziren Gasteizera, borroka bila, eta bazirudien bi talderen artean geratu zela, baina atzokoa ez zen futbol partida bat, beste zerbait baizik", adierazi du.
EH Bildu
Bestalde, EH Bildu kezkatuta agertu da gertakariak direla eta, eta erantzukizunak eskatu dizkio Eusko Jaurlaritzari. Ohar batean, alderdi soberanistak adierazi du Falangearen ekitaldia "inoiz ez zela onartu behar izan, ultraeskuinaren mehatxuak elkarbizitza eta segurtasuna arriskuan jartzen dituen testuinguru batean".
Era berean, Oskar Matute EH Bilduk Kongresuan duen bozeramailea Radio Euskadin izan da, eta nabarmendu du ez zela baimendu behar izan Falangeren ekitaldia.
"Turismo faxista egin nahi zuen jende horrek beste leku batean egin beharko zukeen"; izan ere, "frankismoaren aurkako sentimendu handia eta antifaxista duen lurraldea da, ziurrenik Gernikako seme-alabak garelako", eta "ez dut ulertzen hona horrelakoak egitera etortzea horren erraza" izatea, gaineratu du.
Sumar
Sumarrek galdera sorta erregistratu du Eusko Legebiltzarrean, Segurtasun Sailak igandean Gasteizen gertaturiko istiluen inguruko informazioa eman dezan.
Jon Hernandez Sumarreko legebiltzarkideak kontzentrazioaren jatorriari eta arduradunei buruzko datuak eskatu ditu, baita polizia dispositiboari buruzkoak ere. Horrez gain, Memoria Demokratikoaren legea aintzat hartuta, uneren batean Falange Españolari elkarretaratzea egiteko baimenik ez emateko aukera aztertu al zuten galdetu du.
Halaber, espazio publikoan ideologia faxista duten erakundeen presentziaren "irakurketa politikoa" ere eskatu diote Bingen Zupiria Segurtasun sailburuari.
Erne
Bestetik, Erne sindikatuak Josu Bujanda Ertzaintzaren burua eta Alfonso Garaikoetxea Herritarren Babeserako Dibisioko burua "berehala " kargutik kentzeko eskatu du, atzoko dispositiboa "eskasa" izan zelakoan, "gazte erradikalekin borroka zakarra" eragin zuelako.
Haren ustez, atzoko operatiboaren planteamendua "negargarria izan zen, eta herritarren segurtasunaren defentsan oinarritutako Polizia-jarduera eraginkorra gidatu behar duten estandarretatik erabat aldendua".
Sindikatuaren aburuz, "herritarrei emandako irudia eta eragileek eta herritarrek eurek beren gain hartutako alferrikako arriskua plangintza operatiboaren buru direnen erantzukizun zuzena dira".
Esan
Esan sindikatuaren arabera, Gasteizen izandako istiluek agerian uzten dute berriro ere "Ertzaintzak ez duela langile nahikorik tentsio eta arrisku handiko egoerei bermeekin aurre egiteko".
Sindikatu horrek ohar batean salatu duenez, "talde erradikal batzuek kaosa eragiten eta agenteen eta herritarren segurtasuna arriskuan jartzen duten bitartean, Eusko Jaurlaritzak beste aldera begiratzen jarraitzen du, eta Ertzaintzaren ehunka plaza bete gabe daude". Ildo horretan, Ertzaintzako plazak "berehala" betetzea eskatu du.
Zure interesekoa izan daiteke
Chivitek bere "zintzotasuna" jarri du "berme" gisa: "Inork ez du nire jardunean deliturik aurkitu, ezta aurkituko ere"
Nafarroako Gobernuko presidenteak agerraldia egin du Nafarroako Parlamentuko ikerketa batzordean, eta azpimarratu du bere gobernuan ez dagoela ustelkeriarik.
Lehendakariak Gernikari, bakeari eta euskarari lotutako hainbat opari eman dizkio Leon XIV.a aita santuari
Eusko Jaurlaritzak oparien balio sinbolikoa nabarmendu du, memoria historikoa, bakearen defentsa eta kultura- eta hizkuntza-aniztasunaren babesa aldarrikatzen baitute.
Geroa Baik akordioa bultzatu nahi du sozialistekin, itunpeko ikastetxeetako ikasgelak ixtea saihestu eta hezkuntza sistema soseguz berrantolatzeko
Unai Hualde, Geroa Bairen Nafarroako Parlamentuko Presidenteak aitortu du tentsio handia sortu duela PSNren eta Geroa Bairen artean, Hezkuntza kontseilariak ikasgelak ixteari buruz egindako iragarpenak, batez ere ikastolak ahulduko dituelako. Geroa Baik ikasgelarik ez ixteko eta hezkuntza sistema soseguz berrantolatzeko denbora eskatu dio alderdi sozialistari. Bihar bozkatuko dute Foru Gobernuan UPNk itunpeko ikastetxeak blindatzeko aurkeztu duen lege proposamena, eta, hori bozkatu beharrik ez izateko, biharko bozketaren aurretik gobernuko taldeen artean akordioa lortzea nahi du Hualdek.
Albiste izango dira: Pradales lehendakariaren eta Leon XIV.a aita santuaren arteko bilera, Trumpen bidaia Txinara eta "Enarak" dokumentalaren estreinaldia ETB1en eta ETBONen
Orain-ek gaur landuko dituen albiste nagusien laburpena.
Pradales lehendakaria Leon XIV.a aita santuarekin bilduko da gaur, Vatikanoan
Imanol Pradales lehendakariak audientzia orokorrean parte hartuko du, Leon XIV.a aita santuak gonbidatuta. Eusko Jaurlaritzaren arabera, balio handiko bilera izango da, eta Euskadik nazioartean duen presentzia instituzionala indartuko du.
Otxandianok euskararen gaian berdinen arteko negoziazioa egin dadila eskatu du, eta Olanok erantzun du prozesuan ados jar daitezkeela
EH Bilduk Enplegu Publikoaren lege proposamenak parekotasunez negoziatzea eskatu dio EAJri. Jeltzaleek, ordea, edukiei dagokionez elkarrengandik oso urrun ikusten ditu bi proposamenak.
Uxue Barkosek ukatu egin du bere agintaldian ustelkeriarik izan zela, eta zirutatu du ez duela Cerdanekin sekula negoziatu
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko ikerketa batzordean.
Itxasok Otxandianori erantzun dio EH Bildu "hirigintza garapenaren eta eraikitzearen aurka" agertu dela udaletan orain arte
Etxebizitzaren arazoari aurre egiteari dagokionez, azken hamar urteak "galdutzat" jo ditu EH Bilduk. Baieztapen horren aurrean, Etxebizitza sailburuak "bakoitzak bere erantzukizuna bere gain hartzeko" deia egin du astearte honetan. Denis Itxasok "proposamen zehatzak" eskatu dizkie indar politikoei.
Euskadik "bakearekin, demokraziarekin eta giza duintasunarekin" duen konpromisoa defendatuko du Pradalesek aita santuarekin izango duen bileran
Maria Ubarretxena Eusko Jaurlaritzaren bozeramaileak Gobernu Kontseiluaren osteko agerraldian azaldu duenez, Imanol Pradales lehendakaria Leon XIV.a aita santuarekin bilduko da asteazkenean Vatikanoan, eta, bertan, Euskadik "bakearekin, demokraziarekin, giza duintasunarekin eta justizia sozialarekin" duen konpromisoa defendatuko du.
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.