Mikel Mancisidor legelaria proposatu dute EAJk eta PSE-EEk Ararteko izateko
Horren ibilbide profesionala giza eskubideen defentsarekin eta gobernantza demokratikoarekin lotuta dago, eta ibilbide zabala du nazioartean. EH Bilduren edo PPren babesa behar dute izendapena gauzatzeko.
Mikel Mancisidor Euskal Autonomia Erkidegoko (EAE) herriaren defendatzaile izateko hautagaitza aurkeztu dute EAJren eta PSE-EEren talde parlamentarioek ostiral honetan Eusko Legebiltzarrean.
Arartekoa izendatzeko, ordea, EH Bilduren edo PPren babesa behar du proposamenak. Izan ere, hiru bosteneko gehiengoa behar dute herriaren defendatzailea hautatzeko; hau da, 45 legebiltzarkideren babesa.
Proposamena, elkarrekin aurkeztu dute Joseba Diez Antxustegi EAJko bozeramaileak eta Ekain Rico Talde Sozialistako idazkari nagusiak.
Mikel Mancisidor legelari bilbotarra da. Zuzenbidean lizentziaduna da Deustuko Unibertsitatean, eta doktorea Nazioarteko Harremanetan Genevako Diplomazia Eskolan. UNESCO Etxea Euskal Herriko Zentroko zuzendaria izan zen 10 urtez (2004-2014).
Horren ibilbide profesionala giza eskubideen defentsari eta gobernantza demokratikoari lotuta egon da, eta ibilbide zabala du nazioartean.
Proposamen horrekin, EAJk eta PSE-EEk "Arartekoaren independentzia indartzeko" borondatea azpimarratu dute. Manu Lezertuak ekainean egin zion uko karguari, karguan 10 urte eman ondoren.
EH Bilduk esan du "hilabeteak" daramatzatela negoziatzen
EH Bilduko iturriek EITBri azaldu diotenez, "hilabeteak daramatzate EAJrekin eta PSE-EErekin negoziatzen, Arartekorako adostasuneko pertsona bat aurkitzeko helburuarekin". Asmoa, une oro, herrialdeko hiru tradizio politiko nagusien artean hautagai bat adostea izan dela ziurtatu dute. "Harritu egingo ginateke EAJ eta PSE-EE prest baleude Arartekoaren hautaketa PPrekin adosteko, are gehiago egungo testuinguruan", azaldu dute.
"EH Bilduren apustua da Ararteko izateko hautagai den pertsonak erakunde horrek eskatzen duen neutraltasun politikoa eta independentzia bermatzea, eta, gainera, euskaraz beharrezko hizkuntza gaitasuna izatea. Eta, ahal dela, emakumea izan dadila", esan dute koalizioko iturriek.
Zure interesekoa izan daiteke
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.
Josu Aztiria (EH Bildu): "EAJk ez digu proposamenik aurkeztu; gainera, abstentzio akritikoa nahi dute, eta ez dugu ulertzen"
EH Bilduren legebiltzarkidea Euskadi Irratian izan da, besteak beste, Euskal Enplegu Publikoaren Legeari buruz hitz egiteko. EAJren planteamendua "ez da serioa", haren ustez. "Atzo, negoziaziorik gabe, jakin genuen abstenitu gaitezela eskatzen dutela. Guk duela hilabete pasatu genien gure proposamena, eta ez dugu erantzunik izan", azpimarratu du.
EH Bilduk "progresibotasun indizea zehaztu" du, hizkuntza-eskakizunen inguruko "akordio inklusiboa" ahalbidetzeko
Halaber, EAJren testuan egin duten zuzenketen artean propio nabarmendu dute bi hizkuntza ofizialak ezagutzea "nahitaezkoa" dela.