Arana zentroak 200 plaza izango ditu gehienez, eta gasteiztarrekin partekatuko ditu instalazioak
Maider Etxebarria Gasteizko alkateak iragarri duenez, Ministerioak Udalak proposatutako hainbat hobekuntza-neurri onartu ditu, eta, horri esker, "Arana zentroa hiriaren errealitatera eta beharretara egokitu ahal izango da, eta, aldi berean, errefuxiatuei arreta hobea ematen zaiela bermatuko da". Erabakia ez dute ondo hartu ez Sumarrek ez EH Bilduk. EAJk, bere aldetik, bereari eutsi dio, eta zentroaren eredua bera dela eta ez zaiola gustatzen berretsi du.
Gasteizen errefuxiatuak hartuko dituen Aranako zentroak 200 plaza izango ditu gehienez, eta gasteiztarrekin partekatuko ditu zenbait instalazio.
Hala jakinarazi du Maider Etxebarria Gasteizko alkateak ostiral honetan. Bertan iragarri duenez, Elma Saizek zuzentzen duen Gizarteratze, Gizarte Segurantza eta Migrazio Ministerioak onartu egin ditu alkateak irailean Madrilen egindako bileran proposatutako hobekuntza-neurriak.
Etxebarriaren iritzian, "oso garrantzitsua" da Ministerioak emandako pausoa, eta hori "elkarrizketaren eta erakundeen arteko lankidetzaren emaitza" izan dela azpimarratu du; izan ere, alkatearen arabera, neurri horiekin "Arana zentroa hiriaren errealitatera eta beharretara egokitu ahal izango da, eta, aldi berean, errefuxiatuei arreta hobea ematen zaiela bermatuko da".
Hala, Etxebarriaren esanetan, Ministerioak onartu egin du "zentroa pixkanaka" hedatzen joatea, erabiltzaileak modu mailakatuan sartuz, eta gehienez ere 200 plaza izatea, hasieran 350 plaza aurreikusi ziren arren. "Horrela, zentroa hobeto egokituko da erabiltzaileek beharko dituzten zerbitzu publiko eta udal-zerbitzuetara, hala nola gizarte-zerbitzuak, osasun-zerbitzuak edo hezkuntza-zerbitzuak".
Gainera, alkateak ministroarekin egindako bileran eskatu bezala, onartu egin dute zentroko zenbait instalazio gasteiztarrek ere erabili ahal izatea, ez bakarrik kirol-instalazioak (aurreikusita zegoen gisan), baita beste espazio batzuk ere, eta gasteiztarrek eta zentroko bizilagunek jarduerak partekatu ahal izango dituzte bertan. "Horrek bizikidetza, topaketa eta errefuxiatuen eta gasteiztarren arteko integrazioa erraztu eta hobetuko ditu", alkatearen arabera.
Era berean, Ministerioak konpromisoa hartu du zentroari modu batera edo bestera eragiten dioten gai guztiak erakunde eskudunekin koordinatzeko; hau da, Arabako Foru Aldundiarekin, Gasteizko Udalarekin eta Eusko Jaurlaritzarekin.
Etxebarriak azaldu duenez, zentroan familia-nukleoak (familiak) biltzeko interesa dago. Hala jakinarazi zion Saizi, eta alkatearen esanetan, "ahal den heinean" irizpide hori kontuan hartzeko borondatea berretsi dio Ministerioak.
Etxebarriak eskerrak eman dizkio Ministerioari bere "konpromisoagatik", baita Gasteizko beharrekin erakutsitako "sentsibilitateagatik" ere.
Alde bakarretik hartutako erabakia
Espainiako Gobernuak alde bakarretik hartutako erabakia ez dute ondo hartu Sumarrek eta EH Bilduk, eta Arabako alkateak PSE-EErekin eta Sumarrekin batera Eusko Legebiltzarrean bideratutako zuzenketaren "edukia eta mamia ulertu ez izana" deitoratu du koalizio subiranistak.
Rocio Vitero EH Bilduren bozeramaileak adierazi duenez, "gaia ez da alkateak Ministerioarekin Madrilen adosten duena, baizik eta elkarrizketa instituzional eta sozial bat irekitzea, Migraziorako Euskal Itun Sozialean eta harrerarako euskal ereduan txertatuko den proiektu bat adosteko gai izango dena.
EAJk, bere aldetik, bereari eutsi dio, eta zentroaren eredua bera ez zaiola gustatzen berretsi du. "Hasiera-hasieratik kontra agertu ginen, eta geldiarazteko eskatzen jarraitu genuen. Ez 350 plazarekin, ez 200ekin. Gaur iragarritako birdimentsionamendua Espainiako Gobernuaren inposaketa berri bat da", esan du Jone Berriozabal Araba Buru Batzarreko presidenteak.
ABBk EAEko harrera-ereduari erantzuten dioten zentroen aldeko apustua berretsi du, eredu horrek baliabide txikiagoak eta arreta pertsonalizatua lehenesten dituela iritzita.
Zure interesekoa izan daiteke
?fmt=webp-alpha&qlt=80)
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.
Jean-Rene Etchegaray izan da garaile Baionan, bigarren itzuliaren zain
Etchegaray zentrista bigarren itzulira iritsi da, Jean-Claude Iriart hautagai abertzalearekin, Henri Etcheto sozialistarekin eta, lehen aldiz, eskuin muturreko hautagai batekin, Pascal Lesellierrekin. Hain zuzen ere, ultraeskuinak bere emaitzak bikoiztea lortu du sei urtean, aurreko hauteskundeetatik.