Teresa Peramato, itzal handiko fiskal aurrerakoia, genero indarkerian aditua
Teresa Peramato karrerako fiskala da 35 urte daramatza fiskaltzan, eta eragile juridikoen "aho bateko onarpena" du. Ibilbide luzea du, genero indarkeriaren aurkako borrokan nagusiki. Izan ere, arlo horretako espezializazio judizialaren "bultzatzaile handienetakotzat" jotzen da.
Teresa Peramato. Europa Pressen artxiboko argazkia.
Ministroen Kontseiluak Teresa Peramato Martin proposatuko du astearte honetan Estatuko fiskal nagusi posturako, Alvaro Garcia Ortizen ordez, Auzitegi Gorenak bi urtez inhabilitatu baitu.
Peramato Fiskal Progresisten Batasuna (UPF) presidentea izan zen, elkarte horretatik datoz Álvaro García Ortiz eta Dolores Delgado ere, Peramatoren aurrekoak biak.
Teresa Peramato karrerako fiskala da 35 urte daramatza fiskaltzan, eta eragile juridikoek "aho batez onartu" dute. Ibilbide luzea du, genero indarkeriaren aurkako borrokan nagusiki. Izan ere, arlo horretako espezializazio judizialaren "bultzatzaile handienetakotzat" jotzen da.
1990ean ekin zion fiskal bideari, eta hainbat fiskaltzatan aritu ondoren (Tenerife, Valladolid eta Bartzelona), Madrilgo Probintzia Fiskaltzara lekualdatu zen. Bertan, 2005ean, Probintziako Fiskaltzako Emakumearen Aurkako Indarkeriaren Sekziorako fiskal delegatu izendatu zuten.
Emakumearen aurkako Indarkeriaren Estatuko Behatokiko Adituen Taldeko kide ere izan zen, Emakumearen aurkako Indarkeriaren Estatuko Behatokiak urtero kaleratzen duen estreinako txostena egiteko (2007).
Era berean, Emakumearen kontrako Indarkeriaren aurkako Salako fiskal karguan izan da 2021etik, eta Prozesu Penalean Biktimak Zaindu eta Babesteko Sala Delegatuko fiskala ere bada.
2025eko urtarrilean, Auzitegi Goreneko (Zigor Sekzioa) Fiskalburu izendatu zuten.
Genero indarkeriaren biktimen babesarekin konprometituta, hizlari gisa parte hartu izan du prestakuntza ikastaro askotan, bai Estatuan, bai nazioartean; eta eduki juridikoko artikulu ugari argitaratu ditu, bereziki genero indarkeriarekin eta berdintasunarekin lotutakoak. Gainera, sari eta aintzatespen andana jaso ditu arlo horietan egindako borrokagatik eta ekarpenagatik.
Zure interesekoa izan daiteke
EAJk eta EH Bilduk "benetako memoria" egiteko eskatu diote Sanchezi, eta O23a baino zaharragoak diren testu sekretuak daudela esan dute
Kongresuko ezkerreko oposizioaren blokearentzat ez da nahikoa otsailaren 23ko estatu kolpe saiakerari buruzko dokumentuen desklasifikazioa; PPk eta Voxek, berriz, ke-lainoa baino ez dela uste dute.
Non eta noiz kontsultatu O23ko dokumentu desklasifikatuak?
Ministroen Kontseiluak bihar, asteartearekin, hartuko du erabakia, baina biharamunera arte ez da gauzatuko.
Martxoaren 3ko eliza memoria demokratikorako gune izendatu dute
Memoria Demokratikorako Ministerioak sinatutako adierazpena astelehen honetan argitaratu da Espainiako Aldizkari Ofizialean.
Espainiako Gobernuak astearte honetan desklasifikatuko ditu otsailaren 23ko estatu kolpearen inguruko dokumentuak
45 urte bete dira Antonio Tejerok estatu kolpe saiakera egin zuenetik, eta Sanchez presidenteak herritarrekin duen zor historikoari erantzuna emateko erabakia dela iragarri du, sare sozialetan.
GKSko hiru gaztek pintura gorria jaurti dute Fragaren bustoaren aurka Vilalban (Lugo)
GKSk bere gain hartu du Vilalba Lugoko herrian Fragaren omenezko bustoaren aurka egindako erasoa
Gazte mugimenduaren arabera, Poliziak Gasteizen 1976ko martxoaren 3an egin zituen kargen arduradunetako bat izan zen: bost pertsona hil eta ehunka zauritu zituzten.
'Berangoko 16ak' babesteko manifestazioa deitu dute maiatzaren 30erako
2026ko ekainaren 8a eta 26a bitartean, Berangoko 16 bizilagun epaituko dituzte Auzitegi Nazionalean. 2022an Berangoko preso ohi bati "ongi etorri" esateko ustez antolatu zuten ekitaldiagatik terrorismoa goratzea egozten diete. 36 urteko kartzela-zigorra, 177 urteko inhabilitazioa eta 75.000 eurotik gorako isuna eskatzen dute auzipetuentzat. Berangokoekin Elkartasun Komiteak salatu du “beste makrosumario politiko bat” dela, eta manifestazio nazionala deitu du maiatzaren 30erako.
Bilbok ez du uda honetan ezarriko turismo-tasa; Donostiak, aldiz, indarrean izango du
"Ahalik eta lasterren ezarri nahi dugu. Gustatuko litzaiguke, eta amaiera arte lan egingo dugu zerga turistikoa uda baino lehen edo udan aktibo egon dadin", esan du Donostiako alkateak. Bilbokoak, berriz, adierazi du ez dela posible izango, "Bizkaiko Foru Aldundiak foru arauaren proiektua onartu berri duelako".
EH Bildurekin ez du aukerarik ikusten, baina Podemosekin batera aurkeztu nahi luke Euskadiko Sumarrek hurrengo udal hauteskundeetara
Sumarrek Madrilen egin berri duen ekitalditik Euskal Herrira bueltan, Lander Martinezekin egon da ETB, hurrengo hauteskunde orokorrei begira ezkerra batuta aurkezteko aukeraz aritzeko. Euskadin EH Bildurekin zerrenda berean joatea oso zaila ikusten badu ere, Sumar Mugimenduak eta Podemosek boto-paper berean bat eginda joan beharko luketela uste du. Legebiltzarrerako hauteskundeetan ezker konfederalak jaso zuen porrotetik lezioa ikasi dutela esan du Martinezek.
Ansolak esan du EAJk ez duela fronte batean parte hartuko, eta are gutxiago Euskadin "marra gorriak" jartzen dituen EH Bildurekin
Azken egunetan Gabriel Rufianek ultraeskuinari aurre egiteko fronte bat sortzeari buruz hitz egin ondoren, aukera hori hizpide da euskal politikan ere. EAJk ekitaldia egin du gaur Maruri-Jataben frankismoaren osteko alkateak omentzeko. Bertan, Iñigo Ansola BBBko presidenteak argi utzi du ez dutela inolako frontetan parte hartuko, "Euskadin ez delako behar ultraeskuinari aurre egiteko fronterik". Ansolak, halaber, gogor kritikatu du EH Bildu, "Euskadin ezetz esaten dielako akordio proposamen guztiei, eta Espainian, ordea, alfonbra gorria jartzen diotelako eskatzen dioten guztiari".