Felipe VI.ak Gernikako "biktimak umiliatu" zituela uste du EH Bilduk; PSE-EEren eta PPren ustez, Espainiako Gobernuak ez du barkamenik eskatu behar
Frank-Walter Steinmeier Alemaniako Errepublika Federaleko presidentea bonbardaketagatik barkamena eskatzera etorri denekoa "galdutako aukera" izan dela berretsi du EAJk.
EAJren arabera, "aukera galdua" da Espainiako Estatuak eta, zehazki, Felipe VI.a erregeak Gernikako bonbardaketagatik barkamenik eskatu ez izana; PSE-EEk, berriz, esan du Espainiako Gobernuak ez duela barkamenik eskatu behar, eta PPk uste du erregeak ere ez duela holakorik egin behar. EH Bilduren arabera, Espainiako erregeak "umiliatu" egin ditu Gernikako biktimak.
Radio Euskadiko "Parlamento en las ondas" saioan, ostiral honetan Gernikan Frank-Walter Steinmeier Alemaniako Errepublika Federaleko presidenteak, Felipe VI.a Espainiako erregeak eta Imanol Pradales lehendakariak Gernikako bonbardaketaren biktimei egindako omenaldiaz mintzatu dira.
Lehendakariaren ildotik, Ainara Zelaia EAJko legebiltzarkidearen ustez, atzokoa Espainiako Estatuak eta Espainiako erregeak "barkamena eskatzeko keinu txiki bat egiteko eta 1937an Gernikako biztanleria zibilaren aurka egindako ankerkeriaren biktimak omentzeko galdutako aukera" izan da.
Horren esanetan, Espainiako Estatuko buruzagitzaren barkamen hori "memoria historikoan aurrerapausoa eta bizikidetzan hobekuntza" izango litzateke.
EAJk esan du ez dituela lotu nahi Espainiako egungo gobernua eta Estatuko buruzagitza 1937an egindako "ankerkeriarekin", eta hori argudiatzea "biktimekiko errekonozimendu keinu hori ez egiteko aitzakia bat bilatzea" besterik ez dela uste du. Gaineratu duenez, Alemanian "bonbardaketa egin zuen gobernu naziarekin zerikusirik izan ez duten" pertsona ezagunek "beharrezkotzat jo dute keinu hori egitea".
Felipe VI.a erregearen presentziagatik Gernikan antolatutako ekitaldietan parte hartu ez duen EH Bilduko Ander Goikoetxeak adierazi duenez, ostiral hau "egun garrantzitsua" izan behar zen Gernikako bonbardaketaren biktimen eta frankismoaren biktima guztien memoriarako, baina ekitaldia "frankismoaren oinordekoek belztu dute", Juan Carlos I.ari eta haren seme Felipe VI.ari erreferentzia eginez.
EH Bilduren hitzetan, Felipe VI.aren presentziak "bonbardaketa hartako biktimak umiliatu ditu", eta barkamena eskatzeko modurik onena "abdikatzea eta Euskal Herriaren eskubide nazionalak onartuko dituen errepublika askeari bide ematea" litzateke.
Bestalde, PSE-EEko Itxaso Asensiok adierazi du ez duela uste egungo Espainiako Gobernuak barkamena eskatu behar duenik, eta gogorarazi du sozialistak, komunistekin eta abertzakeekin batera, "jazarri" egin zituela frankismoak.
Horren arabera, "nahiko bidegabea" da Espainiako egungo gobernua diktadurarekin lotu nahi izatea "oportunismo politiko hutsagatik".
Azkenik, Laura Garrido PPko legebiltzarkideak esan du Gernikak "esanahi berezia" duela eta ostiral honetan "gertaera historikoa" oroitu dutela, ez bakarrik Alemaniako estatuburuaren presentziarekin, baita Felipe VI.aren presentziarekin ere.
Zure interesekoa izan daiteke
Peinadok bost eguneko epea eman dio Begoña Gómezi Londresera alabaren graduaziora baino ez zela joan frogatzeko
Epaileak baimendutako joan-etorria baino ez zuela egin egiaztatzeko eskatu dio. Era bereab, ohartarazi du hala egiten ez badu kautelazko neurriak urratzeagatik delitua egon litekeela.
Lander Martinez (Sumar): “Hauteskunde orokor erabakigarriak egongo dira, eta gure helburua da gobernu aurrerakoiari eustea”
Asteburuan Madrilen egin den Sumar alderdiaren ezohiko batzarraren ostean, Lander Martinez diputatuak adierazi du “arrakastatsua” izan dela prozesua; bertan, Veronica Martinez Barbero eta Rosa Martinez zuzendaritzako koordinatzaile berri izendatu dituzte. Era berean, azpimarratu du alderdiaren lehentasuna datorren urteko hauteskunde orokor erabakigarrietan “gobernu aurrerakoi bati eustea” izan behar dela.
Ubarretxenak esan du "autogobernu handiagoak ongizate handiagoa" dakarrela
Agirre lehendakariaren agintaldiaren 90. urteurrenaren harira, EHUren udako ikastaroetan parte hartu du, eta kritikatu du "askotan autogobernua eta ongizatea kontzeptuak bereizten saiatzen" direla, eta lehenengoa "gai identitarioekin" lotzen dela, gauza praktikoen kontra joango balitz bezala.
Arazo diplomatikoa eragin du Rajoyk, Frantziak “frantsesik gabe” jokatzen duela adierazita
Laurent Nuñez Barne ministroaren hitzetan, adierazpenak "onartezinak" eta "aberranteak" dira, "Frantzia herrialde askotarikoa" delako.
Zigor Kodea erreformatzeak ez luke Ertzaintzaren aurkako erasoak gutxitzen lagunduko, Mertxe Aizpuruaren arabera
EH Bilduren Diputatuen Kongresuko bozeramaileak adierazi duenez, uda hasi zenetik hainbat festa izan dira, eta ez da izan Bingen Zupiria Segurtasun sailburuak iragarritako GKS eta Ernairen arteko istilurik. Halaber, erasoak "hauspotu" eta Ertzaintza "instrumentalizatu" nahi izana salatu du.
De Andres (PP): “Euskal gizartearen parte batek bullying-a jasaten du: ertzainek, alkateek eta Espainiako selekzioaren elastikoa daramatenek”
Javier de Andres EAEko PPko presidentea elkarrizketatu dute Radio Euskadiko Boulevard saioan, eta salatu du euskal gizartearen zati batek “bullyinga” jasaten duela. Haren esanetan, horien artean daude “ertzainak, CCOOko kideak, alderdi guztietako alkateak —batekoak izan ezik—, eta Espainiako selekzioaren elastikoa daramatenak”. Ildo horretan, De Andresek babestu egin du ErNE sindikatuaren proposamena Zigor Kodea gogortzeko, ertzainei eta udaltzainei egiten zaizkien erasoengatik ezartzen diren zigorrak areagotzea.
ErNEk Zigor Kodea erreformatzea proposatu du, ertzainen eta udaltzainen aurkako erasoengatiko zigorrak gogortzeko
ErNEk azaldu du asteak daramatzala Eusko Legebiltzarrean ordezkaritza duten taldeekin biltzen, legegintza-proposamen bat aurkezteko.
Historiako "gertakari ilunenak ez ahaztea" eta biktimak gogoratzea eskatu du Ansolak
Ikurrinaren Eguna ospatu du gaur EAJk Bilbon. Duela 132 urte lehen batzokia zabaldu zenean altxatu zen lehen aldiz, eta orduan bezala, Bilboko Zazpikaleetan ikurrina mastara igo dute. Iñigo Ansola Bizkai Buru Batzarreko presidenteak ikurrinaren benetako balioekin jeltzaleek duten konpromisoa berretsi du, eta azpimarratu du euren lekua ez dagoela muturretan.
PPk Miguel Angel Blanco oroitu du
Alderdi Popularrak omenaldia egin dio Miguel Angel Blanco zinegotziari Ermuan, ETAk hil zuela 29 urte betetzen direnean. Bertan izan dira Mari Mar Blanco arreba, Javier de Andres Euskadiko popularren presidentea eta Cuca Gamarra alderdiko idazkariordea. Gamarrak salatu du Pedro Sanchezek EH Bilduren botoei esker eusten diola botereari. Eta iragarri du PP gobernura iristen denean Espetxeetako legea aldatuko duela ETAko presoak etxera ez ekartzeko.
Veronica Martinez Barbero eta Rosa Martinez aukeratu dituzte Sumarren buruzagi berriak, % 95,92ko babesarekin
Martinez Barbero Kongresuko bozeramailea da eta Martinez, Eskubide Sozialen Estatu idazkaria. Hala, erreleboa hartu diote Lara Hernandezi, hark alderdia utzi ostean.