2026rako Gipuzkoako aurrekontuen osoko zuzenketa mantenduko du EH Bilduk
Koalizioaren esanetan, EAJk eta PSEk "ez dute jarrera proaktiborik erakutsi negoziazio serio bati eusteko".
EH Bilduk 2026rako Gipuzkoako aurrekontu proiektuaren osoko zuzenketa mantenduko duela iragarri du astearte honetan, foru gobernuko arduradunen aldetik "erantzun nahikorik" jaso ez duelako.
Ohar batean, koalizio suberanistak esan du EAJk eta PSEk ez dutela "jarrera proaktiborik erakutsi aurrekontuak egiteko prozesuan negoziazio serio bat izateko", nahiz eta EH Bilduk "ahalegin zintzoa" egin duen kontuak hobetzeko, "ekarpen zehatzekin eta herri akordio zabalak lortzeko helburuarekin".
Horrenbestez, EH Bilduk esan du gaur egun ez dagoela "arrazoi nahikorik" aurkeztutako osoko zuzenketa behin-behinean kentzeko. "Argitzeko dago Aldundiak lurraldeko alderdi atzerakoi eta gutxiengoaren eskutik joan nahi duen, gipuzkoar gehienen nahiei bizkarra emanez", azpimarratu du.
Adierazi duenez, "inola ere ez ditu babestuko zainketa-sisteman aldaketa estrategikoak baztertzen dituzten aurrekontuak", "enpresa txiki eta ertainei laguntza publikoa ematea aurreikusten ez dutenak" edo "euskara sustatzeko plan indartsu bat zein etxebizitzaren arazoa konpontzeko konpromisorik jasotzen ez dutenak", besteak beste.
Foru gobernua PPrekin ere bildu da arratsaldean, eta Aldundiak egindako kontraeskaintza "nahikoa ez" dela adierazi du, bai ekonomiari dagokionez, bai proiektuen lehentasunei dagokienez.
Hala ere, PPk, iaz aurrekontuak onartzeko giltza izan zenak, foru gobernuarekin proposamenak trukatzen jarraituko duela ziurtatu du, eta "akordioa lortzen saiatzeko konpromisoarekin" jarraituko duela azpimarratu.
Zure interesekoa izan daiteke
Sumar atzean utzi eta PSOEtik aldendutako koalizio berri bat bultzatzeko deia egin du IUk
Yolanda Diaz kide duen Sumar Mugimendua alderdiak adierazi du garrantzitsuena ez direla izenak edo taldeak, "benetako funtsa" gobernatzen jarraitu ahal izatea baita.
Auzitegi Gorenak Abalos, Koldo eta Aldama epaituko ditu apirilean, pandemian erositako maskarengatik
Aurretiazko saioa datorren otsailaren 6an egingo da Auzitegi Gorenean, eta defentsek aurretiazko galderak egingo dituzte.
Eskualdatzeke dauden transferentziak: zeintzuk dira eta zertan dira negoziazioak?
Ostiral honetan gauzatu diren bost eskualdaketez harago, Autonomia Estatutuak aitortutako beste 15 transferentzia falta ditu EAEk. Eskumenen nahas-mahasean ez galtzeko, honatx egin gabekoen zerrenda gaurkotua.
PSEk erantzukizuna eskatu dio EAJri Estatutua osatzeko eta "pultsu" gisa ez planteatzeko
"Pozik gaude akordioa posible izan delako, nahiz eta nazionalismoak tentsio artifiziala sortu, errealitatearen irudi distortsionatua eskaintzeko asmoz", deitoratu du Eneko Andueza PSE-EEko idazkari nagusiak.
Hauek dira Eusko Jaurlaritzari eskualdatu zaizkion bost eskumenak
Bilera ostean azaldu dutenez, Eusko Jaurlaritzak 2027ko urtarrilaren 1etik aurrera kudeatuko ditu langabeziagatiko subsidioak, Gizarte Segurantzaren prestazio ez-kontributiboak eta Eskola Asegurua; Itsas Salbamenduko lanak aurtengo urriaren 1etik aurrera hartuko ditu bere gain, Maria Ubarretxena Eusko Jaurlaritzako bozeramaileak ostiral honetan iragarri duenez.
Jaurlaritzak kotizazio gabeko prestazioak eta langabezia dirulaguntzak kudeatuko ditu 2027ko urtarrilaren 1etik aurrera
Espainiako Gobernuak eta Eusko Jaurlaritzak bost eskumen eskualdatu dituzte gaur goizean Madrilen: langabezia-prestazioak, Gizarte Segurantzaren prestazio ez-kontributiboak, Itsas Salbamendua, Eskola Asegurua eta Barakaldoko (Bizkaia) Makineria Egiaztatzeko Zentroa.
Pradalesek iragarri du txosten bat prestatzen ari direla Sanchezen Gobernuak "bete eta hautsi dituen itunekin"
"Eskumenen eskualdatzea azken minutuan atera da aurrera, berriro ere" aitortu du lehendakariak, eta ohartarazi du ezin dutela "horrela jarraitu". "Negoziazio fase berrian ikusiko dugu zein den espainiar Gobernuak urte politiko honetarako duen borondate politikoa", erantsi du.
Jaurlaritzak eta Espainiako Gobernuak behin betiko itxiko dute gaur adostutako bost eskumenen eskualdatzea
Hala, Gasteizko Gobernuaren esku geratuko dira langabezia-prestazioen, Gizarte Segurantzako familia-prestazio ez-kontributiboen, Itsas Salbamenduaren, Eskola Aseguruaren eta Barakaldoko Makineriaren Egiaztapen Zentroaren gaineko eskumenak.
Nafarroako Gobernuak autogobernuan aurrera egiteko duen konpromisoa berretsi du Chivitek
Gobernuaren kontrolerako osoko bilkuran, Foru Erkidegoko presidenteak gogorarazi du Lan Ikuskaritza eta Gizarte Segurantzari dagokion eskumena eskualdatzea eskatu ziotela Estatuari, iazko abenduan.
Anduezaren ustez, autogobernua "sozialistek bultzatuta zabaldu da", eta EAJri "tentsioa" eragitea leporatu dio
PSE-EEko buruak jeltzaleei aurpegiratu die EBBko presidenteak egindako adierazpenak, "akordioa lortzeko saiakera baino gehiago mehatxua" iruditu baitzitzaion.