Ubarretxena: "Urte luzetan itxita egon den Gizarte Segurantzaren atean zirrikitu bat zabaldu dugu etorkizunari begira"
Eusko Jaurlaritzako Gobernantza, Administrazio Digital eta Autogobernu sailburua "lasaiago" agertu da iaz adostutako bost eskumenak transferituta, eta gainerakoak negoziatzen jarraituko dutela azpimarratu du. Ez du uste Sanchezen gobernuarekin itxiko dituzten azken eskumenak izango direnik; nolanahi ere, "kezka" azaldu du balizko gobernu aldaketa batek negoziazioa zailduko lukeelako, batez ere tartean eskuin-muturra egonda.
"Lasaiago" agertu da Maria Ubarretxena Eusko Jaurlaritzako Gobernantza, Administrazio Digital eta Autogobernu sailburua EAEk beste bost eskumen jaso ostean. Eskualdaketa gauzatu eta biharamunean, elkarrizketa egin diote Ubarretxenari Euskadi Irratian, eta batez ere Gizarte Segurantzaren alorrean emandako aurrerapausoa nabarmendu du. Horren iritzian, "urte luzetan itxita egon den Gizarte Segurantzaren atean zirrikitu bat zabaldu dugu etorkizunari begira".
Ubarretxenaren aburuz, langabezia-saria eta ordaindutakoaren araberakoak ez diren beste prestazio batzuk kudeatzea lortuta, "zirkulua itxi" du Jaurlaritzak. "Guk bagenituen eta Lanbidek bere esku zituen enpleguaren politika aktiboak, baina politika pasiboak falta zitzaizkigun. Bi atalak gure esku geratuta zirkulua itxi dugu", esan du. Langabezia-saria ahotan hartuta, aurrerantzean "leihatila, kanal eta interlokuzio bakarra" izango dela azpimarratu du, eta Jaurlaritzak "pertsona baten bizitza laboralarekin zerikusia duen guztiaren kudeaketa eta bisio integrala" izango duela. Hartara, "zerbitzu hobea" eman ahal izango du, esaterako, "formakuntzara edo orientaziora begira".
Jaurlaritzako eledunaren ustez, atzo eskualdatutako bost transferentziak ez dira Sanchezen gobernuarekin sinatuko duten azkenak izango. "10 proposamen ditugu mahai gainean, eta astelehenetik aurrera gure asmoa da lanean jarraitzea negoziatzen. Gobernua dagoen bitartean guk lanean jarraituko dugu", esan du.
Legegintzaldia amaitu eta gobernu aldaketa izateko aukeraz galdetuta, Ubarretxenak erantzun du "seguraski" zailagoa izango dela eskumenen negoziazioan aurrera egitea, baina, horren hitzetan, "ikusi beharko da nola eta zein zenbakirekin heltzen den egoera hori, baldin eta heltzen bada", ohartarazi du. Dena dela, iristekotan, "kezkagarria" izango litzatekeela aitortu du, "batez ere eskuin-muturra egon daitekeelako tartean eta beti utzi dutelako agerian ez dutela autogobernuan sinisten".
Zure interesekoa izan daiteke
Sumarrek "iruzurra" egotzi dio Hezkuntzari 0-3 urteko plaza publikoak ez sortzeagatik, horretarako "Europako funtsak izan arren"
Sumarren legebiltzarkide Jon Hernandezek adierazi duenez, "252 plaza baino ez dira sortu, hau da, hitzartutakoaren % 16,6 besterik ez".
Barcenasek baieztatu du kartzelakide bati Rajoyrekin lotutako audioak suntsitzeko eskatu ziola
Luis Barcenas PPren diruzain ohiak berretsi egin du, Kitchen operazioa epaitzen ari den Auzitegi Nazionaleko auzitegian, kartzelakide bati "MRrekin, Mariano Rajoyrekin, lotutako audio batzuk suntsitzea" eskatu ziola.
Denis Itxaso: “Lokalak etxebizitza bihurtzeko baldintzen artean, bi fatxada izateko baldintza ezabatuko dugu, besteak beste”
Eusko Jaurlaritzak asteartean Gobernu Kontseiluan onartuko duen dekretu berriak etxebizitza politikako neurri sorta zabala martxan jartzea ekarriko du, azken hilabeteetan iragarritako ildo nagusiak garatzeko. Neurrien artean, lokalak etxebizitza bihurtzeko baldintzak malgutuko dira, eta horri esker, Jaurlaritzaren kalkuluen arabera, 7.500 lokal inguruk izango dute erabilera aldatzeko aukera Euskadin. Denis Itxasoren hitzetan, “orain arte bi fatxada edukitzea eskatzen zen lokal horiek etxebizitza bihurtzeko, baina hemendik aurrera ez da hori exijituko, eta beste hainbat baldintza ere malgutuko ditugu”.
Espainiako Gobernuak EBri eskatuko dio apur dezala Israelekin duen elkartze akordioa
"Nazioarteko zuzenbidea urratzen duen gobernu bat —eta, ondorioz, Europar Batasunaren printzipioak eta balioak urratzen dituena— ezin da Europar Batasuneko bazkide izan", azpimarratu du Sanchezek Andaluziako hauteskunde kanpainaurreko ekitaldi batean.
Eskuinaren garaia amaitzen ari dela eta Bartzelonan aro berria hasi dela aldarrikatu du Sanchezek
Espainiako presidenteak eta Lula da Silva Brasilgo presidenteak New Yorkeko alkatearen eta Tim Walz gobernadorearen babesarekin itxi dute 'Global Progressive Mobilisation' topaketa.
Trebiñu Arabaren parte izan dadila aldarrikatu dute Argantzunen, Trebiñu Egunaren ospakizunean
EAJren presidente Aitor Estebanek ziurtatu du bere esku dagoen guztia egiten jarraituko duela Trebiñuko herritarrei "ahotsa emateko", eta Araban sartzeko duten "nahia" bete dadin.
Korrikak dirulaguntzak jasotzeko baldintzak betetzen ote dituen aztertuko du Gasteizko Udalak
Euskararen aldeko lasterketan ETAko presoen argazkiak erakutsi zirela eta, finantzazio publikoa etetea eskatu du gaur, mozio bidez, Alderdi Popularrak. Mozioa atzera bota du Udalbatzak, baina Maria Nanclares zinegotzi sozialistak iragarri du kasua aztertuko dutela, udal ordenantzaren araberakoa ote den jakiteko.
Sanchezek eta Lulak, "gerrari ezetz" esanez, olatu erreakzionarioari aurre egitea eskatu dute
Pedro Sanchez Espainiako presidenteak eta Luiz Inacio Lula da Silva Brasilgo presidenteak argi utzi dute bat datozela egungo une geopolitikoaren aurrean, "gerrari ezetz" esanez. Sanchezek adierazi du bi herrialdeen arteko harremana aldebikoa baino askoz haratago doala, eta azpimarratu du munduaren ikuspegi bera dutela.
Pradalesek ukatu egin du Euskadik "etengabeko tentsio-giroa" bizi duela, eta "moderazioa" eskatu dio PPri
Imanol Pradales lehendakariak ukatu egin du Euskadik "etengabeko tentsio-giroa" bizi duela, Javier de Andres Euskadiko PPko presidenteak horrela ziurtatu ondoren. Lehendakariak "introspekzioa, moderazioa eta neurria" izatea gomendatu dizkio Javier de Andresi. PPk "erradikaltasuna, mehatxuak eta larderia bultzatzea" egotzi dio EAJri.
Pradalesek "herri akordioak" ez babestea leporatu dio EH Bilduri, eta "bustitzeko" eskatu dio
Imanol Pradales lehendakariak EH Bilduri aurpegiratu dio legegintzaldiaren bi urte hauetan "herri mailako" akordio handi bakar bat ere babestu ez izana, eta "bustitzeko" eskatu dio. Otxandianok, bestalde, ohartarazi du Eusko Jaurlaritzan bazkide diren bi alderdien arteko "desadostasunak", euskara bezalako gaietan, "oztopo" direla aurrera egiteko.