Sanchezek ekainaren 24an emango ditu PSOEri eragiten dioten auziei buruzko azalpenak Kongresuan
Espainiako Gobernuko presidenteak berak eskatu zuen agerraldia egitea, joan den maiatzaren 27an, Guardia Zibilaren UCO unitatea Ferrazen sartu eta gero, Leire Diaz militante ohi sozialistaren auziarekin lotutako informazioa biltzera.
Pedro Sanchez Espainiako Gobernuko presidenteak ekainaren 24an emango ditu PSOE alderdiaren inguruan lehertu diren auzi judizialen inguruko azalpenak Diputatuen Kongresuan. Ganberako Bozeramaileen Batzordeak adostu du agerraldiaren eguna, goizean egindako bilkuran.
Gobernuburu sozialistak berak eskatu zuen agerraldia egitea, orain bi aste eskas, Guardia Zibilaren UCO unitatea PSOEren Ferrazko egoitza nagusira sartu ondoren, Leire Diez auziko informazioa biltzera.
Militante sozialistaren aurka irekita zuen auzia zabaldu egin zuen Santiago Pedraz Auzitegi Nazionaleko epaileak, eta PSOEren eta Espainiako Gobernuaren inguruko kausa judizialak neutralizatzeko eroskeria egin ote zen ari da aztertzen orain. Alegia, alderdiaren aldetik dirua jaso ote zuen Diezek horretarako.
Sanchezek agerraldia eskatu eta berehala, ERC, Podemos, BNG eta Compromis taldeek ere eskatu zuten presidenteak Kongresuan ustezko ustelkeria kasuen inguruko azalpenak ematea.
Koldoren abokatua, inputatuta; eta Narbona, lekuko gisa deklaratzea deituta
Bestalde, Santiago Pedraz Auzitegi Nazionaleko epaileak Cristina Narbona PSOEren presidentea deitu du lekuko gisa deklaratzera uztailaren 10erako, Leire auziaren ikerketaren barruan.
Ustelkeriaren Aurkako Fiskaltzak eskatu zuen Narbona deitzea, joan den ostiralean, haren izena UCOren txostenetako batean agertu ondoren. Antza, Leire Diezekin WhatsApp bidez izandako elkarrizketa bat dago jasota Poliziaren dokumentuetan; Sanchezen aurkako erasoen aurrean erantzun bat ematea proposatzen zion Diezek Nabonari.
Zitazioaren berri izan eta berehala, PSOEren presidenteak Justiziarekin "elkarlanean" ariko dela agindu du.
Halaber, Koldo Garciaren abokatu Leticia de la Hoz inputatu du Pedrazek auzi horretan. Carmen Pano enpresaburua erosten saiatzea leporatzen diote, ustez Ferrazek emandako 90.000 euroko eskupekoaren inguruko deklarazioa alda zezan.
Zure interesekoa izan daiteke
Pertur omendu dute Irunen, haren desagertzearen 50. urteurrenean
"Pertur. Egia nahi" lemapean, ETA politiko-militarreko buruzagi izandakoaren senideek gogorarazi dute kasua ez dela preskribatu, eta ikertzen jarraitzeko eskatu dute.
Plus Ultra konpainiaren presidenteak eta kontseilari delegatuak dimisioa eman dute
Aste honetan onartu dute Auzitegi Nazionalean 530.000 euro ordaindu zituztela Zapateroren eta Zapateroren kidearen bitartekaritzaren truke; horren ostean hartu dute dimisioa aurkezteko erabakia.
Euskara gatazkatik urruntzeko eskatu du Pradalesek: "Hizkuntzak denok behar gaitu"
Imanol Pradales lehendakariak adierazi du euskararen aurrerapausoak ez direla "inposaketatik" etorriko, eta datozen hamarkadetan euskara biziberritzeko bide berri bat irekiko duen "Jauzia gara" ekimena aipatu du.
Auzitegi Gorenak amnistia aplikatu die 'proces' auziarekin lotutako delituengatik zigortutako zortzi pertsonari
Europar Batasuneko Justizia Auzitegiak Amnistia Legea EBko zuzenbidearekin bat datorrela eta "adiskidetzea errazten" duela ebatzi eta astebetera hartu du erabakia Espainiako Auzitegiko Gorenak.
Osakidetzak udan lehen arretan murrizketak egiten jarraitzen duela salatu du EH Bilduk
Rebeka Ubera EH Bilduko legebiltzarkideak Barakaldoko Urbango osasun zentroaren atarian egin duen agerraldian azaldu duenez, 2023ko udan EAEko 255 osasun zentro normaltasunez aritu ziren, Osasun Sailaren datuen arabera. Aurten, aldiz, 211 dira: 54 gutxiago.
Maria Chivite: "Inork zerbait egin badu, ordain dezala, baina ez naiz ni izango"
Maria Chivite Nafarroako lehendakaria Guardia Zibilak Santos Cerdani buruz egindako azken txostenaren inguruan aritu da Parlamentuan, UPNk eskatuta, eta hau esan du: "Zenbat eta gehiago ikertu, zenbat eta gehiago aurreratu auzitegietan, are argiago dago ez dagoela ezertxo ere nire aurka". "Gobernu honek txosten horrekin lotuta izan duen esku-hartze bakarra izan da Justiziarekin lankidetzan aritzea, informazioa emateko eta ikerketan laguntzeko. Gainerako guztia nire aurkako sorgin-ehiza estrategia baten parte da, ez Gorenak ez UCOk beren ikerketa eta erabakiekin berresten ez dutena, ez baitago ezer", azpimarratu du.
Absolbitu egin dituzte Berangoko ongietorriagatik auzipetutako hamasei herritarrak
Epaiketa joan den ekainean izan zen, Madrilen, 2022ko martxoan Ibai Aginaga ETAko preso ohiari ongietorri ekitaldi bat egiteagatik terrorismoaren gorazarre delitua egotzita.
Pradalesek eta Sanchezek uda ostera atzeratu dute transferentziei buruzko aldebiko bilera
Ubarretxena sailburua Madrilen izan da Espainiako Gobernuko kideekin eskumenen eskualdaketa negoziatzen, baina ez dute akordiorik lortu.
EH Bilduk azalpenak eskatu dizkio Zupiriari Karmengo jaietako "indarkeria polizialagatik"
Espainiako Selekzioaren jarraitzaileen aurka izandako liskar batean Ertzaintzak esku hartu zuen, eta lau lagun zauritu ziren.
Zapatero: "Ez nuen inorekin hitz egin Plus Ultraren erreskateaz, ez SEPIrekin, ezta Gobernuarekin ere"
Gobernuko presidente ohiak adierazi duenez, bere bulegoan aurkitutako bitxiak, 1,3 milioi eurotan baloratuak, herrialde baten "kortesia pertsonaleko opari" bat izan ziren. Inbestidurako bazkideak eta oposizioa bat datoz azalpenak ez direla nahikoak izan esatean.