PPren emaitza 'oso txarra' dela onartu du Casadok
PPk hauteskunde orokorretan lortutako emaitzak "oso txarrak" direla onartu du PPren buruak, Pablo Casadok. Maiatzean egingo diren hauteskundeei begira, “babesa” berreskuratzeko, “ilusioz eta arduraz” lan egiteko konpromisoa hartu du, eta independentistarik gabeko gobernu bat eskatu dio PSOEri.
“Beti esan dut PSOE alderdi handia dela, oinarrizkoa Espainiaren azken urteetako historian, eta, emaitzak ikusita, independentistarik gabeko akordioak adostea espero dut gobernatu ahal izateko. PPrentzat Espainia da lehena. Herri honek egoerak eskatzen duen maila ematea espero dugu”, esan du.
Udal eta foru hauteskundeetarako eta Europako hauteskundeetarako hilabete falta denean, apirilaren 28ko emaitzek zentro-eskuina bat egin behar duela eta kanpainan estrategia bateratua behar dela erakusteko balio behar dutela esan du. "Hausturak Pedro Sanchezi besterik ez dio egin mesede", gaineratu du.
Gauerdian agertu da Pablo Casado PPren egoitzako prentsa aretoan, zuzendaritza nazionaleko eta Kongresurako hautagaiak alboan zituela.
Euskadiko PPk hauteskunde orokorretan inoiz izandako emaitzarik txarrenak lortu ditu eta Kongresuan eta Senatuan ordezkaritzarik gabe gelditu da. Guztira, 94.518 eskuratu ditu eta 2016ko abenduko hauteskundeetatik 54.035 boto galdu ditu, horietatik ia 30.000 Bizkaian. Alfonso Alonso Euskadiko PPko presidentearen esanetan, alderdiaren emaitzak "txarrak" izan dira bai Euskal Autonomia Erkidegoan (EAE) eta baita estatuan ere. Hori dela eta, hausnarketarako deia egin du "zentroko indar handia" izatera itzultzeko.
Zure interesekoa izan daiteke
Gaupasa eginda ere, bozkatzeko eskubidea erabili dute mutrikuarrek
Mutriku jaietan da. Behin bozkatuta, bi aukera izan dituzte mutrikuarrek: jaiez gozatzen jarraitu edo atzokotik errekuperatu.
Ikusmin handia Katalunian, Kongresuko 48 eserleku dagozkiolako
Inkestek diotenez, sozialistek gora egingo dute, eta ERC, ordea, behera. Kongresuan 48 diputatu izango ditu Kataluniak, ondorioz, garrantzia berebizikoa izango da.
Correoseko langileak buru-belarri ibili dira goiz osoan, posta bidezko milaka bozak banatzen
Bilboko Indautxu Ikastetxean grabatutako irudiak dira, baina EAEko eta Nafarroako hautesleku guztietan izan dira lanean Correoseko furgonetak.
Paseoan, familiarekin edo festetan pasa dute hausnarketa eguna hautagaiek
Alderdiek hauteskunde osteko balizko agertoki estuaren aurrean boto erabilgarria eskatuz itxi zuten atzo kanpaina.
PSCk irabazi lezake Katalunian; independentismoak, berriz, babesa galduko luke
Azken lau urteetan Pedro Sanchezek Esquerraren sostengua izan du baina, inkestek diotenez, sostengu horrek botoak galaraziko dizkie bihar errepublikanoei.
Dena prest IFEMA datuen zentroan ere biharko hauteskundeen jarraipena egiteko
Biharko 14:30ean eta 18:30ean parte-hartze datuak jakinaraziko dituzte, eta 22:30ak aldera Fernando Grande-Marlaska Barne ministroak agerraldia egingo du behin-behineko emaitzak iragartzera.
Erosteko, familiarekin solasean nahiz hondartzatik ibiltzeko eguna EAEko hautagaientzat
Azken 15 egunetan EAEko txoko guztietan buru-belarri ibili ostean, erlaxatzeko eguna izan da gaurkoa EAEko zerrendaburuentzat. Sukaldatzeko, hondartzatik paseatzeko eta Madalenetako festetaz gozatzeko, besteak beste, aprobetxatu dute.
Alderdiek hauteskunde osteko agertoki estuaren aurrean boto erabilgarria eskatuz itxi dute kanpaina
EAJk Bilbon itxi du kanpaina, PSE-EEk Portugaleten, EH Bilduk Donostian eta PPk Gasteizen, eta Sumarreko hautagaiak Madrilen izan dira.
Iturgaizek aldarrikatu du bi aukera baino ez daudela: ''Sanchez eta horren aldekoak edo PP''
PPk Gasteizen itxi du hauteskunde kanpaina, "Sanchismoa" kentzeko deia eginez.
Nafarroako alderdiek boto eske agortuko dute kanpaina, bost eserleku jokoan dituztela
Navarra Suma deseginda, PP atera daitekeela onuradun diote inkestek, baina baita PSN ere. EH Bilduk duen ordezkariari eustea du helburu, eta inkestek Sumarri ematen diotena eskuratzeko ahalegietan dabil.