EAEko indar guztia EAJn pilatzea eskatu du Urkulluk
Iñigo Urkullu lehendakariak EAEko boto-emaileen indarra EAJn pilatzea eskatu du, "Madrilen sekula baino indartsuagoak eta Euskadiren lehen defentsa lerroa izateko".
EAJk Bilboko Areatzan itxi du hauteskunde orokorretarako kanpaina, lehendakariaren, Andoni Ortuzar EAJren presidentearen eta hainbat hautagairen hitzartzeekin, tartean Aitor Esteban Bizkaiko zerrendaburuarenarekin.
Lehendakariak gogorarazi du ekitaldia egiten ari ziren lekutik gertu jarri zutela lehenengoz ikurrina, duela 125 urte, eta "euskal herritarren sentimendu nazionala irudikatzen eta euskal nazioa ordezkatzen duela munduan".
"Nortasunagatik, historiagatik, kulturagatik, pertsonalitateagatik, sentimenduagatik eta borondateagatik, Euskadi nazioa da; baina Espainian, askori ez zaie euskal nazioa gustatzen, eta garena eta duguna mehatxatzen ari dira etengabe", kritikatu du Urkulluk.
"Eskumenak murrizten dizkigute, ez dute Estatutua betetzen, Kontzertuari eraso egiten diote, 155. artikulua aplikatzen dute, eta alderdiak legez kanporatzea ongi ikusten dute. Euskadik badaki EAJk sekula baino indartsuago izan behar duela, bai Madrilen, bai Kongresuan, bai Senatuan; zeren Euskadiren lehen defentsa lerroa Madrilen baitago", azpimarratu du.
Mehatxu horien aurrean, lehendakariak "Euskadiren indarra" EAJn pilatzearen alde egin du, "altu eta argi esateko hemen gaudela. Euskadik badaki EAJk sekula baino indartsuago izan behar duela. Gaur egun boto-emaile asko dago ez dakiena bere botoa nora iritsiko den, baina EAJri botoa ematen dionak badaki botoa erabilgarria izango dela Euskadirentzat".
Ekitaldi berean, Ortuzarrek itsasoari egin dio erreferentzia: "Itsasoa mugituta dago, olatuak daude, indartsu dator hegoaldetik, baina EAJ gara eta ez gara urdurituko eta ez dugu norabidea aldatuko. Igandean erakutsi behar dugu Euskadi desberdina dela, Euskadi dela gure nazioa, eta baduela Madrilen nork defendatu".
Zure interesekoa izan daiteke
Gaupasa eginda ere, bozkatzeko eskubidea erabili dute mutrikuarrek
Mutriku jaietan da. Behin bozkatuta, bi aukera izan dituzte mutrikuarrek: jaiez gozatzen jarraitu edo atzokotik errekuperatu.
Ikusmin handia Katalunian, Kongresuko 48 eserleku dagozkiolako
Inkestek diotenez, sozialistek gora egingo dute, eta ERC, ordea, behera. Kongresuan 48 diputatu izango ditu Kataluniak, ondorioz, garrantzia berebizikoa izango da.
Correoseko langileak buru-belarri ibili dira goiz osoan, posta bidezko milaka bozak banatzen
Bilboko Indautxu Ikastetxean grabatutako irudiak dira, baina EAEko eta Nafarroako hautesleku guztietan izan dira lanean Correoseko furgonetak.
Paseoan, familiarekin edo festetan pasa dute hausnarketa eguna hautagaiek
Alderdiek hauteskunde osteko balizko agertoki estuaren aurrean boto erabilgarria eskatuz itxi zuten atzo kanpaina.
PSCk irabazi lezake Katalunian; independentismoak, berriz, babesa galduko luke
Azken lau urteetan Pedro Sanchezek Esquerraren sostengua izan du baina, inkestek diotenez, sostengu horrek botoak galaraziko dizkie bihar errepublikanoei.
Dena prest IFEMA datuen zentroan ere biharko hauteskundeen jarraipena egiteko
Biharko 14:30ean eta 18:30ean parte-hartze datuak jakinaraziko dituzte, eta 22:30ak aldera Fernando Grande-Marlaska Barne ministroak agerraldia egingo du behin-behineko emaitzak iragartzera.
Erosteko, familiarekin solasean nahiz hondartzatik ibiltzeko eguna EAEko hautagaientzat
Azken 15 egunetan EAEko txoko guztietan buru-belarri ibili ostean, erlaxatzeko eguna izan da gaurkoa EAEko zerrendaburuentzat. Sukaldatzeko, hondartzatik paseatzeko eta Madalenetako festetaz gozatzeko, besteak beste, aprobetxatu dute.
Alderdiek hauteskunde osteko agertoki estuaren aurrean boto erabilgarria eskatuz itxi dute kanpaina
EAJk Bilbon itxi du kanpaina, PSE-EEk Portugaleten, EH Bilduk Donostian eta PPk Gasteizen, eta Sumarreko hautagaiak Madrilen izan dira.
Iturgaizek aldarrikatu du bi aukera baino ez daudela: ''Sanchez eta horren aldekoak edo PP''
PPk Gasteizen itxi du hauteskunde kanpaina, "Sanchismoa" kentzeko deia eginez.
Nafarroako alderdiek boto eske agortuko dute kanpaina, bost eserleku jokoan dituztela
Navarra Suma deseginda, PP atera daitekeela onuradun diote inkestek, baina baita PSN ere. EH Bilduk duen ordezkariari eustea du helburu, eta inkestek Sumarri ematen diotena eskuratzeko ahalegietan dabil.