Arrantza
2025/05/12 - 22:04
Bermeoko 'Goienkale' ontziko arrantzaleek denboraldiko lehen hegaluzea harrapatu dute
Lehen alea urtero izaten da albiste, baina aurten gehien nabarmendu dena prezioa izan da. Kiloa 120 euroan saldu da Avileseko lonjan, iazko 339 euroetatik oso urrun. Itsasoan 18 egun eman ondoren, 'Goienkale' ontziak 525 kilo hegaluze harrapatu ditu.
2025/05/11 - 11:28
Izokin-arrantzaleak Bidasoa ibaira itzuli dira
Bi urtez debekatuta egon ostean, 50 arrantzale inguru sartu dira larunbat honetan Bidasoan sasoiaren lehendabiziko izokina harrapatzera. Behin lortuta, etxera eraman dezakete, saldu, zientziari eman edo markatu eta askatu. Oraingoz, ez du inork arrantzatu.
2025/05/02 - 14:22
Euskal arrantzaleek ia 3 milioi kilo antxoa harrapatu dituzte dagoeneko, kuotaren % 36
Aurtengo antxoa handiagoa da, eta hortaz, garestiagoa (2,27 euro/kiloa). Bizkaia eta Kantabria arteko uretan arrantzatu dute gehien, eta hala, itsasontzi askok Kantabrian porturatu dute harrapatutakoa. Ondorioz, Bizkaiko eta Gipuzkoako lonjatan gutxiago saldu da.
2025/04/08 - 23:37
Jabotxa Rodriguez: ''Legez kanpo dabiltza eta oldarkor jartzen dira''
Gorlizko lanpernazale bati mehatxu egin eta eraso egiten saiatu ziren asteburuan. Kantabriatik Bizkaiko kostara ere etortzen omen dira, bertan ez dagoelako ia kontrolik.
2025/03/27 - 22:38
Atunontziak belaunaldi erreleboa bila joan dira Madrilgo Hezkuntza Azokara
Arrantza-sektoreari belaunaldien arteko erreleboa falta zaio. Gazteek ez dute lehentasunezko aukera gisa ikusten, eta horrek atun-enpresak lehen aldiz enplegu-azoka batera joatera eraman ditu.
2025/03/23 - 19:13
Dozenaka arrantzalek manifestazioa egin dute Pasai San Pedron arrantza librearen alde
Pasaiako Portu Agintaritzak kirol arrantza debekatu zuen martxoaren 1etik portu-eremuan, hondakinak pilatzen direla eta bizilagunei arazoak eragiten diela argudiatuta. Arrantzaleek arrantza librea arautzeko eskatu dute, eta horretarako lekuak jartzeko.
2025/03/21 - 09:02
Albiste izango dira: Glaziarren eguna, Heathrow itxita, eta Hondarribiko surf irakaslearen aurkako epaiketa
Gaurkoan albiste izango direnen laburpena, bi hitzetan.
2025/03/20 - 15:00
''Euskal flota mantendu nahi izanez gero, gazteei ekonomikoki lagundu behar zaie''
Arrantza-jarduera erdira murriztu da 20 urtean. Beherakada horren atzean sektorearen gogortasuna dago, baina baita errentagarritasun falta ere; izan ere, lonjako prezioak apenas mugitu dira azken 20 urteotan. Hori guztia dela eta, sektorearen erreleboa zaila izaten ari da.
2025/03/20 - 08:51
Albiste izango dira: EITB Data: euskal flota eta arrain kontsumoa, udaberria eta haizea, eta toldoen zozketa
Gaurkoan albiste izango direnen laburpena, bi hitzetan.
2025/03/20 - 07:55
Legatza, euskal arrandegietako izarra
Hego Euskal Herritar bakoitzak 3 kilo legatz inguru jaten ditu urtean, beste edozein arrain baino gehiago. Gainera, arrain freskoa nahiago izaten dugu, izoztua baino.
2025/03/20 - 07:55
Prezioa da arrainaren kontsumoaren galgetako bat
Hego Euskal Herrian, arrain kiloa 11,5 euro inguru ordaintzen da, batez beste. Azken hamarkadan % 40tik gorako igoera izan du, KPI orokorraren igoera bi halako kasik (% 23koa izan da).
2025/03/20 - 07:54
Arrainaren kontsumoa % 30 jaitsi da EAEn, eta % 21 Nafarroan, hamarkada bakar batean
EAEn 24 kilo arrain kontsumitzen dira urtean biztanleko, batez beste; 21 kilo, Nafarroan. Azken hamarkadan kontsumoak nabarmen behera egin badu ere, EAEn Espainiako Estatuan eta Europan baino arrain gehiago kontsumitzen da oraindik.
2025/03/20 - 07:54
Arrantza-jarduera, gainbeheran: erdira murriztu da 20 urtean
Gaur egun, 187 ontzi inguru aritzen dira lanean Gipuzkoako eta Bizkaiko portuetan, duela bi hamarkada baino 370 bat ontzi gutxiago. Arrantza sektoreko eta arrandegi tradizionaletako langileen kopuruak ere behera egin du.
2025/03/20 - 06:55
Espezializazioa, arrandegi txikien etorkizuna: ''Arrain ona eta ahalik eta prezio onenean lortu behar da''
Arrainaren prestaketan eta bezeroen arretan espezialtzen ari dira arrandegi txikiak. Nekane Garmendiak erretiroa hartu berri du eta erreleboa utzi du Urnietako bere arrandegian. Negoziootan etorkizuna badagoela uste du.
2025/03/11 - 20:25
Espainiako Gobernuak akordioa itxi du Kantauriko inguraketa-ontziekin bokarta arrantzatzeko
"Esperotako" akordio "egokia" dela esan du Leandro Azkue Eusko Jaurlaritzaren Arrantza sailburuordeak. Antxoaren arrantzaldia astelehenean hasi zen, 28.600 tonatik gorako kuotarekin.
2025/03/11 - 11:54
100 tona antxoa sartu da Getariako portuan, kosteraren bigarren egunean
Ofizialki lehen antxoak euskal portuetara atzo iritsi baziren ere, kosteraren bigarren egunean erruz sartu da, bereziki, Getarian. 100 tona antxoa porturatu dituzte eta kiloa 0,70 euroan saldu da batez beste.
2025/03/11 - 11:31
100 tona antxoa sartu da Getariako portuan eta kiloa 0,70 euroan saldu da
Kosteraren bigarren egunean Hondarribian eta Ondarroan ere antxoa porturatu dute, eta han ere antzerako prezioa izan du lonjan. Antxoak Donostia parean harrapatu dituzte, eta tamainaz ertainak dira.
2025/03/10 - 16:27
Denboraldiko lehen antxoak iritsi dira Getariako portura
Kosteraren lehen egunean, Getariako portuan tona bat antxoa inguru deskargatu da, eta kiloa 6,50 euroan saldu da. Antxoaren arrantza denboraldia 10 eguneko atzerapenarekin hasi da, kuota kudeatzeko sistema aldatzeko negoziazioen ondorioz.
2025/03/10 - 08:08
Abian da antxoaren kanpaina, baimendutako harrapaketa kopurua % 7 murriztuta
Azarora arte iraungo du kanpainak. Harrapaketa kopurua murriztuta, iaz baino bi milioi kilo gutxiago arrantzatuko dituzte, hau da, 33.000 tonatik 30.633ra jaitsiko da baimendutako kantitatea.
2025/03/04 - 21:19
Antxoaren kanpaina astelehenean hasiko da ontzikako kupoekin, baina sistema maiatzean alda daiteke
Arrantzaleek proposatzen dute Espainiako Estatuari dagokion kuota kofradien artean banatzeko sistema bat ezartzea, eta ondoren erakunde horiek euren kabuz antolatu ahal izatea.