Bizkaia
115.000 pertsona inguru gerturatu dira Gernika-Lumora Urriko Azken Astelehena ospatzeko
310 postu dira aurten 650 urte baino gehiagoko historia duen Euskal Herriko merkatu tradizional garrantzitsuenetako honetan. Nafarroako Eulate gaztandegiak irabazi du gazta-lehiaketa eta 7.400 euro ordaindu ditu Kanala Beach jatetxeak gazta irabazlea erosteko.
Shigellosi agerraldi batek alarmak pitzarazi ditu Bilbon
Eusko Jaurlaritzak bost kasu atzeman ditu Bizkaiko hiriburuan, eta hiru kasu ikertzen ari da.
Bizkaiko autoeskolek greba egingo dute azaroaren 4an eta 5ean
ELAk eta CCOOk deialdia iragarri dute, hitzarmenaren negoziazioaren "bloke patronala" gaitzesteko.
Osakidetzak astebete aurreratu du gripearen aurkako txertoa hartzeko epea Bizkaian eta Gipuzkoan
Intzidentzia hirukoiztu egin da iazko datuekin alderatuta, eta ospitaleetan % 75etik gorako batez besteko okupazioa erregistratu da.
EHUk 607 milioi euroko aurrekontu-premia duela adierazi die alderdiei
Egungo aurrekontuaren %78 "eguneroko oinarrizko gastuei aurre egiteko erabiltzen da, eta hori ez da nahikoa".
Hiru pertsona etxetik atera dituzte Gordexolako etxebizitza batean izandako suteagatik
Sutea 12:30 aldera hasi da, Las Llanas auzoan, eta kalte material handiak eragin ditu etxe batean, baina ez da inor zauritu. Ikerketa abiatu dute sua nola piztu den argitzeko.
EDE Fundazioak Guruzu jatetxe solidarioa ireki du Bilbon
Guruzu Bilboko jatetxe berrian, 12 langile ari dira lanean, horietako 6 gizarteratze kontratuarekin. Lan mundurako prestakuntza ematea da proiektuaren helburua. Bilboko Indautxu auzoaren bihotzean dagoen espazioak 60 lagunentzako lekua du. Eguneko menuaren ohiko prezioa 21 eurokoa izango da, baina menu solidarioak ere badituzte.
Mohamedek berreskuratu du lapurtu zioten dirua baino gehiago, Erandioko herriaren elkartasunari esker
Erandioko herritar senegaldarraren istorioak, 3.500 euro lapurtu baitzizkioten fruta-denda batean erosten ari zela, amaiera zoriontsua izan du. Dendak laguntza-kanpaina bat jarri zuen martxan Mohamedek Afrikan bere familia bisitatzeko erabili behar zuen dirua berreskuratzeko, eta berreskuratu du lapurtu ziotena baino gehiago. Mohamedek, pozik, eskertu du herriko bizilagunek emandako laguntza ekonomikoa.
Milaka lagunek parte hartu dute Gazako haurrei elkartasuna adierazteko manifestazioan, Bilbon
“Gure haurrak ere badira” plataformak antolatu du egun osoko elkartasun eguna. Manifestazioaren buruan, ikurrina eta Palestinako bandera eraman dute Bilboko lau eskolatako umeek, pailazoek lagunduta. Antolatzaileek gogoratu dute Gazako umeen kontrako biolentziak ez duela etenik, eta Israelek 360 ume palestinar dituela preso. Erakunde zein enpreseiNetanyahuren gobernuarekin harreman oro etetea eskatu diete, eta ekitaldia amaitzeko ehunka zapatila jarri dituzte Bilboko udaletxeko eskaileretan.
Ura Bere Bidean ekimenak emozioz eta sorpresaz bete du BEC, 11.000 pertsonarekin
Emozioa eta sorpresak ez dira falta izan bart BECen. 11.000 lagunek bete dute aretoa, Ura Bere Bidean ekimenarekin bat eginez. Euskal musikaren parte hartze zabala du aurtengo edizioak, urtero bezala Bilboko Orkestra Sinfonikoak lagunduta.
Gernikako Estatutuaren 46. urteurrenean, alderdi politikoek uste dute berritu beharra dagoela
Testua berritzeko negoziazioek markatutako testuinguru batean, buruzagi politikoek aukera baliatu dute Estatutua berritu beharraz duten iritzia emateko.
Javier De Andres: "Bultzada eman behar diogu pertsonen askatasunean pentsatuko duen gizarte bati"
Javier De Andres Euskadiko PPko presidenteak "pertsonen askatasuna" bermatuko duen Estatutu berri bat eskatu du, presio politiko eta ideologikoak "gizartearen gainbehera" ekarri baitu. (Jatorrizkoa, gaztelaniaz)
Laura Aznal: "Herri honek eta gure subiranotasunak ezin dute gehiago itxaron"
Laura Aznal EH Bildu Nafarroako bozeramaileak adierazi du beharrezkoa dela autogobernua eta foraltasuna berritzea eta hobetzea. Horregatik, Nafarroa eta Gernikako Estatutua eguneratzeko eskatu du. Horren hitzetan, "herri honek eta gure subiranotasunak ezin dute gehiago itxaron".
Gizon bat atxilotu dute Bilbon, bost edukiontzi, auto bat, farol bat eta lonja bat erretzea egotzita
Udaltzaingoak hainbat suteren ustezko egilea atxilotu du, Amadeo Deprit kalean sute bat piztu ostean.
Bilboko estatuak eta eskulturak mugimenduan jarri dituzte, adimen artifiziala baliatuz
Egileak, Endika Martin Dreamily Views artistak, ikus-entzunezko eduki berritzaileak sortzen ditu komertzioentzat. Horren azken bideoa, baina, biral egin da, milioi erdi erreprodukzio baino gehiago lortu baititu bi egunetan.
Lehendakariak jauzi kualitatibo bat eskatu du, Euskadiren gaitasun politikoa eta aldebikotasun eraginkorra bultzatzeko
Epaileak bertan behera utzi du Petronorren epaiketa, eta astebeteko epea eman du aurreakordioa bozkatzeko
Aurreakordioak, besteak beste, "15 minutuko konpentsazioa" jasotzen du. Batzar hori astelehena baino lehen egin ez bada aurreakordioa bozkatzeko, epaileak berak erabakiko du azkenean.
Hauek dira dermatosi nodularra dela-eta Araban, Bizkaian, Gipuzkoan eta Nafarroan bertan behera utzi dituzten feriak
EAEn eta Nafarroan azaroaren 30era arte egongo da indarrean debekua, eta Ipar Euskal Herrian, berriz, azaroaren hasierara arte. Edozein kasutan, egoera epidemiologikoaren bilakaeraren arabera, lurralde guztietan debekua luzatzea erabaki dezakete.
Ezegonkortasuna eta tenperatura freskoak izango dira nagusi urriko azken asteburuan
Astean zehar tenperatura altuak izan ondoren, asteburuan fresko izango dugu eta zenbait tokitan termometroak ez dira 15 ºC-tik gora helduko.
Bizkaibuseko autobusek segurtasun-manparak izango dituzte erasoak saihesteko
Azken urtean Bizkaibuseko gidariek eta ikuskatzaileek 67 eraso jasan dituzte, 6 eraso fisiko tartean.