Société

Nafarroako Justizia Auzitegi Nagusiak berretsi du sexu-eraso delitu jarraituagatik ezarritako espetxe-zigorra eta 60.000 euroko kalte-ordaina ordainduko dio biktimari, kalte moralagatik. 

Ipar Euskal Herriko 4.500 ikasle inguru daude deituta egunotan baxoa azterketak egitera. Azterketa frantsesez egin behar dute derrigorrez, nahiz eta txikitatik ikasketak euskaraz egin dituzten.

Bizikleta elektrikoak mailegatzeko udal zerbitzu berritua astelehen honetan jarri da martxan, 790 unitaterekin, geltoki berriekin eta erabileraren araberako tarifa eredu berriarekin. Udalak mugikortasun iraunkorragoaren aldeko apustua egin du, baina prezioen igoerak eztabaida sortu du.

Zauritutako bi pertsonak Galdakaoko Ospitalera eraman dituzte. Ertzaintza txandaka aritu da trafikoa bideratzen, eta auto-ilarak sortu dira inguruan, baina 09:30ean zirkulazioak ohiko martxa hartu du.

Ostiralean izandako euri-erauntsiak kalte nabarmenak utzi zituen Zaldibian. Unanubieta baserriko Iñakik kontatu duenez, uraren maila 2 metrora iritsi zen instant batean eta justuko denbora izan zuen familiak goiko solairura igo eta babesteko. Bizilekua hori bai, txikituta geratu da.

Gobernuz Kanpoko Erakunde donostiar honek 10 urte bete ditu. Igande honetan Intxaurrondo auzoan bildutako dirua Lesboseko etorkinei jateko eta arropak ematen jarraitzeko izango da.

45 urte geroago, Jose Miguel Etxeberria Naparraren gorpua oraindik ez dela agertu gogoratu dute gaur, urtero legez, Lizartzan, familiaren baserrian. Komando Autonomo Antikapitalisten kide zela desagertu zen 1980an Donibane Lohizunen.

Ateak 2024ko urrian apurtu egin zituzten, eraso bandaliko batean. Pasaiako Albaola Itsas Kultur Faktorian zaharberritu ostean, ateekin erromesaldi herrikoia egin dute azken zazpi egunetan Aralarreraino. 

Elkarretaratzea egin dute Gasteizen, duela astebete Malagan gizon batek hil zuen 50 urteko emakumea bertakoa zen eta. Ariznabarra auzoko taberna batean egin zuen lan emakumeak duela hilabetera arte eta bertako auzokideek zein hainbat eragilek deitu dute hilketa matxista salatzeko elkarretaratzea.

Malagan bizi zen duela hilabetetik bere bikotekidearekin eta han, gasolindegi batean atzean, hil zuen kolpeka gizonak.

Bizilagunekin plataformak deituriko martxak "turistifikazioa gelditzea" eskatu du. Euren ustez, horrek ekartzen baitu "biztanleak Donostiatik kanpo joatea eta ingurunea degradatzea, merkatuaren mesedetan". Era berean, hiriko etxebizitza arloa egoera "kritikoan" dela salatu du.

Haurrek deskarga elektriko bat jasan dute herriko festak ospatzeko barraketan, Alqueriasen. Guardia Zibilaren Polizia Judizialak ikerketa abiatu du ezbeharraren nondik norakoak argitzeko.