Euskadiko langabezia-tasa % 15,5ean kokatu da, 162.800 langaberekin
Euskal Autonomia Erkidegoan 162.800 pertsona daude lanik gabe, iragan hiruhilekoan baino 2.700 gehiago, Eustatek jakitera emandako datuen arabera. Gauzak horrela, Euskadiko langabezia tasa % 15,5ean kokatu da urteko lehen hiruhilekoan, aurrekoan baino % 0,3 gehiago.
Lanik gabe dauden gizonezkoak 85.800 dira (400 gehiago) eta 77.000 emakume lanik gabe daude, aurreko hiruhilekoan baino 2.300 gehiago.
2014ko lehen hiruhileko datuen arabera, langabezia-tasa %15,5 da, 0,3 puntu gehiago aurreko hiruhilekoaren aldean. Gazteen langabezia-tasa da nabarmenena, %37,2; horrenbestez, 16-24 urte bitarteko 17.700 gazte aktibo daude langabezian.
Bestalde, urteko lehen hiruhilekoan okupatuak 886.300 ziren, hiru hilabete lehenago baino 4.800 gutxiago, (%-0,5).
Landunen eta langabeen bilakaeren ondorioz, jarduera-tasa %57,2 da 2014ko lehen hiruhilekoan, aurreko hiruhilekoan bezalaxe.
Bizkaian 4.000 okupatu gutxiago daude, Gipuzkoan 1.300; Araban 700 gehiago. Gizon okupatuak aurreko hiruhilekoan baino 3.400 gutxiago dira eta emakumeak 1.300.
Biztanle okupatuak 6.200 gutxiago dira industrian, 2.700 zerbitzuetan eta 800 nekazaritzan; eraikuntzan 5.000 gehiago.
Bestalde, EAEn dauden 858.400 (aurreko hiruhilekoan baino 5.900 gehiago) familia-etxeetako heren batean ez dago pertsona aktiborik. Erdian pertsona aktibo guztiak okupatuta daude, aurreko hiruhilekoan baino 2.900 familia gutxiago; pertsona aktibo guztiak langabezian dituztenak 48.900 dira (guztirakoaren %5,7).
Datuak, lurraldeka
Lurraldeka, langabezia Araban hazi da gehien (2.400 pertsona), eta langabezia-tasa % 16,7an da. Bizkaian, berriz, 91.000 langabe daude, aurreko hiruhilekoan baino 700 gehiago. Gipuzkoari dagokionez, langabeen kopuruak ez du aldaketarik izan eta % 13,1ari eusten dio.
Kopuru horiek Europar Batasuneko langabezia tasarekin alderatuta (% 10,6), Euskadiko tasa 5,1 puntu handiagoa da, baina Espainiakoa baino txikiagoa (% 25,6).
Gazteen langabezia
Adin-taldeei dagokienez, langabezia-tasarik altuena gazteena da, % 37,2: 16 eta 24 urte bitarteko 17.700 gazte langabezian daude.
Beste datu esanguratsu bat: 858.400 familia-etxeen herenetan ez dago lanean ari den pertsonarik (aurreko hiruhilekoan baino 5.900 gehiago).
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.