AHTarekin konpromisoa hartzeko eskatu diete Frantziari eta Espainiari
Ana Oregi Eusko Jaurlaritzako Ingurumen eta Lurralde Politika sailburuak Abiadura Handiko Trenaren ardatz atlantikoarekin “konpromiso serio, sendo eta atzerabueltarik gabekoa” hartzeko eskatu die Espainiako eta Frantziako Gobernuei.
“Ardatz atlantikoa lehentasuna da Europar Batasunarentzat eta Euskadirentzat, baita Frantziarentzat eta Espainiarentzat ere, agirien arabera behintzat”, esan du Oregik hedabideen aurrean. Sailburuak parte hartu du Trenen Nazioarteko Batasunaren (UIC) Intercity eta Abiadura Handiko Saileko Batzorde Zientifikoa eta Teknikoa Bilbon egiten ari diren bileraren hasiera ekitaldian.
Sailburuaren esanetan, beharrezkoa da abiadura handiko trenaren “plangintza osoa” egitea, eta “azpiegituraz hitz egitetik herritarrari emandako zerbitzuaz hitz egitera pasatzea”.
Iñaki Barron UICeko Abiadura Handiko zuzendariak ere Euskal Y-a izan du hizpide, “goi-mailako trenbide europarraren alde garrantzitsu bat da”, esan du, eta Paris-Lyon eta Milan-Bologna ardatzekin alderatu ditu.
Oregik gaineratu duenez, Euskal Y-ak “garraiobideen aniztasunaren bultzadan eginkizun estrategikoa” izango du Europako hego-sartaldean.
Halaber, horren ildotik, abiadura handiko trenaren helburua “ez da azpiegiturak egitea, baizik eta gaur egungo eta etorkizuneko gizarteari zerbitzua ematea; hori da helburu nagusia”, zehaztu du.
Albiste gehiago ekonomia
Nafarroak iruzurraren aurkako plan berria onartu du NaTicket ezarrita
Foru Gobernuak NaTicket izeneko programa bat aplikatuko du datozen hiru urteetan, Euskadiko Ticket Bairen antzeko sistema bat, fakturazioa denbora errealean kontrolatzeko.
Ryanairrek % 2 murriztuko du Forondako hegaldi kopurua neguan, eta ez du jardungo Santiago, Vigo eta Tenerifeko aireportuetan
Alacant, Brusela, Malaga, Milan, Palma eta Sevillarako hegaldiak ditu Ryanairrek Forondako aireportuan. Doitze-neurri horren ondorioz, milioi bat plaza baino gehiago galduko dira, udako denboraldian galdutako 800.000 plazez gain.
Maderas de Llodiok langileen batzordeari adierazi dio kaleratze kolektiboa ezartzekotan daudela
LAB sindikatuak adierazi duenez, datorren asteartean, hilak 9, bilera bat dute enpresaren zuzendaritzarekin, baina batzordeak eskatu du kaleratze kolektiboaren prozedura berehala bertan behera utz dezaten. Momentuz, ez dakite 151 langileetako zenbati eragingo liokeen neurriak.
Arabako Errioxako ardoak, txakolinak eta sagardoak Mexikora bidaiatu dira, Euskadi globalaren enbaxadore gisa
Amaia Barredo sailburua Mexiko Hirian da 23 euskal upeltegiren ordezkaritzarekin batera, euskal gastronomiaren kalitate eta bikaintasun zigiluarekin merkatu berriak irekitzeko asmoarekin.
Eusko Legebiltzarrak ez du izapidetuko gutxieneko pentsioa Lanbidearteko Gutxieneko Soldatarekin berdintzea eskatzen duen herri-ekimena
Eusko Jaurlaritzaren jarreraren arrazoi nagusietako bat da pentsioak jasotzen dituztenentzako babesa dagoeneko integratuta dagoela egungo sisteman. Ekimenak 145.000 sinadura baino gehiagoren babesa du.
Azazetan auto istripuan hildako gidaria etxez etxeko laguntzaile lanetan ari zen
LAB sindikatuak lan-istriputzat jo du ezbeharra, eta etxez etxeko laguntzaren sektoreko baldintza prekarioak salatu ditu.
Abuztuan, langabezia-tasa ia % 4 igo da EAEn, eta % 0,53 jaitsi da Nafarroan
109.169 langabe daude erregistratuta Euskadin, eta, Nafarroan, berriz, 28.390. Espainian, langabezia-tasa % 0,91 igo da, eta langabeen kopurua 2.426.511ra iritsi da, 2007az geroztik abuztuan izandako mailarik txikiena.
LAB sindikatuak soldatak duintzea du urte honetarako lehentasunetako bat
Salatu du ziurgabetasun ekonomikoa aitzakia gisa erabiltzen ari dela lan-baldintzak prekarizatzeko. Horregatik, iragarri du bere helburua izango dela soldatak KPItik gora igotzea negoziatzea eta, batez ere, gutxieneko soldata propioa sortzea.
EAEko biztanleen % 18,5ek maiz edo etengabe izaten dute laneko estresa
Randstaden ikerketa baten arabera, Euskadiko herritarren % 10,5ek baino ez dute inoiz beren lanarekin lotutako estresik sentitu. Emakumeek gizonek baino estres maila altuagoak izaten dituzte, eta maizago pairatzen dute.
Etxebizitzaren prezioak goia jo du berriro Donostian: 5.869 euro metro koadroko
Apirila eta ekaina bitartean, metro koadroko prezioa % 1 igo da oro har Gipuzkoan, aurreko hiruhilekoarekin konparatuta. Etxebizitzen salerosketari dagokionez, % 2,7 handitu da, eta alokairuak, ordea, % 10,9 egin du behera.