2015ean prezioak izoztuko dira, lehen aldiz krisia hasi zenetik
Kontsumorako Prezioen Indizeak balore negatiboetan itxi du urtea, sei hilabetez behera egin baitu (uztailetik azarora). Abenduko datua ikusita, urtea % 1,1eko datu negatiboarekin amaituko da. Iaz, berriz, KPIk % 1,4ko igoerarekin amaitu zuen urtea.
Erregaien beherakada da prezioen jaitsiera eragingo duen arrazoi nagusia. Horrek ere herritarrei atsedena emango die, zerbitzu publikoen prezioak izoztu egingo baitituzte 2015ean. Krisia hasi zenetik, 2007tik, prezioek gora egin dute urtero.
ARGINDARRA ETA GASA
Argindarraren fakturaren ordainsariak izoztu egin ditu Rajoyren Gobernuak. Hortaz, erabiltzaileek beherakadak izan dituzte euren fakturetan urte hasieran (adituen ustez, % 4 murriztuko dira argindarraren fakturak 2015eko lehen seihilekoan). Urtea ere beherakadekin amaituko du argindarrak (% 4,9).
Gasari dagokionez, urte hasieran % 3 jaitsiko dira fakturak, petrolioaren beherakadaren eraginez. Industriak ez ditu gas naturalaren ordainsariak igoko, eta horrek ere eragina izango du erabiltzaileengan.
Butano-botilaren prezioa ere egonkor mantenduko da, 17,5 eurotan, martxora bitartean. Udaberritik aurrera, baliteke prezioek behera egitea.
ERREGAIAK
Europar Batzordearen kalkuluen arabera, azken hamabi hilabeteetan erregaiek % 15 behera egin dute. Hau da, 50 litroko erregai-tanga bat betetzea iaz baino 10 euro merkeagoa da orain.
Erregaien zerba bereziak ez dituztela ukituko iragarri du dagoeneko Espainiako Gobernuak.
UDAL TASA
Hego Euskal Herriko hiriburuetan, Udal guztiek tasak eta prezioak izoztea erabaki dute.
Osoko bilkuretan, Bilbon, Donostian, Gasteizen eta Iruñean, zerbitzu publikoen prezioak ez igotzea erabaki zuten zinegotziek. Hortaz, garraio publikoa, uraren prezioa edota zaborren tasak, besteak beste, bere horretan geratuko dira 2015ean.
Bilboko Metroak ere txartelak izoztea erabaki du. Bilbobusen ere ez dituzte prezioak igoko, eta hileroko tarifa berria abian jarriko dute, Gazte Bilbao, alegia.
Donostian, Ekonomia-Jardueren gaineko zerga % 1 igotzea erabaki du Donostiako Udalak. Gasteizen, berriz, zerba hori % 41 igoko dute.
AUTOBIDEETAKO BIDESARIAK
Estatuko Administrazioak ez ditu autopistetako bidesariak igoko. Azken bost urteetan aurrenekoz hartu du erabaki hori Gobernuak.
Bizkaiak, Arabak eta Nafarroak ere bidesarietako prezioak ez igotzea erabaki dute, baina Gipuzkoan % 3,5 igoko dira. Foru Aldundiak esan du Bidegik dituen “arazoengatik” igoko dituela prezioak. AP-8 eta AP-1 errepideetako bidesariei eragingo die aipatu igoerak.
RENFE
Renfek bai, txartelen prezioak igoko ditu datorren urtean. % 1,85 garestiago izango da Renfen bidaiatzea urtarriletik aurrera.
Zure interesekoa izan daiteke
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.