Volkswagen, auzibide luze eta zail baten atarian
Volkswagenek diesel autoetan gas isuriak manipulatzeko ezarritako softwarearen auziak soka luzea izango du epaitegietan. Erabiltzaileek, gobernuek, akziodunek eta talde ekologistek salaketa jarri dute konpainia alemaniarraren kontra, munduko herrialde gehienetan, gainera.
Hala, hiru motako isunak ordaindu beharko ditu Alemaniako automobilgintzako multinazionalak: administratiboak, gobernuek ezarritakoak; zigor arlokoak, iruzurraren erantzuleei ezarriko zaizkienak; eta zibilak, kaltedunei eman beharreko ordainak, esaterako. AEBn, ia 200 salaketa aurkeztu dituzte kontsumitzaileek. Dirua itzultzeko ere eskatu diote askok, erositakoa kontratuan ageri zenaren oso bestelakoa izan zela argudiatuta.
Nafarroan, bestalde, apartekoa da kezka. Matthias Muller Volkswagen taldeko presidente eta kontseilari delegatuak urri hasieran iragarri zuenez, "beharrezkoak ez ziren inbertsioak" bertan behera utziko ditu konpainiak. Iragarpenak, nola bestela, kezka bizia eragin zuen foru erkidegoan, Iruñeko Landabengo lantegiak ia 10.000 lanposturi eragiten dio (zuzenekoak zein zeharkakoak).
Eskandalua ezagutarazi aurretik, 2017ra arte 785 milioi inbertituko zituela iragarri zuen multinazionalak. Jose Manuel Soria Industria, Energia eta Turismo ministroak ostiralean agertu zuenez, Landabenen egin beharreko inbertsioei eutsiko zietela jakinarazi zioten konpainiako zuzendariek. Dena dela, oraindik zehazteke daude krisiaren ondorioak eta baliteke, gerora ere, inbertsio gehiago murriztu behar izatea.
Zure interesekoa izan daiteke
ELA, LAB eta ESK sindikatuek Tubos Reunidosen enplegu-erregulazioko espedientea inpugnatuko dute
Beste ostiral batean, Tubos Reunidoseko langileek manifestazioa egin dute Amurrion, eta enpresa-batzordeko kideek azaldu dute etsituta hartu dutela Lan Ikuskaritzaren ebazpena. Hiru sindikatuk, ELAk, LABek eta ESK-k, dagoeneko iragarri dute enplegu-erregulazioko espedientea inpugnatuko dutela datorren astean.
Euskadiko BPGk urteko % 2,2ko hazkundea izan du lehen hiruhilekoan, eta % 0,5 igo da aurrekoaren aldean
Euskal ekonomiak hazkunde-erritmoari eutsi dio 2026an, eraikuntzak eta zerbitzuek bultzatuta.
Eusko Jaurlaritzak "nolabaiteko erosotasuna" ikusten du osasun arloko negoziazioan, eta asistentzian izan dezakeen ondorioen beldur da
Alberto Martínez Osasun sailburuak egoerak paziente eta herritarrentzat sortzen dituen zailtasunez ohartarazi du, eta erantzukizun handiagoa eskatu die inplikatutako aldeei. Onartu du ez duela informaziorik eta ez dela parte hartzen abian dagoen negoziazioan, eta, ohartarazi duenez, egoera hori ziurgabetasuna eta zailtasunak sortzen ari da pazienteentzat eta asistentzia-sistemarentzat. Martinezek kezka hori helarazi du Lurralde arteko Kontseiluan, eta inplikatutako alderdien erantzukizuna eskatu du.
Medikuek beste urrats bat eman dute beren aldarrikapenetan, eta aparteko orduak egiteari uzten hasi dira zenbait
Osakidetzako eta Osasunbideko medikuak beren nagusiei jakinarazten ari zaizkie ez dituztela egingo medikuek arratsaldez egiten dituzten eta itxaron-zerrendak murrizten laguntzen duten borondatezko aparteko orduak, "peonadak" izenekoak. Horrek, besteak beste, arratsaldean egiten diren kirurgiak murriztea ekarriko du.
Sindikatuek eta Jaurlaritzak talka egin dute Tubos Reunidosen etorkizunaren inguruan, argitasun faltagatik
LAB eta ESK sindikatuek Eusko Jaurlaritzaren zeregin aktiboagoa eskatu dute, eta enplegu industrialaren defentsan irmo jardutea eta abian dauden negoziazioen gardentasun handiagoa eskatu diote. Jaurlaritzak berretsi du pilatutako zor handia dela Tubos Reunidosen arazo nagusia.
Energia Agentziak ohartarazi du Europak hegazkinentzako erregai eskasia izan dezakeela sei astean
Ekialde Hurbiletik zetorren hornidura Europako hegazkinetarako erregai-inportazio garbien % 75 zen orain arte.
Babes zabala jaso du osasun publikoaren aldeko plataformek larunbaterako deitutako protestak
60 taldek baino gehiagok egin dute bat deialdiarekin. Manifestazioak 12:00etan abiatuko dira Bilbon (Jesusen Bihotza plazatik) eta Gasteizen (Bilbo plazatik), eta 17:00etan, Donostian (Boulevardetik).
Lan Ikuskaritzak ondorioztatu du Tubos Reunidoseko enplegu-erregulazioko espedienteak legea betetzen duela eta arrazoi ekonomikoak daudela
Espedienteak 240 langileri eragiten die: 177, Amurrioko lantegian, eta 63, Trapagaranen.
Etxeko hegaztien konfinamendua kendu dute, hegazti gripearen egoerak hobera egin baitu
Neurria 2025eko azarotik zegoen indarrean, eta bertan behera utzi da, kasurik ez dagoela egiaztatu baitute, eta tenperaturak gora egin duela ikusita.
Metroko bi zaintzailek salatu dute eraso "bortitza" jasan zutela Urdulizen
CCOO sindikatuak Metro Bilbaori eta enpresa esleipendunari eskatu die langileei baliabide egokiak emateko, "muturreko indarkeria" egoerei aurre egin ahal izateko.