Aernnovako presidenteak dio Arabaren aldeko apustua egin duela
Iñaki Lopez Gandasegui Aernnovako presidenteak Ramiro Gonzalez Arabako ahaldun nagusiari esan dio Euskadiren eta Arabaren aldeko apustua egin duela eta Berantevillako lantegiaren lehiakortasuna hobetzeko asmoz langileekin hitz egiteko prest dagoela.
Gandaseguik eta Gonzalezek bilera egin dute gaur, Aernnovak bizi duen egoera aztertzeko. Zuzendaritzak duela zenbati egun erretiratu zuen 133 kaleratzeko lan erregulazio txostena.
Arabako Aldundiak azaldu duenez, bilera “adeitsua” izan da eta Aernnovako presidenteak langileekin akordio batera heltzeko borondatea agertu du.
Diputazioak bilera positiboa izan dela esan du eta etorkizunean batzar gehiago egiteko asmoa iragarri du, Berantevillako lantegian enplegua bermatze aldera.
Langileek mobilizazioak deitzea aztertuko dute
Bestalde, Aernnovako enpresa batzordeak bilera egingo du asteazken honetan, Berantevillako lantegiaren egoera aztertzeko eta mobilizazioak deitu ala ez erabakitzeko.
Zuzendaritzak 133 langile kaleratzeko lan erregulazio txostena erretiratu badu ere, komiteak gogora ekarri du lan-karga arazoak eta enpresaren “mehatxuek” bere horretan dirautela.
Horrez gain, Eusko Jaurlaritzarekin eta Aernnovako zuzendaritzarekin biltzea eskatuko dute.
Gainera, ostegunean Madrilen izango dira, Industria Ministerioko ordezkariekin biltzeko, eta ostiralean Legebiltzarrean egongo dira, Aernnovaren egoeraren harira EH Bilduk aurkeztutako ekimena eztabaidatuko dutelako.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.