Barik, Bat eta Mugi EuskoTrenen eta Metro Bilbaon erabili ahalko dira
Antonio Aiz Garraio sailburuorde eta Gipuzkoako Lurralde Autoritateko presidenteak garraio-txartel bakarra ezartzeko aurrerapauso bat aurkeztu du asteazken honetan. Egitasmoak Mugi, Barik eta Bat txartelentzako balioko luke, eta udan EuskoTreneko Hendaia-Donostia-Bilbo tartera eta Metro Bilbaora zabalduko litzateke.
Aizek Mugi garraioko tarifa sistema bateratuaren balantzea eskaini du Donostian (Gipuzkoa) eman duen prentsaurreko batean. Halaber, sailburuordeak ohartarazi du aurten Arabako Bat eta Bizkaiko Barik txartelak Donostiako DBus autobus sarearekin integratuko direla programa pilotu baten bidez.
Aizek azpimarratu du “pauso zehatzekin” aurrera egiten ari direla Euskadin txartel-garraio bakarra ezartzeko. Gainera, sailburuak gogorarazi duenez, egun hiru txartelak erabili daitezke Gasteizko eta Bilboko tranbietan eta Trapagarango (Bizkaia) Larreinetako funikularrean. Deskonturik gabeko aukerari dagokionez, udatik aurrera Eusko Trenen eta Metro Bilbaon egongo da erabilgarri.
Renferen integrazioa
Bestalde, Marisol Garmendia Lurralde Antolakuntza eta Mugikortasun diputatuak adierazi du Mugi “indar handiz” finkatu dela Gipuzkoan. 2013an martxan jarri zenetik, 656.000 txartel baino gehiago erabili dira, eta horietatik, 350.000 Mugikoak dira, eta 305.263, Lurraldebusekoak. 2015ean, 59.000 txartel pertsonalizatu eta 40.000 anonimo kaleratu zituzten. Garmendiak baieztatu du iaz garraio-enpresa guztiek bidaiari kopurua handitu zutela, Renfek izan ezik. Gainera, nabarmendu du legealdiko helburuetako bat Renfe sistema bateratu bakarrean integratzea dela.
2015ean, Mugi integratzen duten enpresa guztietatik, 64 milioi bidaiatik gora erregistratu ziren, 2014an baino % 2 gehiago. Bidaia guztien % 84, hau da, 54 milioi, Mugi edo Lurraldebus txartelekin egin ziren. Marisol Garmendiak esan du txartel horiek 295.000 erabiltzaile zenbatzen dituztela hilero. Horietatik, % 80k txartela 20 aldiz erabiltzen dute hilean, asko jota (% 45eko deskontua); %16k 21-50 aldi artean (% 56) eta % 4k 51 bidaia baino gehiago egiten dituzte hilean.
Eluska Redondo Gipuzkoako Garraioko Lurralde Autoritateko zuzendariak azpimarratu ditu iaz sistema honetan sartutako hobekuntza batzuk. Adibidez, tramiteen sinplifikazioa edota txartelen komisioak Kutxabankeko kutxazainetan.
Zure interesekoa izan daiteke
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.