56.000 lanpostu sortuko dira udan, EAEn
Udan 56.000 lanpostu sortuko dira EAEn, iaz baino % 5 gehiago, Adecco giza baliabideen kudeaketarako enpresaren arabera.
Nafarroan, bestalde, 34.000 lanpostu inguru sortuko dira datorren udan, 2015ean baino % 2 gehiago.
Adeccok prentsa ohar bidez jakinarazi duenez, 2008tik ematen ez zen kontratazio maila antzeman zuen iaz, krisi ekonomiaren aurretik ematen ez zen kontratazio maila, alegia.
Hala ere, EAEren enplegu igoera "neurrizkoa" izango dela ohartarazi du Adeccok.
Hori horrela, uda honetan lanpostu gehien sortuko dituen zazpigarren erkidegoa izango da Euskadi.
ZERBITZU-SEKTOREAREN HAZKUNDEA
EAEn lanpostu gehien sortuko dituen sektorea zerbitzuetakoa izango da, turismoa eta ostalaritza bultzatuta. Industria sektorean ere, hazkundea izango da.
Lurraldeka, Bizkaia (29.000 lanpostu) enplegu gehien sortuko duen lurraldea da. Araban 13.500 lanpostu sortuko dira eta Gipuzkoan 13.000.
Sukaldariak, zerbitzariak, sukaldeko laguntzaileak, eskorga gidariak, biltegiko langileak, teleoperadoreak, dendariak eta elikagaien manipulatzaileak izango dira gehien eskatzen diren lanbideak.
Nafarroan ere zerbitzuetakoa izango da sektorerik indartsuena, eta zenbait kasutan industria eta nekazaritza enplegu sortzaileak izango dira Nafarroako erkidegoan.
Nafarroan, besteak beste, sukaldariak, zerbitzariak, sukaldeko laguntzaileak, manipulatzaileak eta peioak eskatuko dira udan.
ESTATU MAILAN
Estatuan 1.100.000 kontratu baino gehiago sortuko dira datozen hiru hilabeteotan, iaz baino % 10 gehiago. Lanpostu gehien sortuko dituzten erkidegoak Katalunia, Madril, Murtzia eta Valentzia izango dira.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.