EAE eta Nafarroa, hipoteka gutxien exekutatzen dituztenen artean
2013 eta 2015 urteen bitartean sinatu ziren hipoteken gainean, Euskal Autonomia Erkidegoak exekutatu zituen hipoteka gutxien. Guztira 162 exekutatu zituen, hots, % 0,03.
Horrela jasotzen du Estatistikako Institutu Nazionalak hipoteka exekuzioei buruz (hau da, hipoteka bat ez ordaintzegatik, hipoteka horri dagokion jabetza salmentarako bahitzea) gaur jakitera eman duen txostenak.
Hori horrela, urteko lehen hiru hilabeteetan mota horretako 162 prozesu egon ziren Euskadin. Horietatik 75 etxebizitzen gainekoak izan ziren, joan zen urtean baino 5 gehiago.
Ehuneko handienak Murtzian (% 0,22), Andaluzian (% 0,18), Valentziako Erkidegoan (% 0,17) eta Katalunian (% 0,13) izan ziren. Bitartean, Euskadik (% 0,02), Kantabriak (% 0,04) Asturiasko Printzerriak (% 0,05) ehuneko txikienak aurkeztu zituzten.
Etxebizitzetan izandako exekuzioen artean, gehienak bigarren eskuko etxebizitzetan egin ziren (72), eta gainerakoak etxebizitza berrietan (3). Ondasunaren jabetzari dagokionez, 57 pertsona fisikoak izan ziren, eta 18 juridikoak.
Nafarroak % 0,07ko ehunekoa dauka, batez bestez
Nafarroari begira, guztira 103 hipoteka exekutatu ziren 2013 eta 2015 artean sinatutako hipoteketan, eta horrek % 0,07ko batez bestekoa ematen du.
Etxebizitzei dagokienez, mota horretako 61 hipoteka exekutatu zituzten, hau da, % 0,06.
Zure interesekoa izan daiteke
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.