40.000 bisitari izan ditu Makina Erremintaren Biurtekoak, %13 gehiago
Makina Erremintaren Biurtekoa aspaldiko jendetsuena izan da: 40.000 bisitari izan dira aurtengo edizioan, aurrekoan baino % 13 gehiago.
Arduradunek adierazi dutenez, edizio arrakastatsua izan da eta 36 milioi euroko irabaziak utzi ditu.
Xabier Basañez BECeko zuzendariak adierazi duenez, ekimenaren emaitzak oso onak izan dira: "Biurteko handia izan da, lehen egiten zirenen tamainakoa, ez bakarrik parte-hartze datuei begiratuta. Giroa, erakusmahaien eta bisitarien kopurua eta barruko eskariak lagunduta egindako aurretiazko salmentak aipatzekoak dira".
BECeko Makina Erreminta sektore horren munduko erakusleihoa izan dela nabarmendu du Basañezek. Horren ildoan, "negozioa" egin dela azpimarratu du Basañezek. Hurrengo edizioa noiz izango den ere aurreratu dute; 2018ko maiatzaren 28tik ekainaren 1era egingo dute.
Antxon Lopez Usoz AFMko presidenteak azokan aurkeztutako eskaintzaren kalitatea eta bisita profesionalen profila azpimarratu du. "Goi-teknologiako makineria eta ekipamenduak ikusi ditugu, baita mugimendu ugari ere azoka egin den egun guztietan", azaldu du.
Azokaren balorazio globala puntu bat igo da 2014koarekin alderatuta, eta 7,7ko puntuazioa erdietsi du. ADDIT3D azokak, hau da, Fabrikazio Aditiboko eta 3Dko Nazioarteko lehen Erakusketak ere oso puntuazio altua lortu du erakusketarien artean, 8ko nota eman baitiote.
Asebetetasuna izan da balioespen orokorra Makina-Erreminta Inportatzaileen Elkarteko (AIMHE) kide diren erakusketarien artean, bertako presidente den Jorge Garciak adierazi duenez. "Azoka osteko salmenta aurreikuspenak handiak dira, inbertitzeko eta erosketa-erabakiak hartzeko asmoarekin BIEMH-era etorri diren bisitarien kalitatea dela-eta. Gure merkatua Europako bataz bestekoaren gainetik dago dinamismoari dagokionez, eta horrek isla izan du azokan", gaineratu du.
Parte-hartzeari buruzko datuei dagokienez, nabarmentzekoa da % 45 izan direla Euskal Autonomia Erkidegotik haratago etorritako profesionalak. Horien arteko % 5 atzerritarrak izan dira, 54 herrialdetik etorri direnak.
Nazioarteko esparruari so eginez, Portugal, Frantzia Alemania, Italia eta Txinako profesionalak nabarmendu dira, eta horien atzetik Kolonbia, Argentina, Mexiko, Austria eta Indiakoak. Biurtekoan izan dira ere Iran, Lituania, Australia, Singapur, Siria eta Ipar Koreako hainbat profesional.
Guztira 652 pertsonak parte hartu dute ADDIT3Deko jardunaldietan. Bertan, profesionalek bertatik bertara ezagutu ahal izan dituzte ekoizpen gehigarriak eskaintzen dituen aukerak.
WORKINN
Denetara 6.516 gaztek, gehienak lizentziadun berriak edota Lanbide Heziketako azken ikasturteetan daudenak, bertaratu dira Workinn-era (lehen Enplegu eta Prestakuntza Foroa). Foro horretan ehun lanpostutik gora eta guztientzako aholkularitza eskaini dira.
500 kongresista Oil & Gas eta MIC hitzaldietan
Oil & Gas Conference eta Maintenance Innovation Conference hitzaldiek 500 kongresista bildu dituzte aste guztian zehar. BECen eta EasyFairs-en artean antolatutako bi ekitaldi horiek espazio osagarriak eskaini zituzten, besteak beste, erakusketa gunea eta networkingerako txokoa. Horiek jarraipena eman diete joan zen urtean egin ziren eta 2017an errepikatuko diren Pumps & Valves eta Maintenance azokei.
Zure interesekoa izan daiteke
Ekainaren 1era arte irekiko dute Tubos Reunidoseko konkurtso-administratzaile izateko hautagaitzak aurkezteko epea
Gasteizko epaitegi batek Tubos Reunidos taldeko zazpi sozietate hartzekodunen borondatezko konkurtsoan deklaratu zituen joan den asteartean, eta PKF-Attest Concursal izendatu zuen horien konkurtso-administratzaile.
LAB Tubos Reunidosen greba bertan behera uzteko aukeraren alde agertu da, eta ESK-k luzatzearen alde egin du
Bi sindikatuek, ELArekin batera, batzarra deitu dute ostiralerako, lanuztearekin jarraitu ala ez erabakitzeko.
CAFen Beasaingo eta Irungo lantegietan enpresaren azken eskaintza ontzat eman dute
Hiru urteko iraupena izango du akordioak, eta, besteak beste, soldata igoera eta zenbait kolektibotan lan-orduak murriztea adostu dute. Enpresak konpromisoa hartu du gutxienez 190 langile kontratatzeko Beasainen, eta beste 40, Irunen.
Argiaren eta gasaren BEZaren murrizketa bertan behera geratuko da ekainaren 1ean, eta % 21era itzuliko da, prezioek behera egin baitute
Erregaien (gasolinak, gasolioak eta bioerregaiak, eta profesionalentzako gasolio itzulketa partziala) eta hidrokarburoen gaineko zergaren tasa murriztuak ekainaren 30era arte egongo dira indarrean, apirilean produktu horietarako inflazioa Gobernuak ezarritako % 15eko atalasetik gora baitago.
Urtearteko KPIa % 3,2raino apaldu da EAEn eta % 3raino Nafarroan, apirilean
Espainiako Estatuan, urtebeteko inflazioa bi hamarren murriztu da, % 3,2raino.
Hithiumek bertako langileak, hornitzaileak eta zentro teknologikoak erabiltzeko konpromisoa duela nabarmendu du Irujo kontseilariak
Nafarroan bateria lantegia eraikitzeko negoziazioak aurrera doazela azpimarratu du Mikel Irujo Industria kontseilariak, "poliki baina sendo". Nafarroako Gobernuak bezala, Hithiumek ere enpresa bertako ekosisteman txertatzeko helburua eta konpromisoa dutela azaldu du.
Santurtziko udaltzainek "zorroztasun greba" egingo dute, lan-baldintzak hobetzea eskatzeko
Langileek salatu dute antolakuntzan "ez-betetzeak" izan direla, baita gainerako udal langileekin alderatuta gutxiago irabazten dutela, eta ekitaldi jendetsuetan langileak falta direla. ErNEren arabera, agenteak araudi guztia zorrotz aplikatzen hasi dira, eta errefortzuak eta aparteko orduak egiteari utzi diote.
CEBEKen ustez, lan-gatazkak "gizartearen aurrerabidearen aurkakoak dira"
CEBEK Bizkaiko patronalaren presidenteak, Guillermo Bucesek, lan-gatazkak "gizartearen aurrerabidearen kontrako" jo ditu, eta sindikatu guztiei dei egin die enpresaburuekin eser daitezen haien arteko harreman-eredua aldatzeko.
ELA, LAB eta ESK Tubos Reunidoseko langileekin bilduko dira ostiralean
Batzarraren helburua da langile guztiei egoeraren balorazioa helaraztea eta greba mugagabeak eta hartzekodunen konkurtsoak markatutako aro berri honetarako jarduera-ildoak ezartzea.
Interinok Taldeak kalte-ordainen bidea ireki izana kritikatu du
Gorenak behin-behineko kontratazioan abusua jasan duten langileek kontratu finkoak lortzeko oposizioa gaindituta izatea beharrezkotzat jo ondoren, Egoitz Markaida Interinok Taldearen bozeramaileak adierazi du langile horiek lanpostua eskuratzeko baldintzak bete zituztela, eta, ondorioz, finko egin behar direla uste du.