Arte Ederren Museoko beharginak pozik, greba 'bizi' baten ostean
Bilboko Arte Ederren Museoa zabalik egongo da berriz bihartik, asteazkena, aurrera, langileek eta Manpower enpresak lortutako akordioari esker. Itunaren bidez, "amaiera zoriontsua" erdietsi dute eta, ziurtatu dutenez, pozik eta harro itzuliko dira lanera.
Museoaren atarian egindako prentsaurreko batean Juan Jose Capetillo ELAko ordezkari sindikalak azaldu duenaren arabera, itunak "gure eskakizunak bermatzen" ditu, besteak beste, "subrogazioak lanpostuak ziurtatuko ditu edozein dela konkurtsoa irabazten duen enpresa, 1.200 euro garbiko soldata (14 nomina urtean), modu mailakatuan aplikatuko dena, gainera, guk proposatu bezala, antzinatasuna ziurtatuta, dagokion ordainsariarekin, eta babesa lan-erreformaren aurrean".
Greba "luzea, oso bizia eta emozioz beterikoa" izan da, baieztatu du Capetillok. Bide batez, aukera aprobetxatu egin du erakundeei mezu bat helarazteko: "hiritarren bizitza ezin da merkaturatu", "azpikontratatutako lanpostu bakoitzaren atzean ia beti lan baldintza kaskarretan bizi den langile bat dago, hilabete bukaera arte heldu ezin dena".
"Erritmoa danontzat ezartzea zaila izan da, alde bakoitzak berea duelako, baina azkenean danok erritmo berean dantzatu eta nahi genuena lortu dugu, alegia, museoa berriz zabaltzea eta orain arte inork ikusi ezin izan duen erakusketaz gozatzea", gaineratu du.
"Ez da bakarrik pozik egoteko unea, gatazkaren amaieragatik, orain babesa eman digunei esker onak emateko unea da", Copetilloren hitzetan.
Azkenik, lankideei eskerrak eman dizkie ordezkari sindikalak, egindako borrokagatik eta bat egin dutelako une "zailetan"; izan ere, bat-egite horrek bihurtu ditu -bere ustean- "indar geldiezin".
Zure interesekoa izan daiteke
Oiartzunen atzo izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".