Zortzi eguneko greba deitu dute Guggenheim Bilbaoko langileek
Guggenheim Bilbao Museoko hezitzaileek eta orientatzaileek zortzi eguneko greba deialdia egin dute, abuzturako eta irailerako, lan-baldintza hobeagoak aldarrikatzeko. Abuztuaren 9rako, 11rako, 23rako, 26rako eta 30erako eta irailaren 1erako deitu dituzte lanuzteak.
Besteak beste, subrogazio klausula onartzea eskatzen diote enpresari. Guggenheim Museoak "ahoz" hartutako konpromisoa ez dela nahikoa diote langileek, eta, beraz, lanuzteak deitzea beste biderik ez dutela nabarmendu dute. Greba mugagabea deitzea ere ez dute baztertzen, euren lan-baldintzak hobetzeko konpromisorik ikusten ez badute.
Halere, negoziatzeko prest agertu dira, eta lan-baldintzak hobetzeko enpresak benetako borondatea erakutsiko balu, greba bertan behera uzteko prest agertu dira. "Betiere, subrogazio klausula onartzeko benetako konpromisoa erakusten badute eta prekarietatearekin amaitzeko neurriak hartzen badituzte", gaineratu dute.
Abuztuaren 2an, asteartea, Guggenheim Museoko langileen eta LAB sindikatuaren ordezkariek bilera bat izan zuten Manpower Group enpresaren arduradunekin. Horren ostean erabaki dute lanuzteak egingo dituztela, arduradunek, greban dauden hamazortzi langileen aldarrikapenei erantzuna ematen dieten unera arte.
Asteartean izandako bilera horretan, lan-baldintzak hobetzeko eskaerari ezin ziotela erantzunik eman azaldu zuten Manpower Group konpainiaren arduradunek. Horretarako, Bilboko museoak zerbitzuaren baldintza ekonomikoak aldatu beharko lituzketela gaineratu zuten.
Horren aurrean, museoak zein enpresak eman dieten erantzunak ez duela “lanbidearen egonkortasuna bermatzen ezta lan-baldintzak hobetzen ere” adierazi dute Bilboko Guggenheim-eko hezitzaileek eta orientatzaileek.
Greba mugagabea egingo duten hamazortzi langileek arteari buruzko elkarrizketak izaten dituzte museoaren aretoetan eta bisita gidatuak egiten dituzte, besteak beste. Hala, soldata hobeagoa izatea, kontratazioan subrogazio klausula bermatzea edota euren kategoria profesionala aitortzea eskatzen dute.
Manpower Group enpresak 2014an sinatu zuen hitzarmena Bilboko Guggenheim museoarekin, eta datorren irailaren 30era arte indarrean egongo da.
rean egongo da.Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.