Langile batek besoa galdu du Bilboko portuan izan den lan-istripuan

33 urteko langile bat larri zauritu da gaur Bilboko portuan, antza denez, makina batek azpian harrapatuta. Eusko Jaurlaritzako Segurtasun Sailak jakinarazi duenez, lan istripua 14:15ak aldera gertatu da.

Antza denez, uhal garraiatzailea batek harrapatu du eta, ondorioz, beso bat, sorbalda eta toraxaren zati bat galdu ditu, lekukoek UGT-Euskadi sindikatuak Bilboko Portuan dituen ordezkariei adierazi dietenez.

Informazio horien arabera, langileak laneguna bukatua zuen, eta bertatik alde egitera zihoala harrapatu du makinak.

Toro & Betolaza enpresako behargina da, eta mantentze-lanak egiten ditu.

Ezbeharraren tokira bertaratu diren osasun langileek zauritua egonkortu dute eta egonkortutakoan ospitalera eraman dute helikopteroz. Ertzaintzak ikerketa abiatu du istripuaren nondik norakoak argitzeko.

Bigarren lan-istripuan 24 orduan

Atzo bertan 42 urteko langile bat hil zen Mungian (Bizkaia) lan-istripuan. Ezbeharra Mungiako Técnicas Hidráulicas enpresan izan zen, eta lantegiko enpresa batzordeak 24 orduko lanuztea eta kontzentrazioa deitu ditu urriaren 17rako.