Sidenorrek 35 milioi inbertitu eta 30 lanpostu sortuko ditu Basaurin
Sidenor enpresak 35 milioi euro inbertituko ditu Basauriko (Bizkaia) lantegian, eta 25-30 lanpostu inguru sortuko ditu. Zehazki, altzairu-fabrikan, ijezketa-trenean eta totxoak berotzeko labean egingo dute inbertsioa, Jose Antonio Jainaga Sidenorreko kontseilari delegatuak azaldu duenez.
Basauriko fabrikan izan da astelehen honetan Jainaga, Unai Rementeria Bizkaiko ahaldun nagusiarekin, Imanol Padrales Garpen Ekonomikoko diputatuarekin eta Andoni Busquet Basauriko alkatearekin.
2017an zehar egingo du Sidenorrek inbertsioa, eta merkatu berria irekitzea da asmoa, Jainagaren hitzetan. Lermak murrizteaz gain, produktuaren kalitatea eta produktibitatea hobetzea da xedea, ''enpresaren etorkizunarentzat ezinbestekoa dena'', Sidenorreko buruaren arabera.
Instalazio berriak 2017ko udan jarriko dituzte martxan, abuztuan jarduera murriztu egiten dela aprobetxatuta. Jainagak azaldu duenez, ekipo berriak lanean hasten direnean 25-30 lanpostu berri sortuko dira. Litekeena da 2017ko hirugarren hiruhilekoa eta 2018ko uda bitartean izatea hori.
Tarifa elektrikoa
Bisita horretan, Unai Rementeria ahaldun nagusiak esan du siderurgiaren industriak etorkizuna duela Bizkaian, eta horren adibidea dela Siderrorek egingo duen inbertsioa.
Rementeriak azpimarratu duenez, lurraldean egon badira sektore honetan ''trakzio'' diren enpresak. Horri lotuta, deia egin die Bizkaiko industria sektore enpresei altzairua erosteko orduan euskal siderurgiarengana jo dezaten eta, ''ahal den neurrian'' Sidenorrek berak ere inguruko enpresengana jo dezan 35 milioiko inbertsio hori gauzatzeko.
Azkenik, Espainiako Gobernuari eskatu dio argindarraren tarifa murriztea.
Zure interesekoa izan daiteke
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.