ELAk alderdi politiko bat sortu beharko lukeela iradoki du Rementeriak
Unai Rementeria Bizkaiko ahaldun nagusiak sindikatuaren zereginetatik harago joatea egotzi dio ELAri, eta, sindikatua zuzenean aipatu ez badu ere, alderdi politiko bat sortu eta hauteskundeetara aurkeztu beharko lukeela iradoki du.
Rementeriak Bizkaiko erronka ekonomikoei buruzko hitzaldia eskaini du gaur Bilbon, Cebek Bizkaiko Enpresarien Konfederazioak antolatutako ekitaldi batean. Bizkaiko ahaldun nagusiak eskerrak eman dizkie enpresaburuei krisiari aurre egiteagatik eta lan erreformaz gehiegi ez baliatzeagatik. Horretarako aukera izan arren ere, ez erabiltzea aitortu die.
Ahaldun nagusiak adierazi duenez, Cebek patronalaren aldetik "zuzeneko iritzia eta leiala" jaso du, hots, enpresaburuek benetan pentsatzen dutena esan izan diotela, aurrez aurre eta mahai baten bueltan.
Bestalde, sindikatu bateko buruzagien aldetik, esan du ELA zeharka aipatuz, ez duela jarrera hori antzematen gaineratu du.
"Horren buruzagi nagusia gobernu neoliberalez, babes sozialaz, fiskalitateaz, autodeterminazioaz eta Abiadura Handiko Trenaz hitz egiten entzuten dudanean, neure buruari galdetzen diot ez ote lukeen alderdi politiko bat sortu eta hauteskundeetara aurkeztu behar", esan du. Halaber, kritikak, mahai baten inguruan egin beharrean, hedabideetan egitea leporatu dio.
Bestalde, Rementeriaren esanetan, Bizkaiko Foru Aldundiak berrikuntzako diru funtsa abiatuko du 2017an, eta hiru urtean 100 milioi euro bideratuko ditu horretara. Horrez gain, kapital alternatiborako diru funtsa sortzeko lanean ari dela azaldu du.
Zure interesekoa izan daiteke
Pirinioetako abeltzainek hartzak mugatzeko eskatu dute, abeltzaintza estentsiboarekin "bateragarriak" izan arte
Ezkarotz eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan izango dituen ondorioen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.
ZUZENEAN: Etekin Ekonomia Topaketak
Lehiaren Batzordeak espedientea ireki die Ibexeko sei bankuei, hipotekekin lehiaren kontra jardun dutelakoan
Banco Santanderrek, CaixaBankek, BBVAk, Sabadellek, Bankinterrek eta Unicajak adierazi dute hipoteken garestitzea merkatuaren egoeraren ondorio dela.
Satsek bertan behera utzi du emaginen greba Osakidetzan, profesionalen faltari buruzko negoziazioa ireki ostean
Erizainen sindikatuak ekaina eta uztaila bitartean aurreikusitako lanuzteak geldiarazi ditu, baina ohartarazi du mobilizazioei ekingo diela Euskal Osasun Zerbitzuak plantillak indartzeko neurriak zehazten ez baditu.
Medikuen Greba Batzordeak baieztatu egin du greba mugagabea abiatuko dutela irailean
Medikuen Sindikatuak azaldu duenez, erabakia "hartuta" du jada Greba Batzordeak, eta, orain, "hasiera data" zehaztea falta da.