TRWko batzordeak 22 langileren kaleratzea geldiarazteko eskatu du
TRWko enpresa batzordeak 22 langileren kaleratzea geldiarazteko eskatu dio Nafarroako Justizia Auzitegi Nagusiari, harik eta Auzitegi Gorenak lan-erregulazioko txostenaren inguruko erabakia hartu arte. Txosten hori aintzat hartuta, dagoeneko 101 langile kaleratu dituzte.
Zuzendaritzak 123 langile kaleratzeko onartutako lan-erregulazioko txostena auzibidean jartzea erabaki zuen enpresa batzordeak, alde bakarreko erabakia izan zelako eta "justifikatu gabeko arrazoiak" erabiliz egin zelako.
Nafarroako Justizia Auzitegi Nagusiak arrazoia eman zion enpresa batzordeari, eta lan-erregulazioko txostena bidegabea zela ebatzi zuen. Ondorioz, txosten horretan jasotako beste 22 langileren kaleratzea behin-behinean atzeratzea eskatu dio enpresa batzordeak Nafarroako Justizia Auzitegi Nagusiari.
Enpresa batzordeak, hala ere, helegitea aurkeztuko du Auzitegi Gorenean, lan-erregulazioko txostena osorik "baliogabetu" dezan. Horrela balitz, kaleratutako 101 langileak onartu beharko lituzke enpresak.
Batzordeak azpimarratu duenez, duela bi urte TRW enpresa erosi zuen ZF multinazionalak aurreko urteetako "kudeaketa txarrari" aurre egin eta esku hartu beharko du. Langileak, baina, lantegiaren etorkizunaren beldur dira.
TRWk 550 langile ditu gaur egun, eta, enpresa batzordearen esanetan, oraindik garaiz daude lan-erregulazioko txostena bertan behera uzteko eta kaleratuak berriz hartzeko.
Zure interesekoa izan daiteke
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.