TRWko langileek 123 kaleratze onartu dituzte
Iruñeko TRW enpresak Landabenen jarraituko du, baina 123 lanpostu gutxiagorekin. Enpresa-batzordeak gauerdian bozkatu du multinazionalaren zuzendaritzak egindako azken proposamena, eta gehiengoak baiezkoa eman dio agiri horri, Euskadi Irratiak jakitera eman duenez. Honenbestez, Landabengo lantegiaren etorkizuna bermatuta geratuko da, baina kaleratze espedientea aplikatuta.
Langileen gehiengoak eman dio babesa multinazionalaren zuzendaritzak egindako proposamenari, lau orduko eztabaidaren ondoren. 327k eman dute aldeko botoa; 223k langilek kontrakoa eta hamarrek boto zuria. Proposamena babestearekin batera bertan behera utzi dute azken egunetan hasitako greba.
Enpresa-batzordean ordezkaritza duten ELA, LAB eta CGT sindikatuek proposamenaren aurka egiteko eskatu zieten langileei; gehiengoa duten CCOO eta UGTk, proposamena “txarra” dela onartuta ere, boto askatasuna eman zieten langileei.
Multinazionaleko buruzagien azken proposamenak ezinbesteko jotzen du 123 langileren kaleratzea enpresaren etorkizuna bermatzeko; eta baita lan hitzarmenean murrizketak egitea ere. Proposamenari baietz esanagatik, langileen artean “atsekabea” nagusitu dela esan du Pedro Larrea enpresa-batzordeko kideak.
“Sentsazio garratza”
Akordioa “sentsazio garratz” batekin onartu dutela onartu du Josi Alvarez enpresa-batzordeko presidenteak. “Azkenean guztiarekin talka egiten duzu, multinazional batek eta legearekin; bidegabekeria handia da”, deitoratu du.
Aurretiko erretiroak, borondatezko irteerak eta kaleratzeak jasotzen ditu proposamenak; trukean Landabengo lantegiaren etorkizuna bermatzeko konpromisoa hartuko du zuzendaritzak.
Bestalde, negoziazio “konplexu eta zailak” izan direla onartu du zuzendaritzak, Landabengo lantegiaren “etorkizunerako egitasmo on” bat dela goraipatu du.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasaitasunez eta normaltasunez" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta bere irtenbide teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.