Aurrekontuei buruz 'akordio orokorra' lortu dute Jaurlaritzak eta PPk
Pedro Azpiazu Ogasun eta Ekonomia sailburuak baieztatu du berria: Euskal Autonomia Erkidegoko (EAE) 2017ko aurrekontuak onartzeko moduan izango da Jaurlaritza, PPrekin 'akordio orokorra' erdietsi baitu.
Agerraldia egin du eguerdian sailburuak, eta aurretik Erkoreka bozeramaileak iradokitakoa berretsi du. Azaldu duenez, oposizioko alderdiekin bigarren bilera sorta amaituta, bilera egin zuen atzo Iñigo Urkullu lehendakariarekin, eta hartu-emanetan landutakoa aztertu zuten. Kontuak onartzeko boto baten faltan zegoen EAJren eta PSE-EEren koalizio gobernua, eta gutxienez talde baten abstentzioa behar zuen aurrekontuak onartzeko.
Ingurumari horretan gogorarazi duenez, Alderdi Popularra hasietatik azaldu da aurrekontuak babesteko prest, eta jarrera hori eduki izana "eskertu" du Azpiazuk. Atzo arratsaldean eurekin adostutako "esparru orokorra" abiapuntu hartuta, diru partidak, 25 milioi euro inguru, "zehazteko" lan "teknikoa" dute orain bi aldeek. Azpiazuren ustez, aurki itxiko dute behin betiko akordioa, "eroso antzera".
Negoziazio honek Espainiako aurrekontuen inguruko elkarrizketekin zerikusirik ez duela azpimarratu du Azpiazuk, kazetariek egindako galderei erantzunez. Izan ere atzo Maddalen Iriartek egindako adierazpenen inguruan itaundu diote. EH Bilduko bozeramailearen ustez, Madrilen "negoziazio mahai paraleloa" izan da. Halakorik egon izana ukatu du sailburuak, bi negoziazioak "independenteak" baitira.
EH Bildurekin, kritiko
Oposizioaren gainerako alderdiez ere mintzatu da Azpiazu sailburua. EH Bilduri egotzi dio "proposamen zehatz bakar bat ere ez" egitea eta Jaurlaritzarekin akordioa lortzeko aukerari "muzin" egitea. Salatu duenez, hedabideen bitartez jaso dute koalizioaren eskakizunen berri.
Elkarrekin Podemosen baldintzak ere ahotan hartu ditu sailburuak: "Jaurlaritzak ezin ditu onartu".
Alonso: "Elkartze bat behar da populismoaren mehatxuari aurre egiteko"
Euskadiko PPren presidentearen, Alfonso Alonsoren, ustez, akordiora iristeko izan den disposizioa politika nazionalera eraman daiteke, Espainian "alderdi moderatuagoak diren eta ikuspegi instituzionala duten alderdien elkartze bat behar delako populismoaren mehatxuari aurre egiteko".
"Jaurlaritzak PPrekin esklusiban egindako negoziazioa dela onartzen du, beraz, beste aukerak baztertu egingo dira", esan du Alonsok. Argitu duenez, "goiz" da Aurrekontuen edukiari buruzko akordio batez hitz egiteko, horretarako negoziazioa egiteko beharrezko bilerak egiteko zain gaude. Orduan izango da "aurrekontuaren partiden alorrera eta beste gaietara jaisteko garaia".
Alonsok azaldu duen arabera, akordio honekin Euskadiko politikaren egungo egoera beste egoera "pragmatiko, errealista eta moderatu" baterantz PP "balantza mugitu, erabakigarriak izan eta erabilgarriak izan" daitekeela espero du. Horretarako, "oso ezberdinak" diren, baina "bokazio instituzionalari dagokionez hainbat ezaugarri" partekatzen dituzten alderdi politikoen, PNV, PSE eta PPren, arteko akordioa lortuz.
Zentzu horretan, PP "egonkortasun eta moderazioaren" alde lan egingo delako "garantia" dela esan du. Azpimarratu duenez, "hazte ekonomikoa eta Ongizateko Estatuaren zaintza arriskuan jartzen dituzten politika erradikalak eta populistak geldiarazteko balazta" izango dira. "Akordioa egiteko prest gaude", gaineratu du.
Albiste gehiago ekonomia
Lau hilabete bete ditu Gasteizko lorezainen grebak, negoziazioan aurrerapausorik gabe
Zerbitzuko langileek manifestazioa egingo dute berriro astelehen honetan, elkarrizketarik eza salatzeko eta hitzarmen propioa eskatzeko.
Labrazako parke eolikoak onura publikoaren izendapena jaso du
Iberdrolaren arabera, izapide horrek proiektuaren interes orokorra aitortzen du eta parke eolikoa gauzatzeko behar diren prozedurak azkartzea eragingo du. Aurretiazko administrazio baimenak eskuratu ostean, Aixeindar sozietateak dagoeneko eskatua dio obra lizentzia Oiongo Udalari.
Renfek tren zerbitzua etengo du gaurtik aurrera Gipuzkoako zati batean, AHTaren lanengatik
Abuztuaren 3ra bitartean Andoain eta Irun arteko tren-zirkulazioa etengo da, abuztuaren 4tik irailaren 7ra bitartean, Hernani eta Irun arteko tartea da moztuko dena, eta, azkenik, irailaren 8tik 21era bitartean Pasaia eta Irun arteko zatian izango du eragina. Renfek 8.000 autobus baino gehiago programatuko ditu lanek irauten duten bitartean zerbitzua bermatzeko.
Sabadellek 975 milioiko irabaziak lortu ditu urteko lehen seihilekoan, iaz % 23 gehiago
BBVAk bankua erosteko operazioari buruz, Cesar Gonzalez-Bueno Sabadelleko kontseilari delegatuak adierazi du BBVAk bi aukera baino ez dituela hemendik aurrera: "eskaintza hobetzea edo atzera egitea".
EBZk % 2an mantendu ditu interes-tasak, aurreikuspenak beteta
Christine Lagardek ohartarazi du merkataritza-tentsioek eta horiei lotutako ziurgabetasunek euroguneko jarduerari dakarkion arriskuaz, eta horiek azkar konpontzeak eurogunerako pizgarri izan daitekeela ziurtatu du.
Estatuak 75 milioi bideratuko ditu Talgon, eta % 7,8ko partaidetzarekin egingo da, SEPIren bitartez
Kapitala indartzeak bidea erraztuko du Jainaga buru duen konpainiak Talgoren % 29,77 eskuratzeko. Hala, Sidenor izango litzateke akziodun nagusia.
Mikel Irujo, Nafarroako Industria kontseilaria: "BSHrekiko interesa erakutsi duten sei enpresa daude"
Euskadi Irratian egindako elkarrizketa batean, Mikel Irujo Industria kontseilariak baieztatu du BSH enpresaren egoera aztertu nahi duten sei enpresa daudela. Halaber, ziurtatu du informazio guztia langileen batzordeari helaraziko zaiola.
Langabezia-tasa % 7,13ra jaitsi da EAEn eta % 7,88ra igo da Nafarroan, bigarren hiruhilekoan
Biztanleria Aktiboaren Inkestaren arabera, guztira 76.400 pertsona daude lanik gabe EAEn, eta 27.200, Nafarroan.
Repsolek 603 milioi irabazi ditu ekainera arte, %63 gutxiago, testuinguru ekonomikoa eta itzalaldia tarteko
Joan den apirilaren 28ko itzalaldiarekin lotutako erantzukizunak ofizialki zehazten direnean legezko ekintzak abiaraztea ebaluatzen du konpainiak.
Hauek dira CAFen datuak: 22.000 langile mundu osoan
2024an 103 milioi euroko irabaziak izan zituen, eta eskaera-zorroa 14.695 milioi eurokoa zen. Gaur egun, Marokon, Suedian eta Erresuma Batuan ditu proiektu nagusiak.