CELeko langileek Bilbon protestatu dute, inbertitzaileak heldu bitartean
CEL taldeko langileek protesta bilkura egin dute Bizkaiko Foru Aldundiak Bilbon duen egoitza nagusiaren aurrean; izan ere, Aldundiari inplikazioa eskatzen diote bai industria jarduerari eusteko, bai enpresako zuzendaritzak aurkeztu duen Enplegu Erregulazio Espedienteak barne hartzen dituen hiru lantegietako 230 langileen lanpostuei eusteko.
'Grupo CEL ez itxi. Diputazioa inplikazioa' leloa zeukan pankartaren atzean, ehun bat langilek ordubeteko elkarretaratzea egin dute Aldundiaren jauregiaren aurrean, senideak eta Javier Portillo Zallako alkatea lagun zituztela.
Langileen ordezkariak balizko inbertitzaileekin hitz egiteko eskatu dio Aldundiari, akordioren bat lortzen saiatzeko. "Ez dagokigu guri zehaztea akordio horren nondik norakoak zehaztea, baina langileen batzordetik ezin baztertuzko aukera da lanpostu guztiei eustea", ohartarazi du.
Ildo beretik, interesa agertu duen inbertitzaile talde bakarrarekin "hitz egiten" ari direla baieztatu du, baina "oraindik ez dago ezer garbi", horren esanetan. Alabaina, elkarretaratzean parte hartu duen Jon Sagardui langilearen esanetan, langileak aukera horren aurrean itxaropentsu daude. "Duela urtebete etorri ziren lantegiak ikustera, eta uste dugu hortik zerbait ona aterako dela", adierazi du.
Mobilizazioak
Alabaina, langileek mobilizazioekin jarraitzeko asmoa dute. Horrenbestez, abuztuaren 16an eta 25ean berriro bilduko dira Bizkaiko Foru Aldundiaren jauregiaren aurrean. Halaber, protestak egingo dituzte Bilboko Aste Nagusian, abuztuaren 19an (larunbata), Arriaga inguruan, eta abuztuaren 25ean (ostirala), txosnen gunean.
Protestak irailaren 17an izango du jarraipena, Zallako udaletxetik abiatu eta Enkarterritik zehar ibiliko den manifestazio batekin.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.