Euskal ogasunek 14.367 milioi bilduko dituzte aurten, % 5 gehiago
Euskal ogasunek 14.367 milioi euro bilduko dituzte aurten, aurreikusitakoa baino 269 milioi gehiago (% 4,7) —BEZaren doikuntzaren dirua kontuan hartuta—. Araba, Gipuzkoa eta Bizkaiko Foru Aldundiek eta Eusko Jaurlaritzak aurtengoaren antzeko diru kopurua biltzea espero dute 2018an.
Diru-bilketaren aurreikuspenak zehaztea helburu, Eusko Jaurlaritza, Araba, Gipuzkoa eta Bizkaiko Foru Aldundiak eta EAEko Udalak Finantza Publikoen Euskal Kontseiluan bildu dira gaur, asteazkenarekin, Gasteizen.
Finantza Publikoen Euskal Kontseiluan hainbat akordio lortu dituzte, besteak beste, 2018an Ekarpen Lege berria adostea. Dena den, Pedro Azpiazu Eusko Jaurlaritzako Ogasun eta Ekonomia sailburuak eta Araba, Gipuzkoa eta Bizkaiko ahaldun nagusiek ziurtatu dutenez, gaurko bileran ez dute zerga erreformaren gaia jorratu.
Eusko Jaurlaritzak eta hiru foru aldundiek aurten zergetan bilduko duten diru kopurua zehaztu dute. Iragarri dutenez, guztira 14.367 milioi euro bilduko dituzte, aurtengo Euskal Autonomia Erkidegoko Aurrekontuetan aurreikusitakoa baino 869 milioi euro gehiago eta inoizko kopururik handiena.
Hala eta guztiz ere, 869 milioi euro horietatik 600 milioi BEZaren inguruan aurten egindako doikuntzei dagozkie. Azpiazu sailburuaren esanetan, hori gabe % 4,7 igoko zen diru bilketa, aurreikusitakoarekin alderatuta.
Lurraldez lurralde, Bizkaian 7.144 milioi euro bilduko dituzte zergatan; Gipuzkoan, 4.449 milioi eta Araban, 2.174 milioi. Bilketaren zatirik handiena BEZari (5.943 milioi euro) eta Pertsona Fisikoen Errentaren gaineko Zergari (5.000 milioi baino gehiago) dagokie. Sozietateen gaineko Zergari lotutako kopuruari dagokionez, 1.142 milioi eurokoa izan da.
Erreforma fiskalaren negoziazioak aurrera jarraitzen du
Gai-zerrendan, baina, ez zegoen zerga-erreforma; EAJk eta PSE-EEk negoziatzen jarraitzen dute, baina gero eta zailagoa dirudi elkarrizketa horren ondorioz sozietate-zergan jaitsiera izatea.
Zerga-erreformari dagokionez, ez dirudi EAJ eta PSE-EEren arteko ituna gertu dagoenik. Bi aldeek negoziatzen jarraitzen dute, baina baliteke EAEko enpresei % 28ko tasa edo tipo nominala aplikatzen jarraitzea. Unai Rementeria Bizkaiko ahaldun nagusiak gogorarazi duenez, jeltzaleek proposatu dute 3 edo 4 puntu jaistea sozietate-zerga, baina sozialistek ez dute onartu, eta, ondorioz, akordioa, gauzatuz gero, beste neurri batzuen bidez heldu beharko litzateke. Josu Erkoreka Eusko Jaurlaritzaren bozeramaileak astearte honetan emandako prentsaurrekoan, ez zuen ezkutatu desadostasun hori, baina nabarmendu zuen "amaierara arte" egingo dutela ituna erdiesteko ahalegina.
Albiste gehiago ekonomia
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.