Siemens Gamesako langileek lan-erregulazioko txostena erretiratzea eskatu dute
Siemens Gamesako langileek lanuzteak eta bilkurak egin dituzte gaur enpresak Hego Euskal Herrian dituen lantegietan, multinazionalak egin nahi dituen kaleratzeen aurka. Zehazki, 155 langile kaleratuko ditu Hego Euskal Herriko hainbat lantokitan: 107 Nafarroan (92 Sarrigurenen, 11 Orkoienen eta 4 Agustinosen) eta 48 Zamudion. Langileek lan-erregulazioko txostena erretiratzea eskatu diote zuzendaritzari.
Atzo, astelehena, langileek batzarrak egin zituzten eta mobilizazio egutegia adostu zuten, konpainiak langileak kaleratzeko asmoz aurkeztu duen lan-erregulazioko txostenaren aurka. Lehen mobilizazioa gaur izan da, 14:00etan, Siemens Gamesak dituen lantegien atarietan.
Langileek lan-erregulazioko txostena berehala erretiratzea eskatu dute eta helburu hori lortu arte mobilizazioak eta protestak egingo dituztela iragarri dute. "Espedienterik eta gatazkarik gabeko agertoki batean, enpresak planteatu ditzakeen arazoei aurre egiteko konponbide ez traumatikoak bilatzeko prest gaude", gaineratu dute.
Kaleratze bakar bat ere ez dutela onartuko ziurtatu ostean, langile guztientzako lana bermatzea eskatu dute.
Duela egun batzuk, Siemens Gamesak iragarri zuen lan-erregulazioko txostena jarriko duela martxan, Espainia osoan 2017ko urritik 2018ko irailera bitartean 272 langile kaleratzeko eta beste 67, 2020ra bitartean.
Kaleratzeek Nafarroan izango dute eragin handiena. Siemens Gamesak 92 langile kaleratuko ditu Sarrigurengo lantegitik, 11 Orkoiengotik eta 4 Agustinosekotik. Halaber, Zamudioko zentroan beste 48 langile kanporatuko ditu.
Siemens Gamesak datozen hiru urteetan mundu osoko 6.000 langile kaleratzeko asmoa agertu zuen hilabete honen hasieran, "egitura biziagoa, lehiakorragoa eta kostu txikiagoak" lortzeko helburuarekin.
Zure interesekoa izan daiteke
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELA, LAB eta ESK sindikatuek, grebarekin jarraitzearen aldekoek, bozketa zilegi den zalantzan jarri dute.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.