Lan baldintzen prekarietateak jarraitzen duela kritikatu dute sindikatuek
Nahiz eta langabeziak 2017an behera egin, Hego Euskal Herrian lan baldintzen prekarietateak jarraitzen duela kritikatu dute gaur sindikatuek agirietan.
12.939 langabe gutxiago zenbatu dituzte 2017. urte amaieran, Hego Euskal Herrian, Espainiako Lan eta Gizarte Segurantza Ministerioak emandako datuen arabera. Guztira, 163.279 pertsona zeuden lanik gabe abendua amaieran.
Langabeziaren beherakada handiagoa izan da Nafarroan (% 10,77) Euskal Autonomia Erkidegoan (% 6,33) baino. Zehatz-mehatz esanda, 4.313 langabe gutxiago zenbatu dituzte Nafarroan eta 8.626 gutxiago, berriz, Euskal Autonomia Erkidegoan (EAE). Guztira, 35.732 langabe daude Nafarroan eta 127.547 EAEn.
10 kontratutik 9 aldi baterako direla nabarmendu du ELAk, eta horietatik erdia baino gehiagok hilabete bat baino gutxiagoko iraupena izan dute. “Prekarietateak gora egiten jarraitzen du”, eta gainera, langabeen egoera “gero eta okerragoa” da; izan ere, diru-laguntzaren bat % 22k bakarrik jasotzen dute, sindikatu abertzaleak salatu duenez.
Lanaldi partzialen gorakadak “etenik ez” eta kontratuen iraupena “oso laburra” izaten jarraitzen duela adierazi du LABek. Sindikatuaren hitzetan, “enplegu berririk ia ez da sortzen” eta oraindik 2008an baino 137.000 lanpostu gutxiago daude Euskadin eta Nafarroan.
Langabeziaren beherakada “behin-behinekotasunari eta aldi baterako kontratuei esker” lortu dela gogorarazi du Maribel Ballesteros UGT-Euskadiko Sindikatu Politika idazkariak. Langabezia 8.626 pertsonatan bakarrik jaisteko EAEn ia milioi bat kontratu egin direla azpimarratu du Ballesterosek.
Bestalde, langabeziaren beherakada abenduan “estatistikentzat arnasbide bat izan da, baina ez familien ekonomiarentzat” behin-behinekotasunagatik, LSB-USOk kritikatu duenez.
Beatriz Artolazabal Eusko Jaurlaritzako Enplegu sailburuak adierazi duenez, 2017ko langabezia datua "ona" da, baina oraindik ere "lan handia dago egiteko" lanpostu gehiago sortzeko eta horien kalitatea hobetzeko.
Zure interesekoa izan daiteke
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.