Emakumeek eta aldarrikapen feministek hartu dute kalea
Berdintasun eza eta indarkeria matxistak agerian uzteko une historikoari heldu diete emakumeek gaur, martxoaren 8an, Emakumeen Nazioarteko Egunean. Biztanleriaren erdia baino gehiago dira, eta gaur Euskal Herriko historian lehen greba feministarekin bat egin dute. Emakumeen eskubideen, berdintasunaren eta justiziaren aldeko nazioarteko lanuztea da, eta mundu osoko 70 herrialde baino gehiagok babestu dute. (Argitu hemen greba feministari buruzko zalantza guztiak)
Hala, milaka emakumek Bilboko kaleak hartu dituzte eguerdian aldarrikapen giroan, eta mugimendu feminista bera ere harritu duen erantzuna jasotzen ari da deialdia.
Bizkaiko hiriburuan hainbat lekutan egin dituzte elkarretaratzeak, baina gehienek bat egin dute Moyuan eguerdian.
Lehenago, beste elkarretaratze handi batzuk ere izan dira Unamuno plazan, Zazpikaleetan eta Arriagan, eta handik Kale Nagusia hartu eta Moyuara joan dira.
Bertan, milaka eta milaka pertsona lurrean eseri dira jai giroan aldarrikapenak oihukatzen eta jai giroan. Nonahi ikus zitezkeen jantzi beltzak eta kolore moreko osagarriak.
Mugimendu feministak berak aitortu du espero baino erantzun handiagoa jaso dutela, eta gogorarazi dute protestak aurrera jarraitzen duela arratsaldean, eta kontsumo greba ere badela (Bilbo erdigunean hainbat denda itxi dituzte).
Donostian ere asko izan dira kalera atera diren emakumeak, eta, besteak beste, Boulevarden elkarretaratzea egin dute mugimendu feministak deituta eta kalean manifestazioa ere egin dute.
Donostia. Argazkia: Efe
Baionak ere bat egin du mobilizazio feministarekin, eta emakumeak kalera atera dira berdintasunaren alde aldarri egitera.
Gasteizen oso goiztiar hasi dira protestak, eta Ertzaintzak hiru emakume identifikatu ditu goizeko zortziak baino lehenago pankartak jartzen ari zirenean.
Gasteiz. Argazkia: Efe
Bestalde, dozenaka lagun elkartu dira Nafarroako Parlamentuaren atarian Emakumeen Nazioarteko Eguna aldarrikatzeko. Elkarretaratzea 11:00etan izan da, Gobernuaren kontrolerako saioaren ostean, eta bertan izan dira talde parlamentario guztietako ordezkariak.
Elkarretaratzea Nafarroako Parlamentuaren atarian. Argazkia: Efe
Eusko Legebiltzarrean ere izan du isla greba feministak, EH Bilduko, Elkarrekin Podemoseko eta PSE-EEko 23 emakumezko legebiltzarkideen lekuak hutsik egon baitira.
EAJko eta PPko legebiltzarkideek soilik parte hartu dute Bakartxo Tejeria (EAJ) buru zuen saioan. EAJko legebiltzarkideek 15 minutuko elkarretaratzea egin dute eguerdian.
Eusko Legebiltzarra. Argazkia: Efe
Lanuzteak
Greba deialdia ez da unitarioa, ondorioz, lanuzte ezberdinak deitu dituzte martxoaren 8rako. Hego Euskal Herrian, Euskal Herriko Mugimendu Feministak eta ELA, LAB, Steilas, ESKA, Hiru eta EHNE sindikatuek, besteak beste, txanda bakoitzean lau orduko lanuzteak deitu dituzte. Konkretuki, 11:00etatik 15:00etara eta 18:00etatik 22:00etara.
Bestalde, UGTk eta CCOOk bi orduko lanuzteak planteatu dituzte: 11:30etik 13:30era eta 16:00etatik 18:00etara. CGT eta CNT sindikatuek, ostera, egun osoko greba egitea eskatu dute.
Greba lau esparrutan deitu dute, lanean, hezkuntzan, zaintzan eta kontsumoan. Horrela, “emakumeak geldituko balira mundua geldituko” litzatekeela demostratu nahi dute.
Mobilizazioak
Honenbestez, ez da greba klasikoa. Lanuzteak herri eta hirietan diseinatutako ekintzekin lagunduko dituzte.
Euskal Herri osoan mobilizazio ugari aurreikusi dituzte. 12:00etatik eserialdiak egiten ari dira eta 20:00etan manifestazioak egingo dituzte hiriburuetan.
Gainera, beltza nagusitu da emakumen janzkeran, horretarako deia baitzegoen, eta besoko more bat jartzea ere eskatu dute; baita etxeko balkoian amantala jarri ere, zaintza lanen ikur bezala.
Zer ekarpen egin ditzakete gizonek?
Gizonei ezin zaie legez debekatu greba egitea, baina mugimendu feministek lanuzteekin bat ez egitea eskatu diete. Izan ere, sektore feminizatuenak azaleratzea eta emakumeek ekonomian duten pisua erakustea da helburua.
Gainera, gizonek emakumeek egin ohi dituzten lanak egitea da beste helburu bat, emakumeen desberdintasunak eta prekarietatea ezagutu ditzaten.
Batik bat, kontuan hartu behar da greba emakumeena izango dela. Dena dela, badaude moduak gizonek ekarpenak egiteko greba arrakastatsua izan dadin.
CONTENIDO NO ENCONTRADO
Zure interesekoa izan daiteke
Erakundeek kezka azaldu dute Tubos Reunidosen egoerarekin eta etorkizuneko proiektua galdegin
Besteak beste, Mikel Jauregi eta Mikel Torres sailburuak, Jaurlaritzaren izenean; Ramiro Gonzalez Arabako ahaldun nagusiak, Ainara Basurko Bizkaiko Sustapen Ekonomikorako foru diputatuak eta Amurrioko alkateak erantzun diote zuzendaritzaren proposamenari.
Sindikatuentzat "kolpe gogorra" izan da Tubos Reunidosen LEE-a eta grebaren jarraipen "erabatekoa" azpimarratu dute
Enpresa Batzordeko presidente Andres Garciaren iritziz, "itxiera itxura duen espedientea" proposatu diete. Astearte honetan langileen batzarra egingo dutela iragarri du, hurrengo egunei begira "hartu beharreko erabakiei" buruz hitz egiteko.
Mikel Jauregi sailburuak inbertsio publiko-pribatuaren alde egin du Tubos Reunidosen iraupena bermatzeko
Enpresak daukan zorrarekin kezkatuta agertu da Industria, Trantsizio Energetiko eta Jasangarritasuneko sailburua. Halaber, azpimarratu du enpresaren iraupena bermatu ahal izateko zorra berregituratu egin behar dela.
Sindikatu nagusiek bertan behera utzi dute biharko deitutako tren greba
Deialdiak enpresa publiko eta pribatuetako 34.000 langileri eragiten zien, eta bertan behera geratu da, elkarrizketan zer aurrerapauso emango den zain.
Tubos Reunidosek Amurrioko eta Trapagaraneko lantegietako 301 langile kaleratzea proposatu du
Enpresak bideragarritasun-plan bat aurkeztu dio enpresa-batzordeari, tartean Amurrioko altzairugintzaren jarduera etetea, langileen irteerak eta zorra berregituratzea barne, industria-proiektuaren jarraipena bermatzeko.
Makinisten grebaren jarraipena % 100ekoa izaten ari da, sindikatu profesionalaren arabera
Zenbait zerbitzu bertan behera utzi dira eta atzerapenak ere izan dira. Renfek dioenaren arabera, greba egiten ari diren langileen kopurua ez da % 12ra heldu.
Tubos Reunidosek 71,3 milioi euroko galerekin itxi du 2025eko ekitaldia, behin betiko emaitzen zain
Negozio-zifrak % 13 egin zuen gora, baina batez besteko salmenta-prezio txikiaren ondorioz, konpainiaren zorra 263,2 milioi eurora igo da. Amurrion (Araba) eta Trapagaranen (Bizkaia) lantegiak dituen enpresak ohar baten bidez adierazi duenez, AEBko jardueraren beherakadak eragindako kaltea zenbatzea falta zaie.
Makinistek greba abiatu dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan, Bilboko eta Donostiako aldirietako bost lineetan, trenbide sektoreko sindikatuek otsailaren 9an, 10ean eta 11n deitutako hiru greba egunetarako.
Amurrioko Tubos Reunidoseko langileek 24 orduko lanuztea hasi dute, enplegu-erregulazio prozesuari aurre egiteko
Igandeko 22:00etan hasi da lanuztea. Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die. UGT beldur da kaleratzeak 130 baino gehiago izango ote diren.
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.