Irakasleen % 75ek egin dute greba sindikatuen arabera; % 42,9k Jaurlaritzaren ustez
Gehiengo sindikalak (ELA, LAB eta Steilas) deituta, lehendabiziko greba eguna egin dute gaur Euskal Autonomia Erkidegoko (EAE) hezkuntza publiko ez unibertsitarioan. Bigarren lanuztea bihar izango da. CCOO eta UGT sindikatuek, ostera, ez dute bat egin deialdiarekin.
Aurreko deialdietan ez bezala, oraingoan ez dago batasunik hiru sindikatuon artean, LABek Heziketa Berezian, Sukalde eta Garbiketa eta Haurreskolen Partzuergoan deitutako grebak bertan behera utzi baitzituen martxoaren 2an.
Hiru sindikatuek grebara deitu dituzte EAEko hezkuntza publikoko 26.000 irakasleak, baina ELAk eta Steilasek deituta egingo dute greba Heziketa Berezian, Sukalde eta Garbiketan eta Haurreskolen Partzuergoan.
Ikastetxeen % 94 zenbatuta, Eusko Jaurlaritzak esan du grebaren jarraipena % 42,9koa izan dela irakasleen artean, % 24,5ekoa Hezkuntza Berezian, % 17,1ekoa sukalde eta garbiketa sektorean eta % 15,6koa Haurreskoletan (kasu honetan haurreskola guztietako datuak bildu dituzte).
Sindikatuek, berriz, zifra handiagoak eman dituzte, sektorearen arabera deialdiak jarraipen ezberdina izan duela aitortu badute ere.
Sindikatuen esanetan, irakasleen % 75ek egin dute lanuztea, eta grebaren jarraipena % 60koa izan Hezkuntza Berezian, % 65ekoa sukalde eta garbiketan eta % 30ekoa Haurreskolan.
LAB sindikatuak Sukalde eta Garbiketako eta Haurreskoletako Mahaian akordioa ahalbidetu duen "borrokaren balioa" nabarmendu du. Hori dela eta, irakasleen gatazkan ere "erantzukizun" berarekin jardungo duela iragarri du. "Hezkuntza Sailari dei egiten diogu Irakasleen Mahaira eduki berriak aurkeztu ditzan", gaineratu du.
ELA sindikatuak esan du, langileen jarraipena ikusita, greba eta mobilizazioaren bideari eutsiko diola, baldin eta Eusko Jaurlaritzak "sektorearen aldarrikapenei erantzuten ez badie".
(Hezkuntza Publikoko langileek Gasteizen egindako manifestazioa. Argazkia: EFE)
Bi greba egunei begira, manifestazio bakarra deitu dute ELAk, LABek eta Steilasek. Eusko Legebiltzarretik Eusko Jaurlaritzaren egoitzara arteko bidea egin dute eguerdian. Milaka langile batu dira mobilizazioan.
Manifestazioa hasi aurretik, Ana Peraz Steilas sindikatuko ordezkaria pozik agertu da beharginek emandako erantzunarekin, baina aitortu du LABek sektore batzuetan greba egiteari uko egin izanak eragina izan duela, hala nola, haurreskoletan, gehiengoa baitu han.
Nolanahi ere, sindikatuek uste dute lanuzteak jarraipen zabala izan duela eta Eusko Jaurlaritzari "mezu zuzena" igorri diotela, "edukiz betetako proposamenak egin ditzala" exijituz.
(Jendetza bildu da Gasteizen egindako mobilizazioan. Argazkia: EFE)
Zure interesekoa izan daiteke
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.