Europar Batasuneko metalari ezarri beharreko muga-zergak atzeratu ditu AEBk
Europar Batasuneko (EB) herrialde, Mexiko eta Kanadaren aluminio eta altzairu inportazioei ezarri beharreko muga-zergak hilabete bat atzeratu ditu Ameriketako Estatu Batuetako Gobernuak, Etxe Zuriak jakitera eman duenez. Bestalde, Argentina, Brasil eta Australia behin betiko libratu dira.
Donald Trump AEBko presidenteak martxoaren amaieran % 10eko eta % 25eko muga-zergak ezarri zizkien aluminioari eta altzairuari, hurrenez hurren, baina gaur gauerdira arte atzeratu zuen neurriaren aplikazioa, merkataritza akordio paraleloen negoziazioari aukera emateko.
Era berean, Hego Korea aldi baterako libratu zuen AEBko Exekutiboak. Gainera, Washington eta Seul behin betiko akordio batera heldu dira jadanik; ondorioz, Hego Koreak ez du muga-zergarik ordaindu beharko.
Hasierako epea agortzear denez, gauerdian, hain zuzen ere, Mexiko, Kanada eta Europar Batasunari beste 30 eguneko “azken” luzapen bat ematea erabaki du Trumpek; oraindik akordiorik lortu ez duten herrialdeak.
Hego Korearekin akordioa “behin betikoa” dela iragarri du AEBko Gobernuak, eta Argentina, Brasil eta Australiarekin adostutako itunak “aurreakordioak” direla zehaztu du Washingtonek; horien berri laster emango du.
Bestalde, Ameriketako Estatu Batuetako Gobernuak hartutako erabakia “gogoan hartu” duela adierazi du Europako Batzordeak, baina Europar Batasunak “mehatxupean negoziatuko ez” duela ohartarazi du.
“AEBen erabakiak merkatuak kolokan jarri ditu, eta enpresen erabakietan eragiten ari da dagoeneko”, kritikatu du EBko Exekutiboak agiri batean.
Europako Batzordearen hitzetan, testuinguru honetan zerga-salbuespena “erabatekoa eta iraunkorra” izan beharko litzateke, AEBko Administrazioak aplikatu nahi dituen neurriak “ezin direlako nortasun nazionalarekin justifikatu”.
“Aluminio eta altzairu sektoreen gehiegizko gaitasuna ez da EBean sortzen”, gogorarazi du Batzordeak. “Alderantziz, azken hilabeteetan AEBekin eta beste bazkideekin konponbide bate bilatzeko konpromisoa hartu du EBk”, erantsi du.
Zure interesekoa izan daiteke
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.