Bizkaiko, Arabako eta Nafarroako taxilariek greba luzatuko dute; Gipuzkoakoek ez
Bizkaiko, Arabako eta Nafarroako taxilariek lanuzteekin jarraituko dute asteazken honetan, eta beste hirietako lankideen mobilizazioekin bat egingo dute. Gipuzkoan berriz lanera bueltatzea erabaki dute.
Iñaki Pardo Taxien Euskal Federazioko diruzainak azaldu duenez, Uber eta Cabify bezalako gidariak dituzten ibilgailuen baimena mugatzeko greban jarraituko dute Bizkaiko taxilariek. Hala, beste hirietako lankideei elkartasuna eta babesa adierazi nahi diete, 30 taxiko VTC baimen bat aurreikusten duen legea onartu ostean.
Gauzak horrela, Bizkaiko 200 bat taxilariak Loiuko aireportu inguruan bilduko dira goizean. Jarraian, Leioako etorbidea hartuko dute Getxoko noranzkoan, eta Bilbo erdiguneraino joango dira protesta egiteko.
Bilbora iristean, Euskalduna zubitik igo eta Kale Nagusitik Moyua Plazaraino iritsiko dira. Ondoren, Kale Nagusira bueltatuko dira eta San Mames inguruan 20 minutuko protesta egingo dute. Azkenik, Leioako etorbidea hartuko dute, Loiuko aireportura bueltatzeko. Taxilariek Sustapen Ministerioarekin egingo duten bileraren ostean hartzen dituzten erabakien zain egongo dira bertan.
Pardok jakinarazi duenez, ospitaletara joan-etorriak egiteko eta premiazko beste kasu jakin batzuetan zerbitzu minimoak mantentzea onartu dute Bizkaiko taxilariek asteartean egin duten bileran.
Jose Luis Abalos Sustapen ministroak iragarri duenez, asteazken honetan Espainiako Garraioen ezohiko Batzarra egingo dute, mugikortasun arloan zerbitzuen eskaintza handitu eta lehiakortasuna eta koordinazioa hobetzeko asmoz.
Euskal Federazioko diruzainak azaldu duenez, alokairuko ibilgailu txoferdun (VTC) baimenak emateko eskumenak Autonomia Erkidegoei transferitzea espero dute euskal taxilariek. Ildo horretatik, joan den astelehenean Sustapen Ministroak taxi-gidariekin izan zuen bileran lortutako akordioak plazaratzea eskatu du Pardok.
Taxien Euskal Federazioaren iritziz, Euskadin 30 taxiko VTC baimen bat aurreikusten duen legea onartuz gero, “sektorea arriskuan” jarriko litzateke, Uber edo Cabify bezalako enpresek eskaintzen dituzten zerbitzuek “konpetentzia desleiala” suposatzen dutela arrazoituta.
Borja Musons Taxien Euskal Federazioko presidentak azaldu duenez, orain arte egindako lanuzteek jarraipen zabala izan dute EAEn, ia erabatekoa.
Musonsek salatu duenez, astelehen gauean, 25 bat taxik doan eraman behar izan zituzten Loiuko aireportura heldutako azken hegaldietako bidaiariak, autobusik ez zegoelako.
Espainiako Gobernuaren keinu baten zain
Espainiar Estatuan, mobilizatuta jarraitzen dute Sustapen Ministerioaren aurrean, Gobernuaren “keinu berri” baten zain, Taxilarien Federazio Profesionaleko presidenteorde Jesus Fernandezek eta Fedetaxiko presidente Miguel Angel Lealek esan dutenez.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.