Etxebizitza Eskubidearen aldeko Legeak familiei eta gazteei lagunduko die
Etxebizitza eskubide subjektiboaren aldeko foru Legeak gazteei emantzipatzeko eta adin txikikoak dituzten familiak (errenta mugarik gabe) laguntzeko prestazioak bermatuko ditu hilero.
Miguel Laparra Nafarroako Gobernuko Giza Eskubideen presidenteordeak astearte honetan eman ditu ezagutzera lege-proiektuaren nondik norakoak, Geroa Bai, EH Bildu, Podemos eta I-E alderdiek proiektua babestu ostean.
Nafarroa etxebizitza duin eta egokia legez izateko "eskubide subjektiboa" jasotzen duen erkidego apurretakoa da, oinarrizko eskubide maila ezartzen baitio.
Eskariari aurre egiteko moduko etxebizitza publiko kopuru nahikoa ez dagoenez, legeak bermatutako prestazio subsidiarioa jasoko du.
Laguntza horrek, lehenik, "EmanZipa" izeneko programa izango du; 23 eta 30 urte arteko gazteei zuzendutako prestazioak gehienez hiru urteko iraupena izango du eta ez dauka zertan jarraitua izan behar.
Laguntza hori etxebizitzaren hileko alokairuaren errentaren % 50ekoa izango da; nolanahi ere, gehienez, 250 eurokoa izango da eta etxebizitzaren errentak ez ditu hileroko 650 euroak gaindituko. Laguntza hori jasotzeko gazteen diru-sarrerak 20.000 euro azpitik egon beharko dira, eta 30.000 eurotik behera, bi lagun edo gehiago bizi diren etxeen kasuetan.
Laguntza hiruhilean behin ordainduko dute bankuko agiria aurkeztu ostean. Laguntza, gainera, urtero berrituko da baldintzak betetzen dituztenen artean.
Bigarrenik, "DaVId" izeneko programa etxean bizi direnen diru-sarrera zehatz bat duten familiei egokituko zaie. Laguntza hori errentaren araberakoa izango da eta hilean 300, 250 edo 200 eurokoa izango da, baina inoiz alokairuaren prezioaren % 50 baino gehiagokoa.
Laguntza jaso ahal izateko eskatzaileek babes ofizialeko etxebizitzaren erroldan gutxienez urtebeteko antzinatasuna izan beharko dute, eta aurreko programan bezala, etxebizitzaren alokairuaren errentak ezin izango ditu 650 euroak gainditu hilabetean. Bestalde, laguntzaren ordainketa hilero egingo dute bankuko agiriak aurkeztu eta gero.
Nafarroako Gobernuak ahalik eta arinen onartu nahi du Legea, 2019ko urtarrilaren 1etik aurrera indarrean egoteko.
Zure interesekoa izan daiteke
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.
BBVAk 3.000 milioiko irabaziak izan ditu lehen hiruhilekoan (+%10,8) eta akzioak berrerosiko dituela iragarri du
Erakundeak diru-sarrerak eta errentagarritasuna handitu ditu kredituaren bultzadari esker, eta akzioak berrerostea aurreikusi du, 1.460 milioi arte inbertituta.
Brent upela % 5 baino gehiago garestitu da ostegun honetan, 126 dolarrera ere iritsita
Pasa den otsailaren 28an AEBk eta Israelek Iranen aurkako gerra abiatu zutenetik, Brent upela % 70 baino gehiago garestitu da.