7 urte arteko zigorra eskatuko du Fiskaltzak zenbait 'txaleko horirentzat'
Pariseko fiskalak, Remy Heitzek, 7 urte arteko kartzela zigorra eskatuko ditu "txaleko horien" hirugarren protesta egunean atxilotutako batzuentzat. Zehazki, agintarien aurkako indarkeria, onura publikoko ondasunen aurkako kalteak, ekintza bortitzak burutzeko antolatzea eta armak izatea bezalako delituak leporatuko dizkiete.
"Delitu horiek 3 eta 7 urte arteko zigorrak dituzte", azaldu du Heitzek, eta nabarmendu du epaitegi bakoitzak kasuz kasu aztertuko dituela.
Fiskaltzak baieztatu duenez, 378 atxilotu daude Pariseko polizia-etxeetan larunbateko istiluengatik. "Profil desberdinetakoak" direla azpimarratu du. "Probintzietatik heldutako 30-40 urteko gizon asko daude. Txaleko horien izenean Poliziarekin borrokatzera datoz", baina "delituak egiteko aukera baliatu nahi duten Pariseko gazteak" ere badaude.
Michel Delpuechek, Pariseko Poliziaren buruak, larunbatean 412 atxiloketa izan zirela baieztatu du. "Azken hamarkadetako kopuru altuena da", azaldu du.
Suhiltzaileek informatu dutenez, 249 sute izan ziren hiriburuan; tartean, 112 ibilgailu, 130 eraikin eta sei banku.
Protesta mugimendua bultzatu duten Facebookeko orrietan hurrengo larunbateko deialdiak argitaratu dira dagoeneko. Laugarren protesta larunbata izango da. Abenduaren 8an Bastillako plazatik irtengo da martxa, eta Garaipen Arkuan bukatuko da.
Protesta mugimendua bultzatu duen Facebookeko orrietan hurrengo larunbateko deialdiak argitaratu dira dagoeneko. Laugarren protesta larunbata izango da. Abenduaren 8an Bastillako plazatik irtengo da martxa, eta Garaipen Arkuan bukatuko da.
Maila politikoan, Emmanuel Macron presidenteak Edouard Pihilip lehen ministroari ordezkatuta dauden alderdi guztietako liderrak eta “txaleko horien” ordezkariak biltzeko eskatu dio.
"Hau oso kezkagarria da", esan du Pariseko alkate Anne Hidalgok. "Ezin dira asteetan zehar istilu eta degradazio egoera hauek ikusi", gehitu du, eta indarkeriak kaltetutako saltokientzako diru-laguntzak eskatu ditu.
Istiluen ondorioz erreserben ia erdia galdu dutela salatu dute Frantziako ostalariek
Frantziako ostalaritzak gogor gaitzetsi ditu larunbat honetan izan diren istiluak. Jatetxeek erreserben %20 eta %30 artean galdu omen dute eta hotelek %50, Vincent Sitz Synhorcat ostalaritzaren Frantziako sindikatuaren arduradunak jakitera eman duenez.
"Oso tristea da, oraintxe ari baikinen 2015eko atentatu boladatik errekuperatzen" salatu du, eta turistek Gabonetarako zein urte berrirako eginda dituzten erreserbak bertan behera uzten badituzte "dramatikoa" izango dela iragarri du.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.