Lan-baldintza txarrak, EAEko herritarren kezka nagusia
Lan-baldintza kaskarrak Euskadiko herritarren kezka nagusia dira aurrenekoz, langabezia atzean utziz, Deustobarometroaren emaitzek azaldu dutenez. Deustuko Unibertsitateak sei hilerik behin egiten duen inkesta da, eta 2018ko neguaren emaitzak gaur kaleratu dituzte.
Inkestatuen % 34k aipatu dute prekarietatea, ondoren langabezia (% 32), pentsioak (% 24) eta immigrazioa (% 23).
Azken horri dagokionez, herritarren kezkak gora egin du udako datuekin alderatuta, baina ez dute “xenofobiarik” antzeman; izan ere, biztanleriaren gehiengoa etorkinentzako hezkuntza eta osasun sistema unibertsalaren aldekoa da, Maria Silvestre azterketako arduradunetako batek azpimarratu duenez.
Egoera ekonomikoaren aurrean, herritarren “etsipen ikaragarria” nabarmendu du Silvestrek; izan ere, gehiengoak (% 66) krisitik atera ez dela uste du, nahiz eta adierazle makroekonomikoek kontrakoa esan. Gainera, datorren urtean berdin jarraituko duela uste dute % 75ek.
Azken sei hilabeteetan elikaduran gastuak murriztu dituzte % 29k (% 23k haragi eta arrain kontsumoa murriztu du), eta portzentaje horrek gora egiten du aisialdi gastuei dagokionean (% 54).
“Etsipenez”, seme-alabak eurak “baino okerrago biziko” direla uste du ia erdiak (% 47), nahiz eta hezkuntza maila handiagoa izan, “orain arte sekula ikusi ez den” egoera, Silvestrek azpimarratu duenez.
Maria Silvestre azterketako arduradunetako bat. Argazkia: EFE
Agertoki sozioekonomikoaren beste “datu dramatiko” bat: lanean ari diren herritarren % 4k bakarrik uste dute lan-baldintzak hobetzeko negoziazio gaitasuna dutela.
Prekarietateari eta ezegonkortasun horri lotuta agertzen da Euskadiko jaiotza-tasa txikia (batezbeste 1,3 seme-alaba, belaunaldi ordezkapena 2 seme-alabekin bermatzen denean); izan ere, ondorengorik ez izatea enplegu egonkor ezarekin eta familia eta lan-bizitza bateratzeko neurri eskasekin lotzen dute % 73,5ek.
Balorazio politikoa
Bestalde, politika publikoei dagokionez, Espainiako demokraziaren kalitateak ez du azterketa gainditzen: 3,6, eta EAEkoak ozta-ozta, 5,6ko nota batekin. % 85ek ustelkeria antzematen dute Espainiako Gobernuan, eta % 43k Eusko Jaurlaritzan.
Balizko independentzia erreferendum batean, % 36,6k kontrakoa botoa emango luke, % 26,1ek aldeko boza, % 10,5ek ez luke bozkatuko, eta % 26,8k ez daki edo ez du erantzuten.
Presoek zigorrak osorik bete behar dituztela uste dute % 34k, baina Euskal Herritik gertu; eta Espainiako Gobernuak odol deliturik ez duten preso damutuei amnistia eman behar die, % 11,3ren esanetan.
Inkesta 18 eta 64 urte bitarteko 1.000 pertsonari egin zieten Internet bidez, azaroaren 22tik abenduaren 3ra.
Zure interesekoa izan daiteke
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.