Gipuzkoako zahar etxeetako langileek 'duintasuna' aldarrikatu dute
Gipuzkoako zahar egoitzetako eta eguneko zentroetako langileek protesta egin dute Donostian, 5.000 behargin inguru biltzen dituen sektore horretan "duintasuna" aldarrikatzeko.
Zazpi greba egun deitu dituzte, gaurtik hasita, eta ELA sindikatuak ziurtatu duenez, "erabat arrakastatsua" izaten ari da gaurko deialdia.
Komunikabideen aurrean, "jendea geroz eta sutsuago dagoela" esan du Txomin Lasa ELAko bozeramaileak, eta Gipuzkoako Foru Aldundiak gatazka horretan erakutsitako "arduragabekeria" salatu du.
Modu horretan, legealdi osoan Aldundiak egindako "propaganda" kritikatu du: "Une erabakigarrietan, alegia, gauza garrantzitsuak egin behar diren momentuetan, ezkutatu egiten dira, ez daude, eta horrekin jendea haserretzea lortzen dute".
Ildo horretan, Lasak gogora ekarri du dagoeneko hiru hilabete igaro direla zahar egoitzetako beharginek "borrokaldia" hasi zutenetik, azken unera arte borrokatuko dutela argi utzita. "Zuzen jokatzea besterik ez dugu eskatzen. Aldundiari eta patronalei horretan duten arduraren erantzule izateko exijitzen diegu, egoera jasangaitza baita", azaldu du.
ELAko ordezkariaren hitzetan, garrantzitsua da zaintza sektorea "aintzat hartzea". "Emakume izateagatik, zaintzan lan egiteagatik eta sistemari behin behinekotasun hori interesatzen zaiolako lan baldintza oso kaskarrak dituzte, eta horregatik ari dira borrokatzen", gaineratu du.
Bestalde, greban ezarri dizkieten "gehiegizko" zerbitzu minimoekin lotuta ELAk aurkeztu duen salaketaren harira, Txomin Lasak argitu du, "oraingoz", ez dutela inolako erantzunik jaso.
Donostiako Bretxako merkatutik hasita, kalejira egin dute Gipuzkoako zahar etxeetako langileek "lan hitzarmen duin baten alde". Abenduaren 31n ere greba eguna dute.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.